每日最少陪狗狗幾耐呀？

顯示全部樓層

我好想養一隻小型狗，但係又驚陪佢地既時間太少，
所以想問下你地，每日陪狗狗幾耐呀？
同埋狗狗需要我地每日陪佢幾耐？

prodorothyhkg · 發表於 2008-7-4 01:02:49

係什麼種?

悠遊鳥 · 發表於 2008-7-4 14:37:51

原帖由 prodorothyhkg 於 2008-7-4 01:02 發表
係什麼種?

暫時都仲未決定，諗住睇下邊d狗係岩既，先至養……

prodorothyhkg · 發表於 2008-7-4 15:26:33

如果係史納莎或者比高,尤其係比高,超級活潑,真係要陪佢多d,少d精力都唔掂,我隻仔後生個陣打贏過一隻凶狠ge什狼狗(曾咬死起碼一隻西施),但係亦比隻比高推左佢落河,因為頂唔順佢咁煩,成日追住你啄下啄下

唔知咬你好定唔咬,睇少佢一眼就成隻狗衝過黎,咁就落左河啦

但如果係d比較獨立狗種,如西施,迷你牧羊,松鼠等,陪既時間可以少d,但係最好每日最少出一次街,行15-30分鐘應該足夠,但要教佢向屋內特定地方尿尿,因為冇可能一日只痾一次尿

prodorothyhkg · 發表於 2008-7-4 15:31:44

重有,短毛狗又比長毛狗易打理,長毛狗應該每天同佢梳毛,睇下有有皮膚病

虛宿寶瓶 · 發表於 2008-7-4 15:58:13

狗狗？越多時間越好啦！尤其是初到貴境，屋企最好有人，如果唔係佢會好驚、好悶！會咬爛哂你D野，例如報紙雜誌、電線、拖鞋、鞋、或者藥梳化疴尿尿、賴屎屎！

會唔會打算收養一隻呢？好多無家可歸嘅小狗需要屋企。

prodorothyhkg · 發表於 2008-7-4 16:13:34

原帖由 虛宿寶瓶 於 2008-7-4 15:58 發表
狗狗？越多時間越好啦！尤其是初到貴境，屋企最好有人，如果唔係佢會好驚、好悶！會咬爛哂你D野，例如報紙雜誌、電線、拖鞋、鞋、或者藥梳化疴尿尿、賴屎屎！

會唔會打算收養一隻呢？好多無家可歸嘅小狗需要屋企。 ...

講得好

個陣我冇返2日工陪個仔

虛宿寶瓶 · 發表於 2008-7-4 16:58:50

我都係架！有新狗狗我都會揀weekend，例如星期六番黎，攞多兩日假，咁咪有四日囉！

悠遊鳥 · 發表於 2008-7-4 22:41:10

哇，原來呢到都有兩個好主人喎～～

唉…而我呢……我真係好想養，但係又真係好驚自己會無時間、無耐性照顧佢地……難得爸爸媽媽俾個機會我養，又唔想放棄，因為養狗係我自細既夢想……好煩呀！！！

prodorothyhkg · 發表於 2008-7-5 00:34:42

咁你就真係要好好的考慮喇,養寵物係一生一世架

Fonica · 發表於 2008-7-5 01:02:25

如果驚自己無時間、無耐性的話，倒不如不養，不要因為難得的一個機會或夢想便做錯決定，養一隻狗好像養一個不會長大的bb，要花很多心機和時間去照顧牠們，是一種承諾。

lammadick · 發表於 2008-7-5 12:10:55

北京狗性格比較可以獨立....可以少點時間都得
但我都習慣一早一晚帶佢地兩隻落街....從不間段
除了打風或者下大雨(細雨都帶),星期六/日會去三次
可以另佢地行走多點....唔係好容易肥....同腳部冇力
注意....自己唔得閒都要找人幫手....
因為佢地習慣咗出街去....在家時會死忍....忍得太多唔係太好
有時間陪佢玩當然好點啦

藍天使 · 發表於 2008-7-5 14:36:03

養狗需要既時間比較多, 細狗要帶出去行下街, 大狗仲要去跑下添. 如果比唔到咁多時間黎照顧佢地, 可以考慮養貓貓, 貓比較獨立.

sam · 發表於 2008-7-5 19:49:26

總之就要喺養之前 "認真考慮清楚"！

我曾經响油麻地見過，有個露宿者養咗幾隻狗，雖然人同狗都十分污穢、食唔好及住橋底，但大家都依然不離不棄咁，一齊生活咗好長時間！
你養得佢地，就有責任照顧佢地一世！當然，佢地亦會無私咁，用佢地嘅一生陪伴你！

虛宿寶瓶 · 發表於 2008-7-6 16:57:38

上個星期日差D想領養隻金毛，但我已經有兩個仔仔，之前o個十幾年一直養緊狗狗，其實好累，放假出門又唔想去咁耐，怕佢地唔開心，遇著自己去夜街又咁o岩行雷閃電o個陣又怕佢地驚！..... 最後我都冇帶到隻金毛番屋企，我相信佢會搵到個更好o既主人，更多時間陪佢，而我就打算等呢兩隻小狗百年歸老之後比自己休息番幾年再作打算！

所以養任可寵物之前一定要考慮清楚！係佢o既一生，亦都可能係你o既一生。

悠遊鳥 · 發表於 2008-7-7 14:14:53

其實，我想養狗都有好多原因，首先就係想戒左d不良既習慣，比如連續玩電腦5、6個鐘……而且，我好想要一個對我不離不棄既朋友，同埋好想要一個任何時間都可以陪我既朋友……

好多時候，係學校會有唔開心野，如果同父母傾，就驚佢地擔心，同朋友傾佢地又唔鍾意，而且星期六、日父母要番工，無人陪我，就連喊都無人會安慰我……有時真係會覺得好孤獨……

虛宿寶瓶 · 發表於 2008-7-7 15:51:18

OK... 咁你要諗幾個最切身嘅問題！
- 你住嘅地方適合養狗嘛？(例如鄰居有冇養？多數大厦公契都唔比養，但有人陪就好D！)
- 附近有冇落街嘅地方？
- 你番左學有冇人o向屋企？
- 養狗狗要買好多野 (初頭)，邊個比錢？屋企人有冇問題？BB要打針，跟住又要食Frontline 同心絲蟲藥，定其檢查等等...)
- 屋企野係咪 dog friendly.. 例如有冇鞋櫃放鞋？(otherwise 除非夜晚狗狗鎖入籠 or 入房訓，如果唔係佢訓唔著同你咬爛哂D鞋..)其他野仲有雜誌架，垃圾筒 etc....

我暫時係諗到咁多！你諗住先啦！

prodorothyhkg · 發表於 2008-7-7 16:12:00

日頭有幾多時間冇人,小狗一定牙痕,咁係咪要入鎖入籠 or 鎖入廁所

虛宿寶瓶 · 發表於 2008-7-7 16:21:31

入籠入廁所我覺得好慘，廁所最慘，因為對住四幅牆，唔知做乜好！狗鋪又D三尺高左右嘅欄，比人裝o向門口欄住狗狗！如果廚房可以的話，都係一個唔錯嘅選擇！

prodorothyhkg · 發表於 2008-7-7 16:37:44

我個女算係超乖架 la,但第三日冇人向屋企都咬爛我四隻唔同既鞋,比我又審又打一大餐之後9年半都冇再重犯,所以都要有心理準備,幾乖都好,都會有一次半次頑皮

[ 本帖最後由 prodorothyhkg 於 2008-7-7 16:38 編輯 ]