鬆糕皂

鬆糕了!

尋日整嘅椰子家事皂, 90%椰子油, 10%橄欖油, 納55.3g, 水2.4。打到over trace入模, 入模溫度約32度, 入模後無保溫, 無加保鮮紙, 7小時後脫模切皂(我用亞克力模, 入左冰箱2個鐘都唔可以係個底到推佢出黎, 最後要用刀仔”界”開一邊先可以鬆開D模, 嚇史我==”, 下次咁高比例硬油都係唔好入亞克力)。

脫模時見到以下呢個位置出現鬆糕現象, 切開皂, 大部份都正常唔見鬆糕, 咁嘅情況下係咪都係失敗左要熱製呢?


其他切塊正常

唔似鬆糕.  

鬆糕的皂面會很易碎的, 這皂有碎開嗎?

似OT 入模, 個樣唔靚.

太好喇, thank you水母。我都按過呢個位置嘅表面, 佢確實無碎開。

我仲諗點解會有鬆糕, 因為打到T時再入精油同粉粉, 入模時已經OT唔再流動, 要用刮入模~唔係鬆糕唔需要熱製就好喇~

好似紅豆綠豆糕 ~
Woodstock,你用什麼色粉?

cmchang 發表於 2015-9-7 11:51
好似紅豆綠豆糕 ~
Woodstock,你用什麼色粉?

珊瑚紅石泥同薰衣草粉。對於粉粉入皂功效我無好大期望, 所以都係當做色用~

薰衣草粉係有少少似草綠嘅顏色, 所以你先覺得佢似綠豆就係咁嘅原因囉~  

件皂又令我好肚餓 (為食人)

你落左咩精油落去呀請問? 家事皂你都整得咁有心機~讚讚呀~!!!

Purpur, 你咁為食, 記得有日你整到D cupcake皂時, 唔好搞錯將佢食落肚丫

我落左少少甜橙同廣霍香同咖啡粉, 等老公洗碗洗得心情放鬆開心D

Woodstock 發表於 2015-9-7 19:09
Purpur, 你咁為食, 記得有日你整到D cupcake皂時, 唔好搞錯將佢食落肚丫

我落左少少甜橙同廣霍香同咖啡 ...

Woodstock, 你係咪用即溶嘅咖啡粉?

我都好中意聞咖啡香, 多過飲咖啡

Purpur

哇, 家事皂你都落廣霍香呀,唔怕味太濃嗎? 我只係整蚊怕膏時落過咋~~~ 嘻嘻~~我驚我都會忍唔住食左~但CUPCAKE 皂好似好難整

我用廣霍香黎定香咋, 況且佢個味我覺得怪怪, 無話落好多

Purpur

呀, 咖啡粉我成日都想落, 因為我堅鐘意飲, 但好多人話易塞水喉管..我就收左手啦  

咖啡粉可以用黎除味, 食完橙對手洗極都有橙味, 用左有咖啡成份嘅皂就可以清哂D味啦~, 不過佢會塞管道嘅咩??? 咁我又唔知噃! 我係好隨意咁加入咋!  

不過我係網上見有人話過會有皂垢問題塞喉管

cmchang 發表於 2015-9-7 19:49
Woodstock, 你係咪用即溶嘅咖啡粉?

我都好中意聞咖啡香, 多過飲咖啡

我有部用capsule嘅咖啡機, 沖完咖啡就剪開capsule倒佢D粉, 放係太陽下哂光備用囉~capsule係粉狀, 唔會好似即沖咖啡嘅粒狀咁大粒~

如果你無呢D用完嘅咖啡粉, 可以去賣咖啡嘅地方問佢地摞架, 我有朋友試過, 不過記住帶個盒去裝wor!

家事皂不用打得太T，粉和精油都是在未T時要加入。T了就好難溝得均勻。

Purpur

我係公司叫茶水姐姐留過用完的咖啡粉比我, 一大袋, 哂左2日都仲濕濕...煩左一輪又唔想入皂驚塞...之後...處理唔到啦  

其實都用唔到咁多, 所以摞少少就夠喇~ 好快晾乾架咋

cmchang

係咪攞少少佢都肯俾架?

我估多少都應該得嘅, 你有種植物, 都可以當佢做肥料, 不過邊D土壤合用我就唔太懂, 相信可以請教呢到嘅花友

claudiatang 發表於 2015-9-11 12:12
家事皂不用打得太T，粉和精油都是在未T時要加入。T了就好難溝得均勻。

我都係響LT時加入, 不過T得勁快, 放多佢一陣就OT啦~
我以為所有添加物都係T時加入, 下次我會留意返~Thanks Claudia~

Woodstock 發表於 2015-9-11 13:05
我都係響LT時加入, 不過T得勁快, 放多佢一陣就OT啦~
我以為所有添加物都係T時加入, 下次我會留意返~Thank ...

我通常攪三幾分鐘就加。因為有些精油會速T的。太遲的話，再加就來不及攪均了。

claudiatang 發表於 2015-9-11 14:25
我通常攪三幾分鐘就加。因為有些精油會速T的。太遲的話，再加就來不及攪均了。 ...

明白喇~下次做家事皂都係唔落太多色粉同精油, 我好怕薯泥T

Woodstock: 不過我係網上見有人話過會有皂垢問題塞喉管

Purpur: 皂垢個問題我呢排都處理緊, 因為用左幾個月流水都慢左, 我剛剛weekend 試左醋+水去清清喉管~

我都上網見過有人話塞喉, 駛唔駛開個post問意見呀?

cmchang 發表於 2015-9-11 19:17
我都上網見過有人話塞喉, 駛唔駛開個post問意見呀?

早兩日電視搵左個教授，話醋+梳打粉只係中和左作用，只用梳打粉清潔就得

我上星期仲用醋+粉清左個喉試下tim...