新手打皂～左手香手工皂

Woodstock 發表於 2015-7-22 11:15
有關減鹼 : 我係堂上有問到幾何要做減鹼動作, 得到回覆係, 因為係倒油時, 好大機會有少部份油未有倒進打皂 ...

NaOH 的純度不會100%, 洗鬼為杯裡個少少油減鹼咩, 而且仲要減5%咁多, 如果造1000G 油的皂, 又減50G油的鈉量咩?? 邊有咁多油留在杯內呀?? 完全唔make sense.  油入幾隻杯, 淨係洗都煩啦, 多鬼餘, 只要順序倒油, 就唔會亂龍. 就算亂左, 都可以教學生怎去補回份量, 又可以學多樣.

SF 和減鹼類似, 是把原定要的油量再加一些, 用意一樣, 但比減鹼易控制得多, 例如油量多了, 可以適量'不'番出來才落鈉水, 但鈉水不足, 唔通又開多D鈉水補回咩.

水量其實唔需要要求很準的, 水是油和鈉互融的重要媒介, 足夠就OK, 怎為之足夠呢? 一般1.9-2.5 為主, 有些易T的配方, 如家事皂和鹽皂, 會用2.8-3倍水添.

其實我地呢度都有D好玩配方, 你找下帖啦, 希望幫到你.

所以你話呢個導師教得幾古怪呢~可能佢唔想講咁多比大家知掛~至於佢要我地用幾多隻杯我無所謂丫, 佢洗之麻, 又唔係我,  我係屋企就唔會咁做, 洗死我咩~

至於水嘅問題, 我大約明白水係作皂過程嘅角色, 主要係要將NaOH溶解同解離, 同埋對皂化速度影響。到我自己開始整嘅時候, 我會自己嘗試輕調一下~

我已經將置頂嘅水母同CK配方好好收藏(先行謝過), 練好新手配方先整其他~~但係屋企有好多買入嘅手工皂, 唔知幾時先開始整~我好想整含乳嘅皂, 好適合我呢D夏天都要用乳皂嘅人, 都唔知點解上身係中性皮膚, 但對腳又乾到死…好鬼煩, 我好怕塗body lotion, 一個字~~~~懶~~~

Woodstock 發表於 2015-7-22 16:38
所以你話呢個導師教得幾古怪呢~可能佢唔想講咁多比大家知掛~至於佢要我地用幾多隻杯我無所謂丫, 佢洗之麻,  ...

近期有幾個POST都有提過奶冰打皂, 你可以去看看~ 奶皂好EASY的, 我也很愛用奶皂, 我造的皂九成用奶冰溶鈉打皂的.

Woodstock, 我今天膽粗粗剛打完冰奶皂, 未知成唔成功

但想請問水母老師, 用的是你新手配方(中性皮膚)油量350ml
除了以冰奶代水, 同時把Classic Olive oil 轉為Pomace,
打唔夠10min巳 light Trace, 再打到13min巳要入模.

上次用凍蒸餾水+Classic Olive Oil 都要50min先廿
請問這次是正常嗎,還是有些地方出錯呢?

cmchang 發表於 2015-7-23 13:04
Woodstock, 我今天膽粗粗剛打完冰奶皂, 未知成唔成功

但想請問水母老師, 用的是你新手配方(中性皮膚)油量3 ...

應該無問題既. EV OLIVE OIL 係要打較長時間才T, POMACE相對較快T, 不同品牌的T速度也不一的. 乳脂又會有些不皂化物, 有機會令底皂快少少T.

cmchang, 你好快手丫~

cmchang 得閒放製成品上來呀!! 我都未試以冰奶代水

jellyfishy 發表於 2015-7-23 13:55
應該無問題既. EV OLIVE OIL 係要打較長時間才T, POMACE相對較快T, 不同品牌的T速度也不一的. 乳脂又會有 ...

我覺得用奶難睇得清楚d NaHO完全溶解未,
水就容易得多.
唔怪之得溶奶醶時攪極都仲有白色細粒粒,
以為溶唔曬d醶.
原來係奶脂,咁都冇咁驚

Woodstock 發表於 2015-7-23 13:56
cmchang, 你好快手丫~

Woodstock, 打皂真係會上癮架!

