本帖最後由 花園仔 於 2011-7-11 18:07 編輯
啱啱睇咗個帖子, 壇友CK問及細盤坐大盤嘅問題.
我體呢度同大家分享吓:
好多時有壇友將植株種體一個較細嘅盤中植養,
由於管理得宜, 植株膨大到出乎意外咁大棵,
想換較大嘅盤又怕傷害根鬚, 尤其是植株正值花開之時!
有乜嘢辦法係最簡單直接可以改變植株大而盤細泥少嘅問題呢? 最易就係盤叠盤嘞!
盤叠盤好易啫, 首先選出較大嘅盤放好泥,
將原盤底部中央剖開40mm以上大窿, 然後叠上大盤度,
唔使幾耐上面植株嘅主根就會追踪而至鑽入大盤吸取養份嘞!
我以前試過體圍牆邊用大龍缸種咗棵<簕杜鵑>, 佢係爬體圍牆角落嘅,
有一年, 佢攀爬範圍突然大咗幾倍, 主徑仲粗過手臂添!
諗諗吓明白嘞, 推吓個缸郁都唔郁, 試吓用力斜推高缸底,
一睇原來佢嘅主根體去水窿度向下鑽咗入泥土....
嗱! 請睇吓呢盤放體種白蘭花嘅龍缸泥面上嘅<石斛蘭>先啦:
|