2008-2010秋播成績表(續......三色堇開花喇 ^o^)

今日見又多一盆鳳仙開花, 不過今次係粉紅色, 仲有盆白色都就開.
而且盆牽牛, 今日見多咗好多花花

你棵牽牛好靚喎

原帖由 hk88688 於 2008-12-17 13:40 發表
今日見又多一盆鳳仙開花, 不過今次係粉紅色, 仲有盆白色都就開.
而且盆牽牛, 今日見多咗好多花花

我發覺冬天D牽牛都生長得好好, 反而夏天就好惹蟲.........

Aalon
我都無諗過秋播牽牛會生得咁好, 仲見好多花冧未開呀, 個花架已經唔夠佢哋發展.
其實鍾意牽牛嘅花友, 可以試吓播, 佢哋生得好快, 我秋播啲種子當中, 佢係最快開花嫁, 3粒種子已經生到咁喇.
敏敏, 你都買咗啲牽牛種子, 春播嗰時播幾粒, 好快有花花睇

我估我等唔切春天囉, 可能放假就播 lu

我d牽牛喺冇收晒所有種子嘅情況下，種子四散…佢自己播左種生緊喇…
不過可能佢係一年生嘅關係，舊果d已經枯枯地，但花鋪d人又話佢春天自己會再生（佢地話街野生果d都係咁wor)，所以我都係留佢喺度睇吓點先~

Fanny，牽牛花d葉仲好靚添，add6icon 等我快d將放係冷宮ga牽牛花 拎去晒太陽先。add10icon

敏敏, 係呀, 早啲播早啲有花花睇

Candice, 野生嗰啲我無留意到, 不過見佢未枯, 咪由得佢自生自滅囉 , 唔好咁快封殺佢嘛

花草, 多謝嚟賞花 呢棵牽牛放個位唔係好晒嫁咋, 不過可能我同啲月季噴藥, 順便噴埋其他花花, 所以棵牽牛少啲蟲同菌啩

牽牛惹蟲ga, 所以兩星期要落一次藥

我都好怕蟲蟲, 所以每星期用一次藥, 有備無患嘛

我呢排掛住整理d花都冇噴過藥添, 放假要幫佢地噴吓先

原帖由 hk88688 於 2008-12-15 14:25 發表
雲雲, 我唔識路呀 , 淨係去咗農科中心同花卉世界行咋, 得閒post啲牛牛月曆睇吓吖, 都係牛牛嘛, 我諗一張半張版主唔會咋型啩

依個就係牛牛月曆啦，係唔係好"娘"呢？
貪佢夠古老，內容仲有182個菜餚添~

唔係吖, 好classic呀, 買月曆送嘢食, 好抵呀 雖然唔食得, 有時睇吓都好嘛

個月曆 ok 喎, 好 traditional

今日又開咗好多桃花喇, 最鍾意白色嘅鳳仙都開埋, 連狗牙花都終於花喇

你d桃花有冇諗住好似人地街買果d咁，meet晒d葉？
同埋你呢隻係咪非洲鳳仙花？

[ 本帖最後由 cyhh 於 2008-12-19 22:40 編輯 ]

狗牙花好香架, 係我喜歡嘅品種之一啊

Candice, 唔知我係咪睇慣咗, 棵桃花好似有啲綠色葉襯吓好睇啲, 無晒啲葉反而唔係好慣, 加上咁高好難meet呀

敏敏, 我都鍾意啲白色嘅花, 所以我都幾鍾意狗牙花, 不過我唔知佢有香味, 可能依家開得一朵唔多覺, 等我聽日聞吓先

原帖由 hk88688 於 2008-12-19 23:04 發表
Candice, 唔知我係咪睇慣咗, 棵桃花好似有啲綠色葉襯吓好睇啲, 無晒啲葉反而唔係好慣, 加上咁高好難meet呀

敏敏, 我都鍾意啲白色嘅花, 所以我都幾鍾意狗牙花, 不過我唔知佢有香味, 可能依家開得一朵唔多覺, 等我 ...

如果開得多果時有風吹過, 簡直正到暈啊

嘩!!  88688你連桃花都有呀?  我秋播的種子一朵花都未開呀，睇住你果D先!