原帖由 Monse 於 2008-6-4 02:55 發表
一次過睇晒你北海道旅遊相片,好正喎!全程都係駕駛果架旅行車呀?架車入面都好豪華喎,係咪仲可以煮野食添架?設備一流吖,有機會的話都想坐吓這種旅遊車去旅行呀。
你係舊年 09/09/2007 去的嗎?剛巧09/09/2007 我剛由日本回港, ...
d相影得唔靚, 但都好多謝你讚賞!
係呀, 淨係係第十一日無揸車, 又係全個旅程最緊密嘅一日, 因為札幌d路較窄同多車, 最主要原因係難搵位泊車, 所以我哋參加咗當地嘅巴士團, 仲要報咗朝早一團同夜晚一團, 行程太緊密, 所以都冇乜影相
係呀! 有時夜晚肚餓就會煮d簡單野食。夜晚如果遇到其他旅遊車, 又會開張枱出黎, 三九唔識七坐埋一枱飲酒吹旅遊水, 通常吹吹吓就會吹到國家大事
我係9月9日到達北海道, 早兩日係靜岡出發, 而且我四月開始就一直都係日本, 所以應該唔算9月9日去。
日本真係好多地方直得去, 但定居就無謂, 日本係一個超大壓力嘅地方, 無啦啦會比年幾大嘅人(如做咗幾十年嘅上司)兜頭兜腦拍, 做野唔識轉膊, d人好似好有禮貌, 但又超多無恥之徙, 而且國民福利亦唔好, 要數真係數幾日都數唔完(你有興趣知我先再講), 其實每個地方都有好有唔好, 所以去玩下就算。 |