其實我諗我同"潮"都無乜關係~
雖然我係80's年代既人~
出街我都係清一色既T-shirt牛仔褲,
T-shirt多數都係Uniqlo買, 又平又抵著,
加個porter... casual wear係我既至愛!
袋都有LV, Gucci咁, 但係平日都唔多用,
因為其實用"皮"既袋都幾重,
放多少少野, 就揹到膊頭都痛埋,
多數都係去飲或者有重要場合先會用黎襯衫...
鏡呀, handcream, 唇膏完全唔會用...
頂多都係帶把梳... 女仔黎講, 我都算求其...
有時見到d人"頂"住帽, 但係個樣一d都唔smart, 七七地咁,
又或者見到d上左年紀既師奶, 著條黑色窄腳褲係條裙入面,
同埋d著條超低腰褲又唔著T-back, 有半個pat-pat露左出黎既女仔...
真係好想講句, 如果係咁...
我寧願唔"潮"... |