DIY 手打烏冬

材料: 烏冬粉 + 水 + 少少鹽 + 少少發粉
把全部材料放入食物保鮮袋, 按呀按呀, 搓呀搓呀. 融合好後切條, 滾水灼熟再過冷河備用. 另煮好湯底加入烏冬即可.

見到烏冬, 令我諗番起前年一個人, 山長水遠去日本信州學整烏冬既傻事　add6icon

嘩～　好精彩，諗都無諗過可以自己造～
兩位可唔可以詳細講多ｄ製作內容，如買料，地點，etc.?

好似好好玩咁ｗｏ！！
係邊度＋？？

原帖由 kim 於 2008-6-30 12:55 發表
嘩～　好精彩，諗都無諗過可以自己造～
兩位可唔可以詳細講多ｄ製作內容，如買料，地點，etc.?

個食譜我收藏得好好,連我自己都唔記得收o左佢o係邊~
不過如果依導師既做法,要買好多工具,佢示範既係佢地傳統做法,用山水,大木盆,長麫粉棍......
擀粉既方法&次數都有規定,總之每一個細節都不可馬虎,屋企比較難做,我純粹當係去見識o下~
vkzone2002 個食譜會岩一般家庭多d~

嘩，都幾多工程吓ｗｏ！！

原帖由 alexand52028 於 2008-6-30 13:02 發表
好似好好玩咁ｗｏ！！
係邊度＋？？

o係日本信州清里,我o係東京搭新幹線去輕井澤,再o係輕井澤轉搭普通火車(單程好似要兩三小時),然後再轉的士~
學校隔離係間當地好出名既烏冬食店,任何時候都大排長龍~
當時我食完自己既製成品,想試o下同餐廳o個d有乜o野唔同,當時已過o左午飯時間,接近中午兩點,結果等到三點幾至有位,當日好似係假期~

我的是香港simple版呢!
材料:
烏冬粉在citysuper有售. (袋的背面有材料比例)
粉+水, 加少少鹽, 加少少發粉
放晒入食物保鮮袋, 捏呀捏搓呀搓, 約搓15分鐘至半小時直到粉團均衡為止, (完成後的粉團是後乾身的, 所以要用很大力去捏呀捏搓呀搓先work), 之後留粉團係保鮮袋內悶佢約30-45分鐘, 再打開保鮮袋, 搓平切條即可.
煮法, 先用滾水灼約10分鐘, 過冷河. 之後再放湯煮3分鐘左右就食得啦!

vkzone呀, 多口問句,
好唔好食呀?

好彈牙好有口感好滑好滑. 但我技差, 有少少硬.

好得意,又好詳細喎

原帖由 vkzone2002 於 2008-6-30 16:26 發表
好彈牙好有口感好滑好滑. 但我技差, 有少少硬.

你d烏冬咪好似你咁, 又'彈牙'又'滑', 但又有點'硬朗'?
咁點樣可以避免唔硬呀? 煲耐d? 發耐d?

原帖由 kim 於 2008-6-30 16:55 發表

你d烏冬咪好似你咁, 又'彈牙'又'滑', 但又有點'硬朗'?
咁點樣可以避免唔硬呀? 煲耐d? 發耐d?

可以加多少少水去差

記得"螢之光"果套日劇話個女主角學整烏冬,
佢係用腳踏下踏下咁架~

咦. 好掂wor. 等我又去買包粉來試下先. 似模似樣咁.

又幾好啊﹗等我都要找日試吓﹗

原帖由 everydayfan 於 2008-6-30 18:05 發表
記得"螢之光"果套日劇話個女主角學整烏冬,
佢係用腳踏下踏下咁架~

唔.......我只係用手開工咋......不過大家可以試下用"格啦底"去夾; 用PAT PAT去坐..........等佢有"口感"一D!

原帖由 vkzone2002 於 2008-6-30 22:04 發表


唔.......我只係用手開工咋......不過大家可以試下用"格啦底"去夾; 用PAT PAT去坐..........等佢有"口感"一D!

哈哈哈~~ 你咁鬼有創意既~ 如果 pat pat... 味道可能多左但未未必夠力壓喎~
不如搵人試下用頭頂"獨龍鑽"呀 ?

其實用腳係有效率好多,又大力,又"暈巡",而且又冇咁快疲倦,只用套上乾淨透明膠袋便可

lee個帖真係有齊-- 知識+實用+創意+搞鬼...  正呀add7icon