插枝後嘅Lavender (2010年12月更新）

承接舊 post：
http://www.hkplants.com/thread-38156-1-1.html

原先嗰盆母株冇厘生氣，而家呢啲剪咗出來插種嘅枝條，
總算正常生長，啲葉唔似之前咁「摺埋」咗，葉色又冇咁灰白。
圖中呢幾盆，最低幾層嘅灰白色下垂葉，就係出新根前嘅老葉，
上面深/灰綠色、冇接埋嘅就係新生出來嘅葉＆分枝。

PS：盆母株越來越殘，我諗佢真係太老......

     

緲緲, 你好!
我盆薰衣草好似就快死!  woowoo~
我盆薰衣草放在窗邊個幾月相安無事,不過佢Ｄ新葉唔係好似薰衣草咁灰綠,反而好青綠ｏ
點知最呢個月佢係咁出側芽,Ｄ葉又捲, 然后成日軟哂, 我咪淋多左水, 佢開始好多枯葉,我懷疑Ｄ根枯左,所以唔去水!
請問你我應該點做先可以救到佢?

回復 2# Lavender
其它品種唔知，但我發現種緊嗰啲英國薰衣草，都好似好鍾意生分枝，唔駛摘頂到時到候就會爆分枝/側芽。
但同時，早期出嘅葉又會隨住爆側芽而好易老化（捲埋、變乾、變白/黃、枯、然後甩），下面就係之前嗰３盆嘅近照，
下面出緊側芽嘅葉都捲咗，我諗啲側芽好搶營養，又或者側芽生得唔夠啲葉老得快：

     

呢盆之前冇影過，因為原本嗰支插枝實在太幼細，但估唔到生命力都好強，生出來嘅分枝仲粗過原本嗰條，
本來呢盆形狀又係一支３叉，中間嗰條太幼弱剪鬼咗喇，變咗而家個爆緊分枝嘅V字樣：



另外，薰衣草係會瞓覺個囉，休眠期間唔會生長、甩淨嘅葉＆芽會變灰白，睇落好似想死咁但瞓夠就醒。
如果啲莖仲係挺直冇爛嘅話，咁佢應該唔係就死，只係想唞唞、瞓返一兩季咁。
上面幾盆啲枝條嘅母株，就係瞓咗成個冬天，直到今年春分（３月２１日）就瞓醒咗。
不過都幾樣衰吓：



而家春天啱啱到，你嗰盆如果啲泥種咗有半年嘅話其實都可以薄施氮肥或補少少新泥以促進分枝生長；
生緊側芽嘅葉，佢要老死你都阻止唔到，由佢自然脫落啦，都係新陳代謝嘅過程啫。

嗯，有冇相貼上來睇睇？

緲緲, 你好!
我盆薰衣草好似就快死!  woowoo~
我盆薰衣草放在窗邊個幾月相安無事,不過佢Ｄ新葉唔係好似薰衣 ...
Lavender 發表於 2010-4-3 23:07

可以試試剪左D爛根，再係根度鋪D灰再用泥com番~
即係~
草
草
草
泥
灰
根
灰
泥

回復 4# HappyLeo
Lavender話佢嗰盆生緊側芽喎，咁即係仲有生氣唔係就死啦；
而家又係春天正值生長期，唔建議喺呢個時候攪佢啲根囉，
係都等佢瞓咗至攪（夏眠或冬眠時）。

回復  HappyLeo
Lavender話佢嗰盆生緊側芽喎，咁即係仲有生氣唔係就死啦；
而家又係春天正值生長期，唔建 ...
緲緲 發表於 2010-4-6 03:23

岩的，
不過會唔會有機會因為舊葉/枝因為爛根唔得所以用最後的力量出側芽呢？
如果春天正值生長期係咪可以回復到D爛根呢(可能由害蟲造成)？
話換係因為灰有幾個作用，
1~香草通常都愛偏鹼的，而灰可以令土壤偏鹼；
2~灰的粒子極細，可以進入害蟲呼吸道令其x死，可減少害蟲(可以鋪多層係泥面會更好)；
3~灰包圍跟可以幫爛根恢複；
4~春天到，如果無爛根可以為未來成長作準備，有爛根就可以及時救番佢及為未來成長作準備。
當然，如果真係要換都係徬晚以後的好~^^

