乜都種吓嘅花園仔

VIWET · 發表於 2011-7-20 11:36:39

花園仔發表於 2011-7-20 00:38
VIWET好!

一般果木如果係用果核發苗種起嘅到開花結果需時3-5年架!

thanks
希望有得食啦

波波 · 發表於 2011-7-20 12:58:25

花老師, 你係唔係有一個果園, 點解可以種大樹菠蘿~~好~!勁~!呀~!

小Con子 · 發表於 2011-7-20 13:10:20

本帖最後由小Con子於 2011-7-20 13:11 編輯

花園仔發表於 2011-7-19 18:24
琴日挖咗棵種體發泡膠箱嘅

老師,我有棵花生3月種到現在,五月開花,六月尾又開咗好多花,其實幾時要收呢?

花園仔 · 發表於 2011-7-20 20:43:42

本帖最後由花園仔於 2011-7-22 00:19 編輯

小Con子發表於 2011-7-20 13:10
老師,我有棵花生3月種到現在,五月開花,六月尾又開咗好多花,其實幾時要收呢? ...

小Con子及大家好!

講起<落花生>每個人所落嘅種籽品質唔同, 種植方式及環境各異, 好難統一話幾時收得嘅!

嗱, 而家分享自己嘅出黎俾你參考吓啦:

3月20日落種籽嘅! 體7月18日挖咗囉!

回復點評

小Con子, 問得好!
比較早開花結果嗰啲花生粒係會又發芽生根架!

花園仔 · 發表於 2011-7-20 21:02:57

本帖最後由花園仔於 2011-7-22 00:30 編輯

回復點評 15823#

jessicayip31: 老師依家種咩菜好啊? 見你種得甘叻, 心痕痕想學下種菜! 莧菜依家季尾啦? 係咪唔好種莧菜啦?
=========================

jessicayip31,

你都話莧菜依家季尾洛, 咁你話種唔種好呢!

我會繼續種<蕃薯葉>嘅, 不過唔會學嗰啲咁....嘅, 嘻嘻!

另一盤鷹爪<蕃薯葉>

回復點評

jessicayip31,
除咗<蕃薯葉>仲有好多菜菜可種格,
<青,白通菜><青,紅潺菜><藤三七>....都好易種啫!

CACACA,
單靠睇葉子形狀係無從得知蕃薯塊根外形係點嘅!
本人嘅<鷹爪蕃薯葉>體早期曾分享俾網上及本壇友, 你可以問吓佢地嘅!

花園仔 · 發表於 2011-7-20 21:11:06

睇到壇友嘅毬蘭帖先知道我呢棵正名叫 Hoya cumingiana ! 佢地好有研究呢, 花又多又靚!

我就好少理佢嘞, 求其揾普通泥種咋, 由得佢日曬雨淋....

呢幾日第二組花苞又膨大嘞, 睇黎快要開花囉!

花園仔 · 發表於 2011-7-20 21:21:08

我都唔知點解<茄子>咁易種但都好少見到有靚茄茄傳上黎嘅!

都話足水夠肥多陽光就得洛, 想皮光肉滑梗係要笠袋啦!

種體龍缸嘅<茄子>第二波又黎囉!

花園仔 · 發表於 2011-7-21 00:49:53

本帖最後由花園仔於 2011-7-24 11:08 編輯

回復點評 15836#

jessicayip31,

有乜咁難啵! 俾啲心機唔好搞咁多無謂嘢咪得囉!

我種嘢冇煩惱嘅, 唔會搞咁多小動作, 好輕鬆架咋!

種幾錢嘢整到個人頻頻撲撲, 精神緊張....咁有乜癮啵!

我唔中意隔山買牛, 農具用品, 種籽及肥料都係睇啱就買,
有機農藥梗係要買啦, 自己搞嘅辣椒液, 蒜頭水, 薑汁....嗰啲所謂環保嘢, 你都信? 得咩? 祝你好運囉!

係咁先, 又到咗講晚安時候嘞!

回復點評

LHS1, 我都係四棵架! 苦瓜好難講嘅, 收成如何種籽質素都有關係架, 最易搞就係體街市買個壯碩老瓜瓜翻黎, 食肉挖種籽發苗一般都會好成績嘅, 自留唔係質優嘅或人地分享唔知底細嘅可能係孬種嘅, 就控制唔到囉!
管理方面都冇乜嘢嘅, 水足, 肥夠, 陽光好就枝葉茂盛多公乸花啦! 害蟲唔係咁多啫, 主要係蝸牛, 臭屁辣, 潛葉蠅, 果蠅....
溫馨提示: 唔好等有蟲先手忙腳亂, 平時要同棵嘢做吓保健先可令佢減少害蟲入侵架!

Juliana · 發表於 2011-7-21 00:58:23

花園仔發表於 2011-7-20 00:57
晚安!

白花蛇舌草<--請問係邊到可以買到種子呀? 我好喜歡煲蛇舌草涼茶飲格!!

波波 · 發表於 2011-7-21 09:35:03

波波發表於 2011-7-20 12:58
花老師, 你係唔係有一個果園, 點解可以種大樹菠蘿~~好~!勁~!呀~!

