新手打皂～左手香手工皂

大家好，我係打皂新手，剛過去嘅星期六去上左堂左手香天然皂手皂班，入左模，用保鮮紙包好面就放入紙袋封好口，今晚打開袋(即超過24小時)，就見到個皂面出現好似一點點油斑同有少許水珠嘅情況。但皂嘅四邊同皂身入面就無咁嘅情況。

請問啲一點點係咪油斑？係我打皂手勢唔好定保温方法有錯？我落堂後拎住新打好嘅皂出去過第二啲地方食嘢，唔知係咪天氣太熱引致？

請各位師兄師姐賜教！

Hi,我都係新手.
我都想知, 留名學嘢

請問你的用的是乾燥左手香嗎?

切開後嘅皂身好正常丫

個色都幾靚下

Hi cmchang, 老師提供新鮮嘅左手香比我哋，個味道好舒服。上完堂仲有一盤左手香比我哋帶返屋企種～

Woodstock 發表於 2015-7-20 22:43
Hi cmchang, 老師提供新鮮嘅左手香比我哋，個味道好舒服。上完堂仲有一盤左手香比我哋帶返屋企種～ ...

Woodstock,咁又幾好喎, 加咗d天然顏色
是把新鮮左手香連水打碎後隔渣後用作溶醶嗎?

我遲d都想加色

老師已經預先整好左左手香冰塊，另外係堂上面再教打碎方法。因為冰塊唔可以達到要求份量，所以會加入左手香水一齊溶NaOH

晾曬一晚，今朝個樣。會係白粉嗎？

Woodstock 發表於 2015-7-21 08:05
晾曬一晚，今朝個樣。會係白粉嗎？

"請問啲一點點係咪油斑？係我打皂手勢唔好定保温方法有錯？我落堂後拎住新打好嘅皂出去過第二啲地方食嘢，唔知係咪天氣太熱引致？"

影相不清, 唔係好肯定是不是油斑. 請提供你個配方和打皂情況, 俾大家了解才有得出建議.

但白粉好嚴重, 你老師教幾多溫度打皂呢? 不如你看看呢度D文章, 我們有提過不用高溫打皂, 白粉問題會少D的.

皂保溫, 唔係要底皂好高溫咁保溫, 目的是要底皂在相若溫度下一直保持著皂化. 皂入模後, 拿出拿入是大忌, 因為出入危險, 易倒翻, 發生意外, 皂液點到皮膚會好嗱的, 而且出入不同地方的溫度及濕度有異, 也會影響皂化, 好奇怪你老師居然.... 我還是不評論其他人的手法了.

你呢底皂有大大點白色點, 似攪唔勻的NaOH在皂內, 試下CHECK pH, 如果OVER 10, 不如拿去做再生皂.

園藝館很多花友樂意分享香草如到手香給大家打皂的. 你參觀下一定會有得著, 我响呢度就係咁識到好多朋友架.  

多謝水母, 個配方要返到屋企先可以再post上黎。

今次係我第二次上堂作皂, 相比第一位導師, 係教授理論, 作皂技巧, 作皂過程中提點, 同提供嘅保護衣物用具都做得唔好。第一位導師會將入模嘅皂放入保溫袋後, 存放係佢嘅工作室保溫，再另約時間上去脫模切皂，然後拎返屋企晾曬就可以。今次嘅導師係上堂前一日發電郵叫同學要帶保溫袋, 由於我無check電郵, 亦無諗過會帶住強鹼皂離開, 所以只係帶在個紙袋…唉…況且自己打皂經驗唔夠, 自己事後處理都唔好。應該第一時間返屋企保溫才對…

至於打皂時, 兩者溫度介乎40-50度之間。當日係用左手香冰塊溶鹼, 溫度下降到25度上下, 個導師叫左我地去為鹼水加熱返去40度==” 個時我已經覺得心知不妙…算吧!就當一次失敗經驗! 我要好好記低錯係邊到!

呢個係上次整嘅咖啡家事皂同洗衣液，今晚返去試好ph值，ok後就可以開始用，希望洗感正常！

Woodstock 發表於 2015-7-21 10:28
多謝水母, 個配方要返到屋企先可以再post上黎。

今次係我第二次上堂作皂, 相比第一位導師, 係教授理論, 作 ...

照你咁講, 應該係頭半天保溫出了問題了. 首先, 如果底皂加溫打皂再入模, 要保持那個40-50度的溫度會好難, 一低過這溫度就很易出白粉, 所以我話加溫是多餘.

第二, 做乜要加溫?  其實10度打皂, 皂都會正常升溫和皂化, 加溫還有必要嗎?