而且家中剛好有材料, 咪試吓囉
好呀, 出模後再post出來
大家一齊分享吓經驗

cmchang 發表於 2015-7-23 15:45
我覺得用奶難睇得清楚d NaHO完全溶解未,
水就容易得多.
唔怪之得溶奶醶時攪極都仲有白色細粒粒,

明白了, 唔該曬

cmchang 發表於 2015-7-23 15:45
我覺得用奶難睇得清楚d NaHO完全溶解未,
水就容易得多.
唔怪之得溶奶醶時攪極都仲有白色細粒粒,

如果真係怕納鹼未全部溶化, 可以用過濾網將奶鹼過濾倒入油中, 咁樣同時間可以將乳脂粒隔起~哈, 我唔中意見到一粒粒未溶哂嘅嘢~

我嘅到手香皂已經熟成, 可以用得喇~


皂嘅ph值近8, 泡細但唔滑, 可能椰子油有25%, 對於中性皮膚嘅我覺得好乾, 再加上35%棕櫚油令到塊皂好鬼硬身, 25%+35%=60%硬油, 呢個配方對於我黎講太唔保濕, 可以拎去做家事皂洗衫

又真係幾似葱段成皂後嘅綠色係帶有少少黄，隻色好靚架～

Purpur 嘻嘻~~~ 咁沖落香唔香呀? 我兜得左手香好香架~! 不過我未有時間種/買呀

咁洗落又無咩香草味, D味應該係皂化過程消化哂啦~ 不過有種清新嘅味道就真嘅~

我都有盆左手香丫~我就真係好中意佢嘅味道~初時拎佢返黎有兩枝葉莖, 其中一枝係, 但係上面D葉不斷死, 好驚佢捱唔住, 最後請教左送呢盆植物比我嘅導師, 佢我將仲健左嘅葉莖摘落黎再插泥, 佢先慢慢長大D葉。佢都唔洗點打理, 宜家都好穩定咁長葉~ 我估佢應該係個種幾易種嘅植物~

Woodstock 發表於 2015-8-18 14:33
咁洗落又無咩香草味, D味應該係皂化過程消化哂啦~ 不過有種清新嘅味道就真嘅~

我都有盆左手香丫~我就真 ...

我買過液體既左手香沖涼液, 佢聲稱話係解左手香入皂架, 一路沖都覺得好香呢

你就好啦, 種野都有心得, 又識得花友, 對整皂好有幫助呀

我都仲未搵時間去花墟買薄荷葉等等

Purpur 發表於 2015-8-18 16:07
我買過液體既左手香沖涼液, 佢聲稱話係解左手香入皂架, 一路沖都覺得好香呢

你就好啦, 種野都有心得, 又 ...

你唔好誤會, 我係種咩史咩架…之前種過碧玉, 種左一年, 見佢愈來愈高就打算換盆, 一換…佢就命喪黃泉

左手香人人都話易種…咁睇下佢可以係我屋企住幾耐…

仲咩想買薄荷葉? 又係入皂? 薄荷啱夏天丫~~

Woodstock 發表於 2015-8-18 17:27
你唔好誤會, 我係種咩史咩架…之前種過碧玉, 種左一年, 見佢愈來愈高就打算換盆, 一換…佢就命喪黃泉
...

我係屋企都係種D好易種既植物, 連薑都種緊呀, 哈哈哈, 不過真係好高深, 下一步再慢慢學

薄荷葉呀..我係第2個post到提呢

"我男友暫時未肯捨棄佢既化學品洗頭水, 直至我要做到薄荷涼涼洗頭皂/液比佢先得....我都苦惱中"

所以要搵薄荷葉入皂呀, 我唔太想用薄荷腦呀...因為難控制呀....

Purpur 發表於 2015-8-18 20:25
我係屋企都係種D好易種既植物, 連薑都種緊呀, 哈哈哈, 不過真係好高深, 下一步再慢慢學

薄荷葉呀..我係 ...

用新鮮香草入皂多工夫丫, 你真好心機。其實可唔可以係街市搵新鮮薄荷葉做少少試下配方先呢?