本帖最後由 mandm2007 於 2009-1-19 15:25 編輯
剛過去既聖誕我去左"北區花鳥虫魚"見到"有機士多啤梨"那個四眼仔,我幫襯佢買左包"有機肥料",佢話好好用架~製過,所以唔會臭~用法好簡單成長既植物只要放十粒係大約500ML既水入面溶左佢,苗就放五粒係500ML水,隔6日淋一次肥就可以,用淨既水只要擰晒個樽蓋就可以,唔會有臭味架~唔知大家有無用過呢??
難得見到佢當然問左好多有關士多啤梨既問題啦~ 最基本都係隔日淋一次水,到第6日就用肥料咁~另外,佢話士多啤梨生長既環境要係5-25度之間,佢話到夏天一到25度士多啤梨就會死,我想問下有種過既花友佢講既係唔係真架?你地d士多啤梨到左夏天會點照顧佢地呀?我好擔心呀~我用左好多心機又BB開始照顧佢地架~唔好死呀!!! |