第三, 如果要學生把剛入模的皂拿走, 就更不應加溫, 如果溫度高的皂液倒了出來點到皮膚, 會好嗱!  

重新多次了, 保溫唔係要KEEP住溫度高, 重點在衡溫, 令皂在穏定溫度下皂化. 你話KEEP住高溫的皂在穏定溫度下會容易D, 還是低溫的皂會容易D?  

不過, 皂未必用唔到既, 都係經驗, 多上來大家一起研究下, 看看之前的文章, 有得著的~~~

可能我講得唔太清楚, 個導師唔係同一間公司架。整家事皂係私人作業, 由興趣漸漸開班做私人教授, 雖然對做皂理論無咩點教, 但作皂過程技巧要點同用具(包括保護用具)都基本整備。係處理鹼水同打皂時, 不斷強調安全嘅重要性, 堅持一定要戴護目鏡同手套, 過程中亦好留意學生進度…至於左手香皂嘅導師…我都唔知點講, 同學左手打皂, 右手扶住器皿邊嘅右手不斷沾到鹼皂, 好多同學都係第一次打皂, 未必知道強鹼對人體嘅影響。 好多人會去學一次兩次就自己係屋企打皂, 如果導師唔強調在家作皂安全嘅重要性, 好多人會掉意輕心…

至於打皂情況大致係咁：首先用左手香冰溶好NaOH, 之後才量油同將油溫熱達40度。 到溶好油脂, 鹼水溫度已下降至30度以下, 導師叫同學將鹼水加溫與油溫相約, 再混鹼油一起打。由於有好多同學都係第一次打皂, 打左45分鐘以上都未trace到, 導師就提議加溫至40度, 以增加trace速度。

上次整家事皂, 油鹼相差10度都未有白粉出現, 可能真係保溫過程中出差錯了~

jellyfishy 發表於 2015-7-21 09:36
園藝館很多花友樂意分享香草如到手香給大家打皂的. 你參觀下一定會有得著, 我响呢度就係咁識到好多朋友架.  ...

好的,我會留意吓

Woodstock 發表於 2015-7-21 17:06
可能我講得唔太清楚, 個導師唔係同一間公司架。整家事皂係私人作業, 由興趣漸漸開班做私人教授, 雖然對做皂 ...

原來這樣. 咁第二個導師真係有點...  T得慢, 加溫是方法, 另外也得留意水量和配方.  
配方裡如果油種比較難T, 水量可著量減少, 如馬賽皂很難T, 可以用1.9-2.1倍水溶鈉, 這樣會比較快T.

多謝水母建議~減水的話, 要等我有打多幾次皂, 有基本經驗才試, 現在還是新手, 乖乖的跟前人配方做, 免得出錯~

左手香配方 :
Oil :
Coconut oil 75g (25%)
Palm Oil 105g (35%)
Olive Oil 120g (40%)

Lye :
NaOH 43g (已減5%鹼)
左手香冰塊 108g

INS 159

配方合理嗎?

NaOH 43g (已減5%鹼)
-- 減鹼目的是要令皂有多餘油份, 令身體感覺滋潤. 呢個配方不是很滋潤個種, 加上香港濕熱環境, 又係新手班, 根本不應該減鹼!  減鹼會令皂體內有油脂沒皂化, 香港咁既環境, 皂好易壞架. 另外, 5%減鹼其實在香港呢濕熱地區是太多了, 呢個做法在較乾冷涼地區如日本北部, 加拿大等地會常用.
減鹼也會令皂較難T的, 因為唔夠鈉皂化.

2.5倍水, 也不是必要的, 除非你底皂好易T, 又或你想做渲染, 唔想底皂咁易T, 我就常用2.5倍了, 因為我常作渲染.
一般2.3倍水是正常做法, PP SOAP計數機也PRESET 做2.3倍的.

其實配方設計得好, 根本不用減鹼.  尤其在中港台呢D 濕熱地區, 除非你有很好的保存環境, 否則減鹼實在不宜.

有關減鹼 : 我係堂上有問到幾何要做減鹼動作, 得到回覆係, 因為係倒油時, 好大機會有少部份油未有倒進打皂器皿內(堂上導師要求三種油用三個量杯分開量, 再倒進打皂器皿內, 以免新手錯手倒多油補救唔到), 所以要作適當減鹼。但未有提到目的係保留油脂以增加滋潤度, 加上配方又未有SF, 可能係咁佢無提到掛~

至於用水部份就有點不明白, 配方中係用未減鹼前份量(即45g)的2.4倍水計算。這個做法有誤嗎?