每日最少陪狗狗幾耐呀？

虛宿寶瓶 · 發表於 2008-7-7 16:41:18

係呀！你估佢唔到架！冇人o向屋企個陣，佢會做D你估唔到佢會做到嘅事！例如，跳上檯面！當自己係貓咩！激死我！

prodorothyhkg · 發表於 2008-7-7 17:59:45

好彩呢兩隻野知道佢地係狗黎姐

虛宿寶瓶 · 發表於 2008-7-7 18:03:14

你就好啦！我真係發覺我以前隻狗唔係狗黎架！咩都做得出！

prodorothyhkg · 發表於 2008-7-7 18:05:32

例如呢

不過會唔會嚇到d小朋友唔敢養

虛宿寶瓶 · 發表於 2008-7-7 19:00:36

以前我有一對迷你品，好細隻之嘛！冇理由跳到上餐檯，因為張餐椅係拍埋左張檯到，所以佢就算跳到上椅都跳唔到上檯！個陣我張餐檯都係我張書檯，哈！我去完街番黎我檯上面D書全部係地下！激死我！

幾年前住新界養左隻大狼狗，佢叻囉，我有跳幾米張o既鍊縛住佢，但小姐佢好叻架，兩、三日就學識拆扣然後o向D花園到周圍跳啦！但一到7點幾知我就番屋企佢就會跳番番自己個花園！我鄰居話我知！唉！都唔知好嬲定好笑！

prodorothyhkg · 發表於 2008-7-8 16:26:18

叻

虛宿寶瓶 · 發表於 2008-7-8 17:01:29

佢好聰明，好鐘意"E E 翁翁"同你講野！屋企隻老狗 (佢仲係狼狗BB)唔同佢玩，佢又走埋黎望住我 "yeo-翁-Oooh-yao-哇" o翁一大堆說話！但佢又好 happy 過喎！就算佢知道自己今次衰左鑊甘甘地嘅都好啦！你呢頭鬧完佢、佢1秒唔夠又對住你拾熟咁樣，嬲都嬲佢唔落！好鬼 cute 架！

另一隻BB狼狗，我帶佢去狗鋪買新狗帶，比隻陀地西施兇佢，佢又好可憐咁對住我，即場"yeo-翁-Oooh-yao-哇"，連入鋪頭幫襯個女仔同佢男友都望住我問，小姐你隻狗做乜野！我話"佢比陀地兇呀！"

prodorothyhkg · 發表於 2008-7-8 17:16:38

yee,我個女又係好多野講架,不過我大至上都聽得明,多數都係同意,知道,係呀,好味同埋唔關我事呢幾句

虛宿寶瓶 · 發表於 2008-7-8 17:33:28

我o個兩隻bb狼唔係架，剩係炸型先至講野，好鬼底死！

prodorothyhkg · 發表於 2008-7-8 18:07:06

老狗好似係有智慧d

虛宿寶瓶 · 發表於 2008-7-8 18:17:19

當然啦！狗狗真係有性架！

prodorothyhkg · 發表於 2008-7-9 16:43:06

咁你搬左入市區2隻狼狗點呀?

虛宿寶瓶 · 發表於 2008-7-9 17:17:15

唔好提啦！我就係怕隻狼狗住新界跑慣玩慣，市區佢會好慘，我同佢個 trainer 提過， trainer 話不如幫佢搵主好人家！咁我諗諗下都ok lah.. 好過跟我住市區！唉，後來 trainer 話搵到主好人家比佢，於是就黎接走左佢，就第二日下午，我地產急 call 我話北角搵到個頂樓連天台，我放工急急腳去睇啦！發覺 good 喎！狼狗都有方玩，附近又有地方放狗！於是即刻打比個 trainer ，搵左佢一晚都搵唔到，搵到第二日，終於搵到，講左個情況佢聽！佢話試下幫我問新主人攞番隻狗！第二日唔覆我，我又追佢，追左兩日，佢跟住打比我話新主人上左大陸，搵唔到人！再隔兩日同我講，話個新主人已經帶左隻狗上大陸幫，仲交埋學費 train 佢，等佢第時幫佢看廠！我心諗唔係掛，前後幾日你點可能咁快攞哂針紙又呢又路咁帶隻狗上大陸？除非偷渡，又或者你根本唔想比番隻狗我！我隻狼雖則唔係頂級 show dog，話哂都名門之後，老豆阿媽有朵架！後來佢同我講，話可以再試下同我攞番隻狗，但要比兩萬蚊個新主人當補償喎！錢我冇，但我會去撲、去借，問題係，我點知你攞隻咩番黎比我？講呢個電話o個陣同朋友食緊晚飯，佢地聽到我講電話都即刻向隻邊擰哂頭叫我千其唔好信佢！我個心痛到不得了，飯都食唔落，係咁喊，諗番起件事，而家都喊緊！

