今晚聽吳君如的嘩嘩嘩打到黎, 說到一對愛人如何keep住很愛對方, 並可以 keep 到這份愛歷久常新?
綜合了講者的話, 水母有以下這個Summary + 自己的想法, 看看有無一些啟發?
1. Stimulation - 原始的吸引 (震撼感)
當遇到真命天子時, 會好想望多佢兩眼, 興奮莫名, 見唔到佢就會掛住佢. 好想拖實佢隻手... (咁簡單, 唔洗多解啦~ 乃是動物階層原始的慾望)
2. Value - 價值觀
當原始的慾望滿足並清醒過後, 一對情侶開始對大事小事各有一套價值觀, 價值觀相近的話, 當然容易明白大家諗緊乜. 但有時卻因為價值觀太撞 / 太過相反, 就會很容易造成磨擦. 到時... 點好呢?
小事 e.g. 男的無錢吃飯唔緊要, 無錢買靚衫就萬萬不能. 女的頂唔順成日同個男仔無餐好飯食. 吵, 自然來.
大事 e.g. 女的非要個男有足夠 (點叫足夠?)資金才肯嫁, 男的儲錢儲到'嗱'埋塊面 (點解得我一個儲? 必然的嗎?)
3. role - 相方的角色
每個人都有意無意為自己打造一個形象, 外表和真正的自己是不是跟愛人夾呢? 有時也不是同居能找到答案的.
e.g. 有些人在家中在外頭都是一個樣, 但有些人卻很會包裝, 在外頭是一個官仔骨骨有 taste 的有識之士, 回到家就是一個唔執屋臭衫四處放跟小強同居的乞兒仔... 你點頂?
既然係咁, 找個外內一致的愛人, 不是已經解決了問題? 偏偏有些愛人卻會一句: "你識我時已經係咁架啦,做乜要我改?"不肯讓步.
e.g. 男方希望有個幫自己打理好家頭細務的內子,每天回家想吃到愛人煮的晚飯;但女方就想繼續做女強人,寧願自己出錢請傭工... 點算好?
(好喇~大家用心靜思幾秒, roll 落去看看有無解決方案?)
只要用心愛對方, 自然願意互補不足, 互相配合. 若然處處要對方fulfill 自己的要求和人生觀, 其實你根本不是很愛對方, 你只愛自己. |