2012西藏阿里、新疆之旅。

9月10日
早上退房，9:00am到客運站乘車去伊寧，但是班車司機說人太少，上午不發車，下午2點半才發車，我們才不會等，馬上去路邊等面包車去新源縣客運站(15元/人車程80公里)，再轉班車去伊寧。

問題又來了!在新源縣客運站的售票員說，香港人買車票的話要交1份證件影印本 草生只好馬上去影印證件。
12:30pm的班車又要等到1:00pm客滿才開車。(新源縣-伊寧35元/人)

5:00pm到達伊寧客運站，問題又來了!找了很多賓館都不接待香港人(外賓)，只好乘的士去找賓館，司機很好人，載我們去找了幾間，能接待的又太貴400元/標間，終於還是司機路經一間酒店看見有訂房電話號碼，打去問能否接待香港人？答覆:可以。
放下行李後便到大堂報名，跟團去賽里木湖1天游180元/人
住宿:普馬匯中式酒店 178元/標間  (房間十分滿意，平、靚、正)

9月11日
早上9點旅行社的車已在酒店門口等待，我們的團人數少，6大2小，坐商務車，挺舒服的，回到酒店巳是晚上9點，180元/人，值








賽里木湖

感謝分享...

我雖然身體唔多健康，但好想去睇下神山，所以打算復活節去，睇到你分享，相片真係好靚，更加想要去。

知道現在阿里有機場，可以坐飛機過去，唔洗坐車。但網上一直搵唔到航班資料，亦知道佢地航班係唔會坐滿一機人，所以機位會幾緊張....

依家唯有打算先到拉薩，再睇下會唔會買到機票，當然會打定輸數。老公話或者要坐長途車過去，一切都要睇我當時身體狀況...

西藏我係想去好耐.....

jellyfishy  西藏的確係個值得去的地方~ 其實你身體已經好左好多, 身體永遠無100%掂的, 到時應變既啫~ 你要相信自己得就得架喇!  發表於 4 分鐘前

身體永遠無100%掂的...這個我也相信...
因為上次到九塞溝機場時也有輕微的高山反應(暈和嘔)，今次想去更高海拔，自己知自己事，己經開始鍛鍊身體，亦作出最壞打算....(立刻折反)...

成唔成功係其次，起碼我試過，回顧人生時唔會有後悔...

cklife 發表於 2012-11-18 18:59
感謝分享...

我雖然身體唔多健康，但好想去睇下神山，所以打算復活節去，睇到你分享，相片真係好靚，更加 ...

我當年考獎學金去西藏, 夠無人認為我考到啦, 點知個professor 就係鍾意我唔識講都夠膽試, 又認為我頂到辛苦, 所以俾個機會我囉.

相信自己, 計畫好d, 然後向前衝, 做左就無悔! 唔試過就一定有遺憾!

仲有, 水肚或身體不適, 可以預左, 但唔洗帶太多葯或急救品, 越多補給就越易驚, 越易驚就越易出事~

其實我 prefer 搭車, 因為搭車可以看到無限風光, 呢d 景色, 只入眼裡 一次, 隨時一生都睇唔番第二次的, 搭飛機就乜都無得睇~ 睇人地 zz 囉~
驚搭車時身體不適, 可把握每次下車的時間, 鬆下手腳囉, 拉下筋郁下頭, 然後再上征途~ 哈哈~ 好快樂架~~~ 希望你能成功計劃去西藏啦~

我呢... 唉, 無假期無伴, 已有七年無放過五日以上的假 (無旅行癮的人唔會明白的~) , 我唔可能再好似讀書時代咁無憂, 以前耐不耐一條友去, 跟d 唔識的同學上路, 現在... 俾男丁和哥哥鬧c 都似~   而且.... 又要打波... 唉~

cklife 發表於 2012-11-19 09:34
jellyfishy  西藏的確係個值得去的地方~ 其實你身體已經好左好多, 身體永遠無100%掂的, 到時應變既啫~ 你要 ...

暈和嘔~ 好正常架, 我地當年五個同學, 加內地廿多個同學, 只有我和另一個男同學無事, 當地人話我身體唔好, 心臟跳得快, 反而bump多左血, 跟住就日日操我體能, 回到香港個日, 我不知幾 fit~

所以呢~ 平常心啦, 哈哈哈~ 現在你已經好fit喇~ 比起十八廿二的後生更fit, 不用擔心~

jellyfishy 發表於 2012-11-19 09:37
我當年考獎學金去西藏, 夠無人認為我考到啦, 點知個professor 就係鍾意我唔識講都夠膽試, 又認為我頂到辛 ...

