小時候我的志願

原帖由 kim 於 2008-6-16 09:41 發表


咁細個就要咁現實, 也拜現實所賜.
等如有個女仔由細到大都渴望有父愛, 所以就十分影響她的戀愛觀 -- 愛大年紀的男人, 愛那些很成熟型的男人... etc.
細細聲講呀, 我十歲就出來做 part time架喇, 到大個左對自己 ...

十歲就出來做 part time?  做童星 ?  擦得到唔到站呀?

我地幾個由幾歲開始,有時間就幫d山寨廠釘珠仔,到隻腳夠長就去車衣,其實車衫真係幾好搵架 ,不過一定係長假期先至做得,再大d就幫人補習.....

原帖由 prodorothyhkg 於 2008-6-16 10:07 發表
我地幾個由幾歲開始,有時間就幫d山寨廠釘珠仔,到隻腳夠長就去車衣,其實車衫真係幾好搵架 ,不過一定係長假期先至做得,再大d就幫人補習.....

我以為釘珠仔, 車衣 係我果個年代添

我地差不多對手識yuk就在家串膠花

原帖由 prodorothyhkg 於 2008-6-13 16:55 發表
得6,7歲咋,邊有咁叻識擦鞋呀,大話都唔係好識講

哎吔... 現在先見到 ，原來睇錯咗，以为係 中一中二！

我讀間小学冇 咁 勁，要作有关大志的作文。

peter: 咁只串膠花，仲有串珠仔，入原子粒，整毛冷辦，剪線头.....超多家庭手作要做。真係唔記得果陣時边有時間玩，同讀書！

死啦,爆左d最祕密既祕密出泥添

原帖由 八王爺 於 2008-6-16 10:14 發表


哎吔... 現在先見到 ，原來睇錯咗，以为係 中一中二！

我讀間小学冇 咁 勁，要作有关大志的作文。

peter: 咁只串膠花，仲有串珠仔，入原子粒，整毛冷辦，剪線头.....超多家庭手作要做。真係唔記得果陣時边有時間玩，同讀書！ ...

咁你有冇聽過 "擦沙" 吖?

其實將d針織布碎, 用手"擦"省, 擦到一條條綫, 用嚟抺嘢, 清潔用, "擦"一磅一毫子.

我個年代都只係入d 糖果入袋, 為降落傘糖和介子糖加工...
第一次在外做 part time 係在診所做助護, hehee.... 那時公屋區人口好多, 附近也沒有醫院, 很多診所醫生一日要睇百多個病人, 我那時只係做樓面登記, 搵的不多, 但看到很多人生百態.
多多呀, 我同你個年紀加埋都未到退休年紀啦~  

原帖由 kim 於 2008-6-16 10:34 發表
我個年代都只係入d 糖果入袋, 為降落傘糖和介子糖加工...
第一次在外做 part time 係在診所做助護, hehee.... 那時公屋區人口好多, 附近也沒有醫院, 很多診所醫生一日要睇百多個病人, 我那時只係做樓面登記, 搵的不 ...

講起診所登記助護, 我有次去探老豆, 自已有d傷風, 就去以前睇開果間診所探吓個醫生,
個登記助護問我睇過未,
我話睇過, 不過係好耐之前, 叫佢當我係新病人登記啦
佢好自豪咁話: 我地 d record keep 10年, 幾耐都有 record, 你 up 個名俾我得嫁啦
我話: 我最後嚟睇果次係20年前, 可能你都未出世.

原帖由 Peter 於 2008-6-16 10:45 發表


講起診所登記助護, 我有次去探老豆, 自已有d傷風, 就去以前睇開果間診所探吓個醫生,
個登記助護問我睇過未,
我話睇過, 不過係好耐之前, 叫佢當我係新病人登記啦
佢好自豪咁話: 我地 d record keep 10年, 幾耐都 ...

好感足... 以前細個做助護, 見到頭50個來登記的不是醫生的親戚, 就是很熟的街坊, 很記得, 它們的登記日期是....65 - 68年 (我也未出細呢~)
到了2008年,.... 想起那班老街坊和醫生的親屬, 只有幾個還在生, 連醫他自己也去世了.

記得細果時問阿媽點解我地冇山拜, 俾阿媽鬧到開花, 係未講 "係唔係想激死老豆搵山拜呀"果句

分析當時自己年紀細, 長輩都唔係好老, 再老啲都係大陸鄉下

後來就 "如願以償" 囉.  唉

講番正題, 我小時的志願係做警察

老豆話我係關帝誕果日出世, 應該從武喎

原帖由 kim 於 2008-6-16 10:34 發表
我個年代都只係入d 糖果入袋, 為降落傘糖和介子糖加工...
多多呀, 我同你個年紀加埋都未到退休年紀啦~    ...

