DIY 酵素(其實正式係酒醋才對),小心變成毒物

https://hk.news.yahoo.com/%E6%B8 ... D%8B-225116279.html

【晴報專訊】夏日來臨，女士們四處尋瘦身法寶，最近本港興起DIY Detox water，facebook網民紛紛分享自製用蔬果浸泡飲料，指維他命溶於水中並產生酵素，可排毒瘦身。有專家指溶水維他命有限，產酵素及排毒存疑，多飲隨時胃抽筋。

90後Doris早前見朋友紛紛在fb及Instagram洗版，上載自製Detox water，更有網民聲稱飲用一周瘦近兩公斤，令她躍躍欲試。「試過浸檸檬及青瓜嚟飲，覺得好酸，飲完仲有啲『削胃』，試咗幾日就唔敢再飲。」

生果浸水提取營養可信？生物及化學專家關志邦就指以水提取營養非百分百，只有水溶維他命C及B雜，經浸泡可提取水中，但油溶維他命如E（黑莓、牛油果）及K（番茄、椰菜花）則不能。「浸幾個鐘，維他命C在水中氧化變得不穩定，比即食生果流失更多維他命C。」對於浸泡蔬果產酵素，關指除木瓜、菠蘿及奇異果等外，大部分生果均不含酵素，而酵素需特定環境才可發揮作用，在清水活性較低。「例如紅酒及茶發酵需一定溫度及濕度，靠酶產生化學作用叫發酵。用凍水浸生果，見唔到有咩可能可產生酵素。」

腸胃及肝臟科專科醫生李玉棠直言Detox water排毒「無咩根據」，「排毒是指靠肝臟分解毒素，經膽汁及大便排出體外。生果的酶不會浸入水，要整個食落肚才有機會讓胃酸分解。」

整個食用最全面吸收

中大上消化道外科主任吳國偉說，檸檬汁及檸檬水酸性高，如飲過量飲用，可引起胃液倒流食道及胃部肌肉抽筋，形容病人胃部會有「住住」不適感覺。

香港營養學會會長丁浩恩則指，用水浸生果，維他命C因長時間接觸空氣而氧化，大大減低功效，而生果浸泡逾八小時，在一個有水、糖、氧氣環境，若製作及儲放地方不衞生，可能滋生細菌，飲用有機會引致肚瀉。他強調蔬果有豐富纖維及抗氧化成分，整個食用是最全面吸收的方法。

坊間所謂酵素,只是釀酒醋,名字來由估計係老作,讀過生物科的都知道真正酵素是另一回事~

飲醋是有益的,但過程中要小心~diy 過程中極容易滋生霉菌,對於病患者飲料是極危險的~

個人親身體驗，用水養WATER KEFIR (水克菲爾)，飲用後真有瘦身減肥功效。

而這個跟浸泡水果「酵素」完全無關。水克菲爾是真正活性酵母菌。

留意，菠蘿皮真的有酵母菌，這個是可以做「酵素」，但含量不多，發酵要日子！

八王爺 發表於 2014-5-27 11:12
個人親身體驗，用水養WATER KEFIR (水克菲爾)，飲用後真有瘦身減肥功效。

而這個跟浸泡水果「酵素」完全無 ...

王爺,酵母菌發酵產物係水+酒精+醋+二氧化碳,與"酵素"無關,你又專登拎"酵素"出黎玩人


我用括弧標明，其實只是叫做酵素，並不是真有其事。  發表於 半小時前
我知呀,所以咪話你玩人囉

http://zh.wikipedia.org/zh-tw/%E9%85%B5%E7%B4%A0

酵素,即是酶,有高度專一性,所以用"酵素"來醫百病,聽下好啦,人體內酶有上千種才能維持身體上的平衡.

酶的主要作用是催化,例如酵母內含澱粉酶,催化麵粉中的澱粉分解為蔗糖,但未不能分解麵粉團內的糖,牛奶,香草...等其他混合物。在這一過程中，會產生二氧化碳及酒精,這會在焗的過程去散去,但另一副產品是醋,所以食的麵包會帶有很微的酸味。

而大家所製作的環酵,實際只係中度酸性及帶中度酒精的液體,最多加埋果皮上酸度較高及微腐蝕性的液體,如果在家事皂上加檸檬酸,效果亦差不多,所以唔好迷戀在"酵素"上~"酵素"不是萬能的~

用來做清潔還可以, 飲用就冒險了 !!

mayl12 發表於 2014-5-27 11:50
用來做清潔還可以, 飲用就冒險了 !!