如果買唔到機票，而我又無乜高山反應，就或者會坐車去既，因為我本身坐長途車會腳水腫，落唔到地，所以老公盡量唔會比我坐車囉。

最主要都係睇我自己生唔生性....藥物就會帶去，係帶個安心。準備都係花水、打坐練氣、Reiki做輔助囉....
紅景天太涼我又唔食得...食左胃痛又會五更瀉....所以，要先鍛鍊左個身體先...

(老公平時唔運動，自覺力又差，成日以為自己仲係後生果時咁，我反而擔心佢忽略左自己)

cklife  比起十八廿二的後生更fit<--真唔真呀...我比起我媽咪...係打壞一名...佢六十幾仲擔擔抬抬跑樓梯...  發表於 6 分鐘前
------------
證明我無講錯, 你個家族可能有呢個特性, 女人年紀越大越精神, 越老越fit!! hahahaa~~~

cklife 發表於 2012-11-18 18:59
感謝分享...

我雖然身體唔多健康，但好想去睇下神山，所以打算復活節去，睇到你分享，相片真係好靚，更加 ...

cklife，阿里的機場叫昆莎機場，拉薩的貢嘎機場和新疆的喀什機場都有航班到達，好像都是每星期只有一班。

建議不要坐飛機，因為太快到達高海拔地區，很容易高反的。

如果時間充裕的話，建議(1)...先到廣州乘火車直到拉薩，車程約56小時，臥鋪買下鋪票，又可以到處走動。
  建議(2)... 香港坐飛機到成都，成都坐火車到拉薩。

到達拉薩的第一天，千萬不要洗頭沖涼，還有要放慢步伐，先休息1-2天，才展開行程。

(1)...坐班車去阿里(650元/人日夜不停開車)，車程約24小時，如果想轉山的話就在塔爾欽下車(車程約18-20小時).

(2)...想舒服一點就包越野車(約1,500元/天)，白天行車，晩上住宿旅店。

拉薩-阿里，現在的路況很好，差不多全是柏油路。

不知道你的身體狀況如何，保險一點，建議在出發前的7天，每天都吃紅景天，直到旅程完畢。

9月12日早上9點到客運站買車票到克拉瑪依，可惜今天的車票已售清，只好買明天的票。
下午乘公交車到處逛逛。

住宿:普馬匯中式酒店







難得—見的組合





cklife  你攪到我都想買部單反...但又怕唔識用...我一向都係用傻瓜機...  發表於 1 小時前
其實單反都有自動功能架，我就當佢係傻瓜機咁用 唔使較來較去，影出來d相都已經好靚架喇

cklife 發表於 2012-11-18 18:59
感謝分享...

我雖然身體唔多健康，但好想去睇下神山，所以打算復活節去，睇到你分享，相片真係好靚，更加 ...

  cklife  感謝。。。很實用的資料。。。看到你說住需要住宿外賓的旅店，會不會數量很少呢？沒有預先訂房，心中總是很忐忑。。。  發表於 2 小時前 ]


你說得對，在沒準備之下到達一個陌生環境，是會令人忐忑不安，所以我在出發前的2個月便開始編排行程(搜集資料就花了更多時間)。
住宿問題不用擔心，等我尼個帖更新完畢，會總結今次ge行程的住宿和交通安排，希望我的資料能夠令你放心出行

9月13日
早上退房後便乘的士到客運站，乘10:30am開出的班車到克拉瑪依(石油城)。
晚上9點到達，剛走出客運站便有熱心的當地人告訴我們，克拉瑪依正在開石油會議，所有酒店賓館全滿，我打114幫忙訂房，回覆也說全滿 後來有位大嬸說她家是開設民宿的，不如到她家里住宿吧!30元/人，好，就住她家。(如果是彪形大漢我就不敢去他家里住 )
在克拉瑪依住民宿也要到流動人口豋記處登記個人資料的，當地的公安從未見過回鄉咭和香港身份證，對我們也十分好奇，問了很多關于香港的問題，本來也想跟公安們聊聊，但是我們實在太餓了!10:pm還未吃晚飯啊!