但係我想50歲就退休呀,再老d都冇力四周走啦,我仲要去好多地方玩架.......例如黃山啦,亞爾卑斯山啦,艾爾斯岩啦......少d力都唔掂呀

[ 本帖最後由 prodorothyhkg 於 2008-6-16 12:33 編輯 ]

原帖由 Peter 於 2008-6-16 11:53 發表
講番正題, 我小時的志願係做警察

老豆話我係關帝誕果日出世, 應該從武喎

yee,Peter大哥如果當年做警察至而家,好可能已經係警司啦,咁點解冇做?

好的老師有很多，但不一定你會遇到。很多時候，包括我自己在內，都是一律以自己想法為中心，硬灌自己的想法給小孩，扼殺了小孩的思維發展，想像力變得有限。

原帖由 prodorothyhkg 於 2008-6-16 12:31 發表

yee,Peter大哥如果當年做警察至而家,好可能已經係警司啦,咁點解冇做?

其實我做過吓警察嫁, 不過我地呢班學院派, 俾老差骨排斥, 我又係火爆脾氣, 做唔落.

警司?  唔會啦, 官場啲嘢, 要好識做人至得嫁, 唔啱我嘅

老實講, 做邊行都喺要好識做人, 間間公司都有辦公室政治. 無論幾俾心機做好份工, 幾唔搞事, 上司同同事都唔一定認同賞識,反之,充滿妒忌 .....

我好運搵到好老公, 唔使對住d衰人, 從此可以做自己喜歡嘅嘢,  我要多謝上帝. 事隔幾年, 但我仍然好多時發夢見番以前唔開心嘅嘢同衰人, 原來對我有少少打擊.

原帖由 Fleur 於 2008-6-16 14:21 發表
老實講, 做邊行都喺要好識做人, 間間公司都有辦公室政治. 無論幾俾心機做好份工, 幾唔搞事, 上司同同事都唔一定認同賞識,反之,充滿妒忌 .....

我好運搵到好老公, 唔使對住d衰人, 從此可以做自己喜歡嘅嘢,  我要多 ...

呢d係我做人做嘢失敗的地方, 做咗幾十年嘢, 我都唔肯玩政治, 唔肯擦鞋, 忍唔到就走

Peter, 我休息咗幾年後,  過咗d唔同嘅生活, 我覺得世界好大, 一生人要學要做嘅好多, 公司嘅人同事都應只喺人生一小部份.  我唸如果我打番工嘅態度會好唔同, 如果份工有前途就忍吓, 唔一定話要擦, 我覺得同同事君子之交就最好,小d衝突.  仍然會努力做好份工, 不過就唔會再100%投入, 而且會學定嘢, 試吓發展自己part-time, 計劃如果quit咗都可以有另一份工養自己, 今時今日搵食好難.

p.s 我其實幾年來都有一直學唔同嘅嘢, 其中一樣已有專業資格, hehe, 因為我無安全感, 第日如果同老公有唔開心, 咁我都可以自己過活, .

原帖由 Peter 於 2008-6-16 03:20 發表


咁你有冇聽過 "擦沙" 吖?

其實將d針織布碎, 用手"擦"省, 擦到一條條綫, 用嚟抺嘢, 清潔用, "擦"一磅一毫子.

係 「拆紗」！
我有做过拆紗, 不过 做过d更需要技朮嘅，我都唔記得 大人 奌講果個詞。
主要係 d 出口毛衣 有夾口位，必定有多出來的水口，要「抽線」好似拆冷衫咁拆咗去，如果有d夾口唔好，要用支勾針幫個夾口 勾番。那時做一件有一蚊，算係高薪手作。

kim 做助護登記之类的工作，真係唔係人人都得。

原帖由 八王爺 於 2008-6-17 15:14 發表


係 「拆紗」！
我有做过拆紗, 不过 做过d更需要技朮嘅，我都唔記得 大人 奌講果個詞。
主要係 d 出口毛衣 有夾口位，必定有多出來的水口，要「抽線」好似拆冷衫咁拆咗去，如果有d夾口唔好，要用支勾針幫個夾口 勾番。那時做一 ...

我覺得小時候自己都算好彩，雖然說不上要乜有乜，至少有飯開有衫著有個好居所．
小學做助護就只是做做登記清潔之類既簡單工作．
中三打後就可以做埋探熱配葯．
高中時可以幫人打針喇～　
以前做診所助護無需要任何資格，識中文就得喇，加上那位醫生又好孤寒（嘻嘻），請１個part time１個 full time，每個月淨係俾助護既人工加晒都唔洗$5000．
試諗下，一日５０個病人，每人俾 min. $120診金，一個月就.... 呢位醫生真係肥到襪都著唔落啦．