Alison的菜園

alison

你d相影得好靚, 風兩蘭有好多唔同品種呀add6icon

你d農作物仲正呀
你種果d, 我全部都冇呀 好羡慕呀
下年我都要種果隻奶油南瓜, 好可愛
今年我都種左青瓜用來做沙律
不過第二轉收果d青瓜唔知點解苦既add3icon

回復 1061# miku

D 相用手機拍架！自從手機可以拍後，就少用大機了！
至於青瓜，我有種有刺青瓜，收了三條，除了第二條外，其餘的都苦啊！
第二條唔苦，唔知係咪我好嫩就收呢？

苦青瓜?! 果時我種都無試過喎, 貢得意?!!

ALISON , 早晨呀~~
你D 鷹爪蕃薯葉點黃法呀 ? 種左有幾耐?
因為我D 鷹爪唔夠水, 最多都係DUP D , 唔會黃的. 會唔會下面有大蕃薯 ?

ALISON , 早晨呀~~
你D 鷹爪蕃薯葉點黃法呀 ? 種左有幾耐?
因為我D 鷹爪唔夠水, 最多都係DUP D , 唔會黃 ...
JicJicmom 發表於 2010-7-13 10:57

早呀積媽, alison,
我都試過黃,一點點噴灑式咁既, 後尾發覺太耐唔摘或者無乜比肥就咁囉

今次先說說瓜瓜！

第一條白瓜，已收來送給姨甥女做生日禮物！

瓜長得很長，約有十吋，因趕時間，都沒拍照。

至於脆寶，收了，比網球大，做了沙律！





這兩個又是剛長成的，看來明天又該可收了。



這個瓶裝住0既係檸檬青瓜，用咗醋來醃。

[color]

第一個小奶油南瓜開始完熟。



第二個則授粉成功後，順手把瓜籐剪掉！

看到斑比說南瓜苗可吃……遲了，可惜呢！



另一株葉很大的南瓜有一個囡囡，今早開花，可惜沒開囝囝花！

只好借小奶南的種，看來成功率很低。

可惜呢，這個應該是老師的長南瓜。去年沒種成功，希望今年OK！

種粗放式的菜蔬真的時有驚喜。

金色馬齒萈正如老師說，只要下過種，它自會隨時發芽！

這都是在我棄置了的泥上長出來的！



另外那邊廂的又開滿了花！

看看相片背景，那灰灰白白，就是我沒淋過水的老泥！！泥都結了，它還一直長，一直長！



今早摘了一些，準備今晚用來吃湯米粉！

UPADTE 一下其它的植物情況。

蘋果小樹，看來要換了盆，才會長粗壯！



金桔新年時買回來，發現根有白粉蜃 (好像打錯了字)！[

立即把它剪根換泥，加了大量的茶籽粉，現在長得挺健康！



菠蘿還要等！



金奇異果葉子一直有被蟲咬的痕跡，但就是找不到兇手！

(這個竹架很不穩，一直在晃！)

拜康森所賜，一直有點亂的地方，也要執拾一下，免得打起風來，東西被吹走了！

舊泥啲起心肝，把它混了骨粉、麩粉，甲殼素、石灰等用桶裝好，留待入秋後用。(學積媽！)



本來還有一些泥要再曬一下才再處理，這幾天會下雨，就先入袋，待下星期末工幹回來再處理！

執拾後的「菜園」

Alison好!

你啲嘢種得好靚啵!
請問成功咗嘅南瓜係咪採用授粉成功就剪藤蔓尖嘅方法架?

回復 1071# 花園仔

老師，講得岩啊！就係用你教嗰個方法！

而家另一邊又長一個出來，我又剪掉個尖啊！

以後都會記住呢個方法！

對了…記得看到有帖說現在有些瓜不可以種了，如青瓜。

但卻又說老師現在開始在種青瓜。……

我尋日去開買麩粉，同個花檔老闆嗲幾句，佢話而家開始培瓜苗，

約秋天時收瓜，D瓜特別甜，問我知唔知點解。

我答佢話可能係少D雨水，佢話岩！仲叫我而家開始種！

我估老師而家開始種青瓜，也可能有這個原因吧…對嗎？

回復 1072# alilovebyj

Alison, 我而家種青瓜主要係試驗體高溫環境下俾佢濕度補強, 睇吓得唔得啫!

回復 1073# 花園仔

原來係咁…實驗…實驗！

我這邊種的有刺青瓜都是苦的，只有一條沒事 (前後得三條咁大把，樣子怪怪的都清理掉了)

所以…我決定下次春播都唔會種青瓜啦……圓形的脆寶，檸檬青就另計。

圓形青瓜真係好可愛呀...睇落仲好嫰口添呀....

種得好靚喔...

回復 1064# JicJicmom

不會啦…大蕃薯，我都想啊！

應該係無乜比肥啊！

我會勤力D施薄肥架啦。今天同花檔老闆嗲，佢勁強調要薄肥多施。我替他買了有機粒肥 (海藻肥)。佢話開水施，3-5天一次…要好薄好薄！

十二蚊，手掌咁大包。唔知有無買貴呢。不過，同佢嗲咗咁耐，都要比d錢佢賺！

alison,你既貼好精彩呀,比左好多動力我呀~^^~

回復 1075# cklife

係啊…嫩，用黎做沙律最岩！

回復 1077# 農夫

係啊…種嘢無得懶，「一分耕耘，一分收獲」真係無錯。

我都好多失敗嘢架，不過，還是很想很想種落去！大家一齊努力啦！

對了…又要講下老闆娘，佢話自己而家試種椰菜和西蘭花。

夏天喎，種呢d？大家可能都會覺得奇怪。佢話，呢d種印尼都種到，香港無理由種唔到！

佢又講咗d幾有趣0既嘢，佢話印尼種嘢唔駛淋水，所以d印尼人「咁懶」 (希望無得罪人)

印尼每日都會灑雨，淋水可以慳番。

今次先說說瓜瓜！

第一條白瓜，已收來送給姨甥女做生日禮物！

瓜長得很長，約有十吋，因趕時間，都沒拍照 ...
alilovebyj 發表於 2010-7-15 10:32

呢d青瓜種得好靚呀
味道係點ka,
我d白青瓜有一盤要清了, 因為我見佢生晒黃點, 又結唔倒瓜
我total只係收左六隻青瓜咋, 其他果d已經唔得啦, 同埋又病左

你d南瓜真係好正, 我諗要用多d泥先種倒. 但而家唔知趕唔趕得切
我上一次發唔倒種子, 所以放棄左, 放種西瓜同冬瓜

加油呀, 等睇你d收成add6icon