花園仔敝帖體第一條嘅開場白已自我介紹咗啦! 發表於昨天 21:37

>> 係咩, 我返轉頭睇下先, 成7百幾頁, 要刨一刨佢~

mono · 發表於 2011-7-21 16:24:02

老師午安，
由朋友處攞咗棵美國食用蘆薈返來。約一呎高，但啲根比佢拔斷咗。

我而家係咪要落泥，定係要浸水，等佢有根出再落泥？
謝謝！

hempseed · 發表於 2011-7-21 17:28:15

老師你好
我想試下種黃豆緣(因為想食枝豆

), 睇咗你好早期的帖有關發芽菜,我又上網搵過其他資料,不過都攪唔清楚發芽問題
如果我主要係想落泥種到有豆,到底應該要先浸豆浸到出芽,還是直接落泥培苗?
如果是要浸,那應該是在有光下浸還是無光地浸?(因好像要有光才會長葉)
麻煩晒

VIWET · 發表於 2011-7-21 17:38:01

花老師請問有那個有機肥好用
我有種四季豆,節瓜,番茄,小青瓜和通菜
因有小朋友唔想有太多蟲和蚊謝謝

VIWET · 發表於 2011-7-21 21:53:01

這是我節一個節瓜呀非常好味

花園仔 · 發表於 2011-7-22 00:42:44

本帖最後由花園仔於 2011-7-22 00:58 編輯

mono 發表於 2011-7-21 16:24
老師午安，
由朋友處攞咗棵美國食用蘆薈返來。約一呎高，但啲根比佢拔斷咗。
我而家係咪要落泥，定係要浸水，等佢有根出再落泥？
謝謝！

==================

Mill及大家好!

立即落泥啦, 佢好粗生嘅斷曬啲根都唔怕, 佢會生翻出黎架!
(唔使浸水出根再落泥!!)

花園仔 · 發表於 2011-7-22 00:57:26

本帖最後由花園仔於 2011-7-22 01:01 編輯

hempseed 發表於 2011-7-21 17:28
老師你好
我想試下種黃豆緣(因為想食枝豆), 睇咗你好早期的帖有關發芽菜,我又上網搵過其他資料,不過都攪唔清楚發芽問題
如果我主要係想落泥種到有豆,到底應該要先浸豆浸到出芽,還是直接落泥培苗?
如果是要浸,那應該是在有光下浸還是無光地浸?(因好像要有光才會長葉)
麻煩晒

==========================

hempseed好!

黃豆好易種!
直接將種籽落地又得,
將種籽浸水3-4個鐘頭先種落地又得,
用濕布, 厚濕紙巾冚住等佢發咗少少芽再移種落地又得!

少量種植建議採用後者!
我喜歡每穴放4粒種籽, 待苗長大後從中挑選2棵粗壯嘅留低種植!

chayote · 發表於 2011-7-22 01:02:39

老師, 您d橙色南瓜呢？有果未?

blair · 發表於 2011-7-22 01:04:30

花園仔老師你好,

我有d關於士多啤梨的問題想問你呀~
呢個帖我追左幾日,睇左370頁, 仲未追得哂

我早幾日買左棵士多啤梨, 已有7塊真葉, 另外有3塊真葉生緊,
開左既花有5朵, 未開既花lum都有8個@@

我想問係咪應該落鉀肥?定落氮肥?
如果鉀肥用海藻浸水/ 氮肥用洗米水,ok嗎?

另外想問, 其實應該幾時淋水?
買左返黎我淋過1次,好少水咋, 因為呢幾日係咁落雨

仲有個問題, 如果噴濕葉面又得唔得呢?
因為我search過話紅蜘蛛唔鍾意潮濕,咁做可以減少機會

ps.我係澳洲,而家係冬天,種室內窗台既
麻煩老師解答,thanks

花園仔 · 發表於 2011-7-22 01:38:24

本帖最後由花園仔於 2011-7-22 01:39 編輯

blair 發表於 2011-7-22 01:04
花園仔老師你好,

我有d關於士多啤梨的問題想問你呀~
呢個帖我追左幾日,睇左370頁, 仲未追得哂

我早幾日買左棵士多啤梨, 已有7塊真葉, 另外有3塊真葉生緊,
開左既花有5朵, 未開既花lum都有8個@@

我想問係咪應該落鉀肥?定落氮肥?
如果鉀肥用海藻浸水/ 氮肥用洗米水,ok嗎?

另外想問, 其實應該幾時淋水?
買左返黎我淋過1次,好少水咋, 因為呢幾日係咁落雨

仲有個問題, 如果噴濕葉面又得唔得呢?
因為我search過話紅蜘蛛唔鍾意潮濕,咁做可以減少機會

ps.我係澳洲,而家係冬天,種室內窗台既
麻煩老師解答,thanks

=========================

blair好!

施用少量磷肥鉀肥黎護花保果, 極少量氮肥用於枝葉續生!

泥土表現(乾/濕)及枝葉外觀(潤澤展開/乾燥卷縮)好容易睇到植株係唔係要淋水嘅!
保持泥面通爽減少蟲蟲滋生, 淋水唔好太濕, 我唔鍾意淋濕葉面嘅!

建議出帖問吓其他壇友意見!

花園仔 · 發表於 2011-7-22 01:48:53

chayote 發表於 2011-7-22 01:02
老師, 您d橙色南瓜呢？有果未?

文哥仔好!

<橙色南瓜>種植期間發覺植株唔適應高棚架攀緣,
遠端藤蔓枝葉補水艱難....堅持咗一段時間後忍痛放棄咗囉!