除非製作過程中可防止其他有害東西產生~

不過個人認為有病的就不可亂試,因發酵過程中其他的副產品會否有毒素產生,會令病程惡化,就不得而知了~

觀察網上大部份人係大便不通,製"酵素"來使腸胃暢通,其實可能係霉菌分泌的毒素,令腸臟收縮而有便便而已~

之前孖吉都有講過,要取食物中的營養,直接食落肚好d,例如要木瓜酵素分解脂肪,直接食個木瓜落肚比甚麼"木瓜酵素"有效得多~

prodorothyhkg 發表於 2014-5-27 11:22
王爺,酵母菌發酵產物係水+酒精+醋+二氧化碳,與"酵素"無關,你又專登拎"酵素"出黎玩人

酵母菌發酵產物係
只有酒精+二氧化碳
有D酒精"可能"會被氧化成我們飲用的醋

注: 酵素(或稱酶) 其實是由蛋白質組成
一經進食,很大可能會被胃酸(ph~1) denature "變性"
令佢失去效用
又或會被胃中負責消化蛋白質的酶所消化掉

奶克，水克，紅茶菇呢Ｄ我都試過了．感覺良好，尤其喜歡水克，我不喝奶，水克只是糖和水，不時加點水果和蛋殼，味道不酸，可能我只酵一天，似梳打水，啱我．
認識很多長期病患人仕有飲這些東西，他們都說飲左自製的飲品，精神左，腸胃好左，比較市售個Ｄ同類東西好得多．　這裡的講飲講食版，就有一個紅茶菇的帖，知深館友ＣＫ也很喜歡紅茶菇，已飲用多年（三年以上），飲左腸胃好左．自製酵品，好不好，要問自己身體的反應，唔係問個Ｄ科學數據，大部份科學既數據是為了金錢效益而出現，只能作為參考．個人見解，不喜勿插．

自己做發酵食品，必須嚴格留意製法及衛生，在製作過程每天早晚都要留意有無異樣和異味，這是很重要的步驟，如果自問做唔到自家酵的注意事項，的確不宜試自酵食品．

jellyfishy 發表於 2014-5-28 09:11
奶克，水克，紅茶菇呢Ｄ我都試過了．感覺良好，尤其喜歡水克，我不喝奶，水克只是糖和水，不時加點水果和蛋 ...

時間越長越難控制,所以我都係齋一樣,水克好了~

注意,水克飲品唔係"酵素"唔知玩玩下會不會變成"水克酵素"

prodorothyhkg 發表於 2014-5-28 10:39
時間越長越難控制,所以我都係齋一樣,水克好了~

注意,水克飲品唔係"酵素"唔知玩玩下會不會變成"水克酵素" ...

我無提過酵素～ 水克是酵出來~ 我有造食用酵素，只１個月，未收成，雖然有朋友送左Ｄ俾我飲，但未完全自己成功製食酵，所以未有定斷．

有花友推介食用酵素，大家可以得閒去望下．

至於環保酵素呢～　以前用佢來清潔，無乜潔力，又要用糖又要阻地方，所以唔推介．　最近家人有病，食多左好多水果，貪得意集合果皮做了２支環酵，諗住收成後用來清洗洗衣機（見過網友話用環酵浸機，浸出好多污物）．諗住也試下代替檸檬酸，試做潤髮素．

jellyfishy 發表於 2014-5-28 10:48
我無提過酵素～ 水克是酵出來~ 我有造食用酵素，只１個月，未收成，雖然有朋友送左Ｄ俾我飲，但未完全自 ...

我意思係d人乜鬼都加"酵素"二字等佢勁d,所以咪話變變下,網路上可能會出現" 水克酵素"~

話時話,我覺得飲"酵素"好似係"糖鞍旗"向幾年前作出黎,向巴士廣告上睇到做treatment +飲用乜鬼酵素可以消脂之類......

jellyfishy 發表於 2014-5-28 09:11
奶克，水克，紅茶菇呢Ｄ我都試過了．感覺良好，尤其喜歡水克，我不喝奶，水克只是糖和水，不時加點水果和蛋 ...

請問水克, 奶克那裡有售？ 很多年前有朋友給我奶克，但沒告知是可飲用的，我只當是雪櫃內的寵物，所以養了1段時時便沒有心機養了，現在才知是乳酸菌，想再養及飲用，水克都想作新嘗試。