植物係唔係爛根，唔係靠估，亦都冇必要去估，而係靠觀察實物！
成株拎出盆撿查睇吓聞吓咪知道囉，呢點只有種植者至可以肯定。
所以Lavender，盆植物係你種嘅，係咪爛根就留返畀你自己去確定喇。

處理根部對植物來講極之stressful，春天又好短暫，
以我個人嘅做法，係唔會等到春天生緊新芽先至去攪啲根。
否則啲新芽都未夠大成盆嘢就可能即刻進入休眠狀態。

回復 7# 緲緲


渺渺, 我盆薰衣草Ｄ側芽細, 只幾cm 高,  我只有1月佢健康個樣:
可惜 佢已經走左lu, 我之前左d枝,浸水可唔可以生根? 定係有其他更好的方法?

回復 8# Lavender


   

回復 9# Lavender

好大棵呀～ add6icon

回復 8# Lavender
睇相我估（成日要斷估，無奈！）都係買現成返來種......不過你都話佢死咗咁家陣再研究母株都冇乜意思。
插枝都好嘅，可以有更多機會觀察佢嘅成長過程。插水插泥應該都得，枝條多嘅咪分開一啲插水一啲插泥囉。
有啲人會點一點生根粉再插泥，不過「生根粉」成份含生長激素(荷爾蒙)，你唔心急嘅話其實都冇必要用上。

眨吓眼又快到夏天......上面有個V字叉嗰盆，已經不再V：
見啲小芽開始大而密，就剪走咗嗰兩支老叉枝，而家靚仔咗啲喇。

Vermicompost 真係好正，落咗少少，一個月唔夠高大咗一倍：

事別１月，又大咗啲喇。唔知係咪夏天關係，底部嘅葉生得有啲樣衰/老化，
而嗰啲側芽位置又開始生分枝......以咁嘅生長速度年底唔知會唔會有花開？
Vermicompost繼續落，只係用水溝稀隔渣一星期落一次，
以我觀察所得咁樣施薄肥法可持續補充（舊）泥嘅養份防止盆草提早衰老。

好厲害呀....夏天都種得咁靚，我唔敢種呢.....睇黎你落左好多心機呀...

加油喔.
請問你D  Vermicompost 係邊度買架?我都想試下

回復 15# cklife
千奇咪咁講，一啲都唔厲害。心機談不上，只係多啲睇住唔好畀佢渴死/晒死/熱死/餓死等啫。
啲Vermicompost係朋友自家製需時約３個月造成，然後醒咗少少比我咋，我都唔知邊道有得賣。
不過呢道好似都有會員識整，同埋嘉道理農場耐不耐就有開班教人造，可爬吓文搵搵資料。

回復  cklife
千奇咪咁講，一啲都唔厲害。心機談不上，只係多啲睇住唔好畀佢渴死/晒死/熱死/餓死等啫。
啲 ...
緲緲 發表於 2010-7-16 08:53

原來係自製喔...我都有睇過...不過話個箱會有肥水流出黎...所以我打消左念頭囉....網上搵過..見度灣有公司賣...以為香港都有入口添....

淨係唔畀佢渴死/晒死/熱死/餓死等，都己經好有心機囉.....我都唔知渴死、浸死幾多植物囉....

原來係自製喔...我都有睇過...不過話個箱會有肥水流出黎...所以我打消左念頭囉....網上搵過..見度灣有公 ...
cklife 發表於 2010-7-16 11:47

因為我種嘅嘢數量少，十隻手指數得晒兼寒舍地方淺窄，冇乜機會將啲盆栽當咗做野生植物 ，只需每日瞄兩眼淋吓水，所以真係談不上咩心機囉。
加上啲怕熱/喜涼嘅植物一慨用素陶盆種，透水又透氣，唔駛點理佢地會唔會浸死或焗死根。

因為我種嘅嘢數量少，十隻手指數得晒兼寒舍地方淺窄，冇乜機會將啲盆栽當咗做野生植物  ，只需每日瞄兩 ...
緲緲 發表於 2010-7-17 11:46

盆栽當野生植物。。。。。。。。我無諗過。。。。依幾日大風，仲要幫佢地避風呀。。。可以當野生植物既下場係。。。。變晒枯枝囉。。。。

秋去冬來，話咁快又一年！

呢盆以為佢會開花，點知夏天過後極速老化，為免佢英年早誓，唯有狠狠地剪！
兩星期前剪剩幾條新芽（只得現時一半咁高），而家盆草又重生喇，仲有更多小新芽從泥下飆緊出來。