乜都種吓嘅花園仔

花園仔 · 發表於 2011-7-24 23:00:35

本帖最後由花園仔於 2011-7-24 23:06 編輯

用種籽發苗嘅<泰國青骨通菜>又滑又好食....食咗好多轉囉!
而家回放翻佢嘅成長歷程啦:

花園仔 · 發表於 2011-7-24 23:40:34

本帖最後由花園仔於 2011-7-27 00:27 編輯

晚安!

日日都有啲採摘吓嘅<茄子>

回復點評

妹頭, 茄子冇乜香氣, 唔係果蠅至愛, 有嘢包住佢就冇興趣, 唔會花時間揾窿捐架罅!

小Con子, 應該仲可以粗大啲, 不過趁嫩食都好嘅!

aazz1234, 唔使急, 茄子瓜期好長嘅! 我有啲同期種落地嘅都未收過都有呢!

CACACA, 植物跌花甩果嘅原因好多, 敝帖重複講過好多次嘞, 茄子所跌嘅花是否係無效花呢? 冇相睇就好難判斷嘞!
至於噴藥令到花朵跌落機會唔高嘅, 除非係直接向花朵狂噴嘅啫!

CACACA, 何時笠袋? 每種植物都會唔同, 茄子可以體花朵自花授粉成功後花瓣脫落先至笠袋都唔遲嘅!

花園仔 · 發表於 2011-7-25 19:19:51

大家好!

<瑪莉的菜菜子>嗰幾棵嘢我睇應該係<木瓜>嘞!

雀仔叨黎種籽嘅<木瓜>

花園仔 · 發表於 2011-7-25 19:47:48

有心栽花花不發
無心插柳柳成陰

嗱! 自己用種籽發苗嘅就好似大得好慢噉啵!

muitau · 發表於 2011-7-26 10:08:32

花園仔發表於 2011-7-24 09:52
大家好!

估吓用佢黎做乜嘢吖!

發芽菜試驗 -- 2011-07-23-17:00開始
======================

老師早,
你有兩個盆,係發兩盆定係另一個做蓋架?! 黑色果啲叫咩石?
你用呢個方法一定有原因, 請問佢同用筲箕加水發芽既管理有咩分別呀?

花園仔 · 發表於 2011-7-26 12:34:34

本帖最後由花園仔於 2011-7-28 22:57 編輯

muitau 發表於 2011-7-26 10:08
老師早,
你有兩個盆,係發兩盆定係另一個做蓋架?! 黑色果啲叫咩石?
你用呢個方法一定有原因, 請問佢同用筲箕加水發芽既管理有咩分別呀?

========================

妹頭及大家好!

啱! 底盤+面盤 -- 可透氣可疏水!
黑色嗰啲係普通礫石粒(5mm以降)
試用佢嘅原因係 -- 乾淨易清理, 豆豆鬚根易侵入,
疏水及保濕衝突面相距值少, 溫度持恆穩定....

仲有好爽脆清甜添啵!

回復點評

JodieC, 係呀! 都得架! (仲可以擴大啲想像空間格)

妹頭, 大致係咁啦, 詳細又唔係咁啵! 等我試埋<河沙>先講啦!
不過你地唔好學我呀! 無謂將簡單變複雜吖!
揾個筲箕冚塊布都得嘅就唔好搞咁多嘢啦!

小寶, 好易咋, 乾淨企理好快就食得嘞!

小Con子, 試吓啦!

magichand · 發表於 2011-7-26 12:47:19

花園仔發表於 2011-7-26 12:34
========================

妹頭及大家好!

我D芽菜有少少苦, 唔知點解!?

hempseed · 發表於 2011-7-26 18:17:33

老師,我的秋葵苗已經有4-5塊真葉,打算移盆,用吉吉的8號盆夠嗎?同埋我追到700頁啦

花園仔 · 發表於 2011-7-26 20:05:59

hempseed 發表於 2011-7-26 18:17
老師,我的秋葵苗已經有4-5塊真葉,打算移盆,用吉吉的8號盆夠嗎?同埋我追到700頁啦 ...

hempseed及大家好!

慢慢睇啦!
8號盤梗係唔好啦! 12號就可以嘅!

種體菜池嘅幾棵Y牌<秋葵>

花園仔 · 發表於 2011-7-27 00:42:26

晚安!

