我的小小植物天地 (9-Apr-2017更新）

K. Blizzard's Lady in Red  分享回來好開心，見佢十幾日都冇乜反應，掘出嚟睇下，唔知點解成條虫虫軟晒，而且漸漸變黑發霉，可能救唔番啦！對不起呀！已經儘力！可能是我家中太焗熱啦！

蟲都熱死咁利害 冇理熱得過我個高溫露台，我d貓蟲都冇死，至多熱到唔發芽

唔知呀！分享番嚟時都係軟焾焾，我以為佢响郵寄途中焗親呀！比佢沖涼，沖完涼，好似冇咁軟，咪落泥種囉，十幾日無聲無氣，咪摷佢出來睇下囉，見佢軟到一pet醬咁，仲由白變黑色添，我諗已死咗㗎啦！

淡橘色風雨蘭開花照(謝謝月兔耳大大)

迷岩S. Stone's Mario 又結了兩個花苞並多長一層葉子喱！

好耐冇見Melb大呀！謝謝賞花賞分鼓勵

你的迷岩無徒長

真係好呀

Melb版大，係咪迷岩唔似風雨蘭，火球花咁，需要大量陽光都得，所以用燈照都可以正常生長無變高人呢！看看她側面照，層次都算均勻喱！

wongcc 發表於 2016-7-30 22:01
Melb版大，係咪迷岩唔似風雨蘭，火球花咁需要大量陽光都得，所以用燈照都可以正常生長無變高人呢！看看她側 ...

完美，可以去參展

b大，你不要取笑我呀！你大大的迷岩一出，誰與爭鋒，我們這些做小的新人類，只求勿草菅岩命貓命，稍為種得似樣d, 又得到各位大大不吝指教，慷慨分享，間中有花賞，人生一樂事也，別無所求啦！參展係高調出位的動作，唔啱我呢d低調抆車邊的微小花友㗎！

見到到手香長得夠份量煲湯啦！今天又煲好好味的到手香湯水，唔知gun爺上次試飲完之後，仲夠唔夠胆再煲第二次呢？

wongcc 發表於 2016-7-30 22:01
Melb版大，係咪迷岩唔似風雨蘭，火球花咁，需要大量陽光都得，所以用燈照都可以正常生長無變高人呢！看看她 ...

我的真到生到好長

唔見得人了

Melb 發表於 2016-7-31 16:17
我的真到生到好長

唔見得人了

Melb大，你是用天然光定是燈光呀！

wongcc 發表於 2016-7-31 22:05
Melb大，你是用天然光定是燈光呀！

天然....

Melb 發表於 2016-8-1 19:52
天然....

用天然光不是比燈光更好的嗎！??? 有時種植物真係好難明解佢地要怎樣照料最好！我也有這個難題！我大部份花都還可以過得去，但有小部份真係種極都冇起息，半生不C咁呀！

wongcc 發表於 2016-8-3 09:43
用天然光不是比燈光更好的嗎！??? 有時種植物真係好難明解佢地要怎樣照料最好！我也有這個難題！我大部份 ...

我種死埋

在tb淘的兩種風雨蘭都開花啦！
尚算健康呢！
金黃色風雨蘭(Zephyranthes Citrina)
草原日落風雨蘭(Zephyranthes Sunset  Strain)

另一盆後期淘的風雨蘭 Zephyranthes Sunset Strain雖然所有葉都枯黃脫落，但仍爭取第二次的開花機會，居然一球同時間連開3花苞，真勁呀！二球可開4花，好理想，希望佢地可繼續抗菌，漸轉健康是我的願望，等着她的三花齊開呀！

wongcc 發表於 2016-8-9 12:25
另一盆後期淘的風雨蘭 Zephyranthes Sunset Strain雖然所有葉都枯黃脫落，但仍爭取第二次的開花機會，居然 ...

一球開三花，好利害啊

B17 發表於 2016-8-9 15:00
一球開三花，好利害啊

我都未試過，一球同時開2花都唔多，仲要開3花，可能受到侵襲，終極反抗呀！

10/8/2016  今日4花中率先開了單丁的一朵，顏色花紋線條明顯，花色很美。3胞胎未有動靜，不知是同時開還是先後開呢！

可愛的三胞胎，因受細菌侵襲，已經續一倒下去了。

謝謝Melb大賞分

Zephyranthes Krakatau 喀拉喀拉火山