請問有無花友在天台做小花園經驗 ?

要由村屋搬左出市區, 想延續村屋0既農夫生活, 請問有無花友有呢D經驗 ?
當然喇,以前食完野吐粒核落泥就可以生樹呢一招已經唔得. 所以大大小小0既盤我都買左D,心目中想種瓜/菜/草 . 刻下最緊急的是先做好個瓜棚 .  在花墟某店購入大量格仔網片, 因日常都要返工,所以只可以在星期六日開工. 而且無經驗的我只可以睇書/問人 . 我有以下疑問, 希望如果有經驗人士可以指教一下 :
1. 用格仔木網片,通常如何組合 ? 我需要將 9 塊 90(W)X180(H)MM 格仔網架組合 .
2. 我唔想格仔架腳長年掂住地面, 不利去水瓜棚亦唔玩得幾多年. 除左木腳三角架 , 仲有無方法可以解決呢個問題 ?

其實我有參考台灣書, 用磚 + 水泥做地腳. 除此之外,仲有無其他方法 ?
先謝謝各位 !! :n4

我同你一樣喎~~~不過我之前係想dit之後諗住揾人整,而家直頭唔知點,
你知啦種開野都想自己一手一腳diy,但又怕工程難尾
揾人做,個花園又冇左個"靈魂"0係度
1.呢隻呎吋b&q賣$399,深圳賣$90左右,用浸過防腐藥水既杉木做
有一隻扣係可以扣住兩塊板,有直扣同轉角扣兩種,幾蚊個,黑黑地色
2.有d格仔架下面係有腳,但你咁大塊可以0係下面加角鐡(但唔靚喎)
磚 + 水泥做地腳<~~~~~~~~~之前我都鍾意紅磚個種感覺,但因為天台加磚的話一來加重左天台重量,二來磚好吸熱.....但你只做地腳線,唔怕掛!?

[ 本帖最後由 羊咩咩 於 2008-6-30 10:25 編輯 ]

多謝你回覆呀 ~
磚+水泥, 係因為搬運麻煩 (大廈管理署一定成日上天台及住我做乜 ) . 無喇喇又唔知去邊度買磚... 數量少又怕人地唔理我.
台灣書教0既磚座, 係獨立式,搬得郁.  大約20-30CM高, 離開地面以便去水. 磚座中間有十字坑, 方便唔同方向0既木網片插入去.
而家我會先 :
1. 將格仔網下半部份上左叻架 (店員姐姐話會襟用好多 , 我買0既係戶外燒杉木) , 又唔想D叻架破壞個原始味, 所以只上一半.
2. 自己加釘再鞏固個網片 ( 網片本身係用手釘 , 唔太穩陣)

磚座<~~~~叫空心磚
紅磚,建材舖有售,之前我問過,
一架(原裝,唔記得有多少)$1.2一磚送埋貨
要少量$1.8一磚,送貨另計
唔好用力架油好喎~用耐左,一兩年度啦,就會一塊塊咁掉油皮(可能又晒又淋雨啦)
貴貴地買缶戶外木防腐油,三四年油一次都得
加釘......加條木條,將木格上落條木條度,再用"拉爆"上牆
最好用不锈鐡釘喎

[ 本帖最後由 羊咩咩 於 2008-6-30 11:00 編輯 ]

咁我去買罐防腐木油喇 ~~ 叻架我覺得怪怪地咁 , 防腐木油貴極有個譜, 可以令舊野襟用0既, 我唔介意比多少少錢. B&Q 唔知有無呢?
我有朋友DIY 左個瓜棚仔,因位置問題+唔係太大, 佢用L碼碼實就OK . 好方便又易做.
磚頭0既野, 我會搵之前幫我裝修個師傅幫我諗諗 . 因為要上天台, 樓梯錢又係省唔到.
而家仲係做緊資料搜集 , 所以好多野都未有定案. 希望自己 DIY 0既野, 又襟用又如自己所願 ~ 唯有用多D時間,慢工出細貨喇~

B&Q 有售,一般建材舖都有
紅磚邊位用搥打幾下,打出彎彎裂裂感覺,好有味道
希望你早日成功啦

多謝你呀羊咩咩 ~~
我開始動工前, 會貼番個step by step + 圖出黎, 希望到時大家比D意見喇 ~~~

嘩!!!好呀~我都好想睇,咁就真係麻煩你

我想咁整....

你真係好心機 !!!! 等我都試下用 PS 畫下先 ~~ :目
我好想做平台呀 , 不過老公話怕去水有問題, 我地又係舊樓, 所以都要再考慮下至得 !!
我去過旺角裝修街 後面0既弼街 , 有一間賣戶外野0既建材舖 . 佢有一隻叫 "電木" 0既材料 , 知唔知係乜野呢 ? 好似幾硬淨咁. 啡色 , 用黎整平台地板 / 籬笆 .
我早幾日去 B&Q , 乜都買唔到...... 碼仔喇 , 防腐木戶外油喇  ......
呢緊個星期尾會出去旺角買五金野 .
防腐木油同紅磚會搵師傅同我買.

我張圖都冇咩心機架,畫畫下都唔再畫兩面圍柵同其他.....
防腐木油好多地方都有,五金舖.....
我會自己油防水油油左牆先,打打低
木料用浸左藥水既美國南方松(平嘛又耐用)

聽日會去一轉裝修街 , 等我去問下先 !!!
會自己油防水油油左牆先,打打低 ----> 你提醒左我 , 我都要油.
南方松即係邊一隻 ? 啡紅色0個d ? 我買0既係碳化杉木 .

尚未動工的格仔網

你呢隻係碳化杉木,但唔知有冇油過防腐油/浸過防腐劑
都係油返一層防腐油好d
南方松即係唔太深色啡啡地......
仲有其他木材,但貴,唔啱我

佢有無落防腐油都好 , 我都一定會再上一兩層 !!
好想用得幾耐得幾耐 ~~ 我見其他0既戶外木都好貴 , 比唔到咁多錢喇  .....

我咁整都要差唔多兩萬,諗住耐用嘛

啱啱我計過如果我買你個種木,格仔板一樣,連木地板
總數要約二千八左右
今日又有一間報價用美國南方松整要成三萬大元......唔幫親啦

$_$
如果自家 DIY手工好 , 貴少少都值 , 話哂一手一腳.
但 ..... 我自己手工唔好 , 所以好多野都要計過 $$$ 至可以做 .

我買美國南方松木條自己diy?
咁要攪到我個私人木工喎,我驚佢發老皮,最後工程難尾

原帖由 羊咩咩 於 2008-7-6 09:51 發表
我買美國南方松木條自己diy?
咁要攪到我個私人木工喎,我驚佢發老皮,最後工程難尾

如果有得揀,我寧願搵人整~
我屋企位"私人木工"大帝話自己diy一個天台花架比我種花,仲可以鋪埋戶外木地板~
可惜入o左伙半年,只係係咁意髹o左防腐油,一條木都未鋪過~
我話唔得閒不如搵人整,佢又話自己搞得掂,講多幾次又驚佢嫌我煩~
d朋友成日問幾時可以黎我屋企天台bbq,我都唔知點答~
另一樣煩惱係d花越生越大盆,到時要幾個人合力至可以搬到上去~