我想問係唔係唔一定有花名?

我想問係唔係唔一定有花名?
如買是有寫的就有名花, 無的就=無名是嗎? 我見有花的多是無名, 但小苗就好多有名.
CHIMPANSY是花名嗎? 我今天BUY了一盆.
以下的係咪=無名? 定係有名我唔知呢?

你看看高維江本書，那裡有講．

可能我大意啦，找不到看啊！等我再看多一次。我是找到書內有名有姓的花介紹由來，但其他一般小花店賣的又點呢？

Kong也剛買了一盆Chimpansy，你可以看看她的帖．借用她的資料：Chimpansy (7393) 07/02/1990 (A. Murphy) Single fuchsia two-tone ruffled bell/variable white stripe and tips. Light green, glossy, wavy/light red back. Miniature
培植的紫羅蘭可以分為兩大類，一是大量繁殖的，已沒有顧及品種，所以出售時一般沒有註明名稱．另一類是專門的花場培植的，較注重品種的栽培，所以出售時有名有姓．我也是新手，一邊找資料一邊學種花，以上資料是高的書提過的，如有錯花友們請指正．

另如對ａｖ品種十分有興趣的話，可以上avsa的網站看看．當然，最直接的方法是在這裡看看前輩們ｐｏｓｔ的靚花啦！

我也書中有提到花既出售有分你指出的2種. 我意思係大量繁殖出售時一般沒有註明名稱, 但其實是否也是有名稱的, 只是繁殖時無人記下所以無呢? (如果買回來後是否可以自己查返個名呢?) 還是雜的根本就不純正, 真正是無名紫羅蘭呢!?
希希媽媽你好似似曾相識, 你是.......有在bk出現嗎? 你唔似新手呢, 知好多啊!

我是愛看書的人，所以有理論無實踐！什麼是bk？

有實踐, 你有種嘛! 嘻嘻.
bk = babykingdxx 可能名有近似啦!?

哦，我冇去ｂｋ．我估全香港有起碼１０００個希希媽媽，因為呢期ｄ細路興改名希希／曦曦／晞晞／熙熙，唉！～

;P ;P ;P ;P ;P

我喺某花鋪聽過另一個 but similar 嘅講法 —— 荷蘭唻嘅花，係 mass production，唔會有名；美國唻嘅花先會有名有姓有 number。

LALA,
你相中的花很美呀!
不過價錢都相差好遠, 我有時都太明白除了大量繁殖vs花場培植外, 點解一些要賣$1xx, 一些只需$1x, 大家一樣有好相似的花好靚的.

oh，vkzone2002， 我再睇吓你啲花花，發現最右手面嗰棵同我屋企某位成員九成相似。我本來都唔知佢叫乜（我 bf 喺姨媽家私買番唻送俾我嘅... 唉...）之後我搵咗好耐，我估我嗰棵應該係 Optimara Ontario。你都可以上去 Optimara 個 website 望吓似唔似。

lala,
係? 係就好啦, 有個名開心好多. 啊~我有些墟榮呢
白花那一盆嗎? 就算似都係斷估無辛苦......... 我記得我係繽紛買的, 我用批發價$1x買回來的, 但原價都好似係$2x左右. 但係佢好勁, 成日都開花, 一開就好似繡球花咁一大堆, 種左3-4年左右, 佢已經兒孫滿堂.
其實我仲有一盆葉片很大(有掌心咁大), 葉莖又好長(10-15cm), 花粉紅色frilled. 咁係咪standard種呀!

[ 本帖最後由 vkzone2002 於 2007-11-1 15:09 編輯 ]

oh yes, 我嘅意思係從左手面數第四張，即係白色單瓣。我嗰棵都開到好似癲咗咁...

我同事都好似有你上面中間果盆呀
我剪左佢兩塊葉黎插葉
依家有幾棵苗仔呢~
所以，我都想知佢叫咩名呀

lala,
係呀係呀! 開花開到停唔到! 不過真好似optimara ontario! (咁我就當係, 開心d)

張相...你可以打字落去,唔駛白手寫架!

相可以打字上去嗎? 這張相是我係影時係相機 touch screen 寫的.
中間紫色花那盆的由來就得意啦, 話說如下:
3年前重陽節去南丫島, 當時 ifc 剛 grand open, 我路經時見到佢地放置商場當裝飾的大花盆種了很多紫羅蘭, 起初以為是假花(因多數商場都是用假花), 但行埋去一看 ~ 嘩 ~ 是真花啊! 又見到有很多葉子被人手多多弄斷了, 咁我咪取了2片 (免費的, 仲可救回一條生命, 做一個七級水泡 ), 結果一生一死. 2年後佢終於開出紫色的花, 現在已開第三次了. 佢有一個剛開了花的仔和數盆小苗的囡(有一盆同人交換左).

原帖由 vkzone2002 於 2007-11-1 17:13 發表
相可以打字上去嗎? 這張相是我係影時係相機 touch screen 寫的.
中間紫色花那盆的由來就得意啦, 話說如下:
3年前重陽節去南丫島, 當時 ifc 剛 grand open, 我路經時見到佢地放置商場當裝飾的大花盆種了很多紫羅蘭,  ...

哎吔，唔好意思呀，由於喺公司睇, 縮細左個browser，
咁啲圖就變左兩行 ... (我話中間果幅其實係左邊第2盆白色的 )
不過，你都好犀利喎，咁都俾你留意到，仲種到咁靚~
等我下次行商場時都留意下先 ~

我都只係見過一次商場放真的紫羅蘭咋! 3年前IFC真係有好多好多, 一個大盆直徑4-5尺, 每格5-6間店舖就有一個大盆, 每盆放滿好多細盆紫羅蘭, 中間放白色, 外圍放紫色, 好靚! 不過宜家好似無啦, 我唔SURE, 太耐無去.
不過太子新世紀都係放鮮花做佈置的, 但唔係紫羅蘭.
第二張相的品種是同事俾我的, 花芯有少少淺淺粉紅的.但葉片好靚, 尖尖的深綠色, 葉背有少少紅色, 好有光澤. 感覺好斯文.

[ 本帖最後由 vkzone2002 於 2007-11-1 21:10 編輯 ]