另一隻係我朋友知我掛住隻狼，所以後尾再o向佢D仔仔女女到揀比我嘅！個陣我已經住市區，有個大平台，佢嘅活動範圍仲大過我！呢隻我冇再搵 trainer 教，我以後都唔會信佢地！我自己晚晚帶佢落街教佢sit, heel, down, stay, come，雖然進步得慢，但自己一手一腳教又幾開心！可惜佢大癡身，我一唔o向屋企佢就吠！我冇可能晚晚7pm就番到屋企，我有時都要出街同朋友食飯，都要OT. 樓上炸哂型！又投訴，又掉野落平台！最後有一次掉左幾隻橙落黎，比我3隻傻狗食哂！跟住我就驚啦！今日你掉橙，過兩日我點知你會唔會掉老鼠藥？結果我送番佢入我個 friend 個狗房！我掉轉頭走o個陣佢喊到劏豬咁！我就喊到豬頭咁！佢嘅故事我好似 post 過上舊園藝版，睇下搵唔搵到先！

prodorothyhkg · 發表於 2008-7-9 17:24:41

,其實我估個 trainer自己據為己有,大部份trainer都有繁殖名種狗來賣,尤其名門之後,妳正好送羊...唔係..送狗入野獸口

虛宿寶瓶 · 發表於 2008-7-9 17:30:50

好在我都曾經有一隻狼係向我手上百年歸老！佢好乖，好有性！但最怕行雷，最慘就係夜晚行雷佢會跳上床，訓我枕頭，都唔緊要，但佢要搵個屁股對住我塊面！點推佢，最後都要咁！唯有狠狠地kick佢出廳訓！

prodorothyhkg · 發表於 2008-7-9 17:36:24

呢幾日晚晚半夜行雷,我就冇覺好訓,隻冇用仔行來行去,跳上床我又踢佢落去,個女就縮向床邊做摩打仔

p.s. 唔趕得個仔出廳,佢又會亂吠同埋進行佢個展屎計劃

虛宿寶瓶 · 發表於 2008-7-9 18:09:35

哈哈哈哈！展屎計劃！展得好！

prodorothyhkg · 發表於 2008-7-9 18:16:57

向天台就由得佢展,屋裡面

都唔知佢點想出來架,最近2年先開始展add12icon add12icon

[ 本帖最後由 prodorothyhkg 於 2008-7-9 18:18 編輯 ]

維維 · 發表於 2008-7-9 18:34:25

原帖由 prodorothyhkg 於 2008-7-7 16:37 發表
我個女算係超乖架 la,但第三日冇人向屋企都咬爛我四隻唔同既鞋,比我又審又打一大餐之後9年半都冇再重犯,所以都要有心理準備,幾乖都好,都會有一次半次頑皮 ...

我以前都有養隻混血狗狗 (魔天使+西施)，果時住屯門，試過有次山泥傾潟，足足塞咗成七、八個鐘先番到屋企

，後來番到屋企門口，就聽到佢 d 哭泣聲，一打開度大門，除咗塊面d毛毛濕曬之外，仲見佢成口紅曬。開頭仲以為佢流血流到成口到係，後尾先知，可能佢以為我地有事，佢用個咀咬開大門的木材表層而做成，或者，係佢單純的思想中，以為破壞咗到門就會見到主人la，不過呢見事，依定諗番起都覺得好感動~~~~

prodorothyhkg · 發表於 2008-7-9 18:37:28

呢d情況真係唔知點話佢知先明白add3icon

每日最少陪狗狗幾耐呀？

瀏覽過的版塊