近來時時都開花嘅<布袋蓮>

花園仔 · 發表於 2011-7-28 19:22:06

回復點評 15879#

noel_tt: 你好, 請問我上個月在bun bun 買的無花果,轉了大盆,半個月後又露根, 我再加泥, 再半個月後再露根, 点解? 是否個盆不大? 盆種怎樣加肥? 用什麼肥料? 謝謝
=============================

noel_tt及大家好!

<無花果>我都係第一次種咋, 都係彬彬嗰款, 缸種一盤, 分枝用吉吉12號盤種多一盤.
<無花果>啲根唔係好深但走得好寬尤其是啲浮根, 所以用直徑大啲嘅盤就最好嘞!
我都有咁嘅情況出現, 總之啲浮根出現我就揾啲泥冚冚佢, 經過两三次就唔見啲浮根出現嘞!
仲有, 我總覺得你個盤直徑細咗啲喎!

加肥主要係體離開主莖嘅盤邊揾幾點或整個盤嘅週邊挖小坑埋肥....總之睇帖啦!
至於點用肥料? 因為我用肥同網絡上及呢度嘅壇友有啲見解唔同, 所以唔敢講咁多嘞,
但我點用體敝帖都不斷有所提及嘅, 你鍾意咪參考吓囉, 都係同種其他瓜果類相同架咋!

缸種嘅<無花果>又標芽長葉囉!

花園仔 · 發表於 2011-7-28 19:36:45

回復點評 15871#

CACACA 此外，什麼時候我應該用袋子？花時或直到有果？
============================

CACACA好!

何時笠袋? 每種植物都會唔同, <茄子>可以體花朵自花授粉成功後花瓣脫落先至笠袋都唔遲嘅!

笠得啦!

仲唔笠啲果蠅就黎拮拮架罅!

花園仔 · 發表於 2011-7-28 19:46:46

本帖最後由花園仔於 2011-7-31 01:08 編輯

唔笠袋係冇得食嘅 -- 得個睇字嘅<紅棗>, 正確啲叫<生蟲紅棗>!!

回復點評

babycherry, 紅咗就生食都已經好甜架罅!

花園仔 · 發表於 2011-7-28 19:55:40

<楊桃>又開花結咗好多果囉!
其實佢成年都冇停嘅, 一唔留意熟咗都唔知架,
冇笠袋梗係益曬啲果蠅啦!
所以唔懶得嘅!!

花園仔 · 發表於 2011-7-28 20:01:02

你地嘅美國<靚椒>而家點亞?

剛摘落黎嘅<靚椒>

花園仔 · 發表於 2011-7-28 20:14:58

膨大中嘅<燈籠椒>

花園仔 · 發表於 2011-7-28 20:38:39

本帖最後由花園仔於 2011-7-28 21:15 編輯

呢棵<茄子>正值結果期, 真係日日都有得摘架,
打風囉! 梗係當佢寶咁做吓嘢啦!

回復點評

huen923, 唔使心灰嘅, 茄子壽命及果期好長, 我認為最緊要將植株種得壯碩先, 結果遲啲唔緊要嘅!
落肥多咗或少咗都可以從外觀見得到嘅, 茄子好食肥架, 我睇你落得唔夠嘞! (結果期仍以薄肥多施黎對應架, 以磷肥鉀肥為主, 氮肥為副就啱嘞)

花園仔 · 發表於 2011-7-28 20:48:27

種嘢梗係唔會棵棵靚架啦,
不過有時初初見佢樣衰衰, 但種種吓又好似得得地咁喎!

花園仔 · 發表於 2011-7-28 21:33:03

回復點評 15878#

hempseed: 老師,買咗個大盆啦,打算星期六換盤,仲有......我追晒D帖啦~~~
========================

hempseed好!

好吖! 送個溫馨提示俾你:

移苗或轉盤後千祈唔好太濕, 因為泥面與主莖接觸點太濕好易吽壞折斷架!
又泥土唔太濕棵嘢啲根會追水生長得好啲嘅, 到穩定咗先至俾多啲水棵嘢就靚啦!

種體菜池嘅<秋葵>

種體地上嘅<秋葵>

ahfour99 · 發表於 2011-7-28 21:45:09

果實是一定要包ga??
人手包???