住宿:民居30元/人


擋路








係新疆好易見到羊、車爭路ge場面，仲有驢車的士2-3蚊1位，我坐過喇，好好玩的

9月14日
一早起身，背著背包去食早餐，然後步行到客運站買車票到布爾津73元/人，(克拉瑪伊客運站沒有班車去布爾津，只有由奎屯開往布爾津的班車會在10:30am路過克拉瑪依客運站(每天只開一班)，此車也會路過烏爾禾上落客。
3:30pm到達布爾津客運站，剛好趕上4:00pm開往禾木的大巴，司機說他的哥哥在禾木開旅館，叫我們就住他家吧!房價可以便宜些，好
晚上9點到達禾木，太餓了!到了旅館後首先請老板娘抄2個小菜，然後先至去房間放下背包，再到廚房等開餐

禾木門票60元 古村維護費20元 區間車車費(忘記了 )(因為大巴的司機是禾木村民，他的車可以直接駛進村內，所以我們省了區間車車費)
住宿:胖嫂旅館 200元/標間

克拉瑪依-布爾津  








先人豪宅





胖嫂下廚， 為食貓在旁邊等食

影得好靚, 啲景好靚呀, 但請問你去之有無驗身? 要打咩針? 我都想去

jellyfishy  我都未食過紅景天～  發表於 1 小時前
cklife  紅景天是出名的蔵藥(中藥)，對付高山症效果明顯。像樹皮的東西，我自己感覺飲左唔似人參咁自己好氣左，但呼吸暢順左，吸入空氣明顯多左...  發表於 1 小時前
Karine  請問紅景天是什麼？中藥嗎？  發表於 昨天 23:05


剛挖出來的紅景天很像新鮮的土伏靈，不過紅景天有濃郁的揮發油味道(像白花油的味道)。
去年到稻城亞丁旅行時，在新都橋的民居院內，看到曬紅景天的場面，濃香撲鼻。

花師奶你d相好吸引呀,原本在手機睇你的遊歷,因相很美,忍不住回家要開電腦放大d睇多次才滿足(我捉埋我老公一齊欣賞tim~~)

AIR 發表於 2012-11-19 21:04
影得好靚, 啲景好靚呀, 但請問你去之有無驗身? 要打咩針? 我都想去

AIR,多謝欣賞 我身體都算健康，所以冇驗身，打針更加唔使啦!
身體冇特別疾病，就唔使太擔心會有高反，去到高海拔地區只要放慢腳步，放寬心情就得架喇!
如果出現高反就一定要認真處理，唔好死忍，因為拖延醫冶而導致病情惡化的話，病發一天便會死亡。
就在上個月有1位袛有20歲的上海小姑娘，因為出現嚴重高反又怕留醫而影響同行者的行程，死忍說沒事，繼續上路，結果就是因為她的無知而害死自己，死在西藏阿里  

不適宜到西藏旅行的人
心、肺、腦、肝、腎有明顯的病變，以及嚴重貧血或高血壓的病人，切勿盲目進入高原。
如果從未進過高原，又擔心自己有隱疾的話，建議在進入高原之前，進行嚴格的體格檢查。

may.sun 發表於 2012-11-20 11:42
花師奶你d相好吸引呀,原本在手機睇你的遊歷,因相很美,忍不住回家要開電腦放大d睇多次才滿足(我捉埋我老公一 ...

美神，好多謝你咁欣賞呀!不枉我花咁多時間做尼個遊記
唔單止捉你老公睇相，仲要捉埋你老公同你一齊去西藏玩

花草之家 發表於 2012-11-20 12:39
美神，好多謝你咁欣賞呀!不枉我花咁多時間做尼個遊記
唔單止捉你老公睇相，仲要捉埋你老公 ...

去完雲南巳被吸引,確實有不一樣的看法,至於西藏是會納入考慮之內喔!!但先要有心理準備才可出發,但我卻可不敢像你攔車呢 我只敢跟團咋

9月15日
清晨7點出發去看日出，步行約45分鐘才到達山上看日出的位置。
8點太陽出來了，可惜有一片雲總是遮蓋住太陽，看不到最美的一刻。
睇完日出便回旅館吃早餐，由於所有房屋都一樣樣，我們迷路了


摸黑出發，好凍呀!



一字排開