乜都種吓嘅花園仔

jessicayip31 發表於 2011-7-7 00:05

jessicayip31,

球根類植物每次開完花後轉吓盤換吓泥下次啲花仲多仲靚架!

回復點評 15746#

giveupaguy  啊~ 原來咁樣可以令它肥仔d...修剪腳底橫丫要等它們生長到一定高度才剪嗎?

====================================

giveupaguy好!

<燈籠椒>比較難種(控制), 我一直留意住佢嘅生長狀況,
因為我所用嘅盤面積夠大, 腳底通風問題唔大,
我就由佢自由生長到穩定狀態後(長出花苞)先出手啫!

花老師, 你好, 上星期我在花虛森記園見到有藍莓樹苗, 請問可否用盆種? 是否很大棵?

大人有命要教她種菜，為左維護 "領土完整" 想知用盆種菜要有什么要識。大人落左生菜，蕃茄，茄瓜，早排大雨，瓜曬 但入左我數 有無得救？

D矮瓜仔出過果，用竹仔保護，大雨前席，撻左落地！依家無曬反應，可以暴曬定放落陰間好？請指教。

回復點評 15746#

小寶:  原來西椒咁受得肥!
===============================

小寶及大家好!

係呀! 椒茄類植物好食肥架!


施肥後嘅第一個燈籠椒BB

12吋吉吉盤種嘅<無花果>第二梯次果果膨大緊呢!

<紫薇>體唔同日子或唔同光線中嘅表現

準備種<秋葵>囉!

車厘茄收左成~~會唔會再開花``結果~~

老師... 前排要考試把所有農業都放棄了...所有工具都給了別人...
依加再種番野先...
首先種番d韭菜先...然後再種d粗生既菜菜...有咩好推介呢老師?

啱啱睇咗個帖子, 壇友CK問及細盤坐大盤嘅問題.
我體呢度同大家分享吓:

好多時有壇友將植株種體一個較細嘅盤中植養,
由於管理得宜, 植株膨大到出乎意外咁大棵,
想換較大嘅盤又怕傷害根鬚, 尤其是植株正值花開之時!
有乜嘢辦法係最簡單直接可以改變植株大而盤細泥少嘅問題呢? 最易就係盤叠盤嘞!

盤叠盤好易啫, 首先選出較大嘅盤放好泥,
將原盤底部中央剖開40mm以上大窿,  然後叠上大盤度,
唔使幾耐上面植株嘅主根就會追踪而至鑽入大盤吸取養份嘞!

我以前試過體圍牆邊用大龍缸種咗棵<簕杜鵑>, 佢係爬體圍牆角落嘅,
有一年, 佢攀爬範圍突然大咗幾倍, 主徑仲粗過手臂添!
諗諗吓明白嘞, 推吓個缸郁都唔郁, 試吓用力斜推高缸底,
一睇原來佢嘅主根體去水窿度向下鑽咗入泥土....

嗱! 請睇吓呢盤放體種白蘭花嘅龍缸泥面上嘅<石斛蘭>先啦:

今日移種咗幾棵Y牌<秋葵>

花園仔 發表於 2011-7-2 12:31
回復點評  15704#

CACACA  花園仔老師：你的茄子生得好靚ah! 請問你的茄子好冇摘側芽的？我的茄子開始生側 ...

謝謝你的經驗分享。我剪左側芽後真係個頂多左好多芽！但係我又有一個問題。底下主莖生出來的主葉有潛葉蟲，剪吾剪好？因為好大塊又已摘側芽，怕影響生長。定係我可以剪後留側芽生長？(我本來想用點評回覆您，但iphone唔support!)

CACACA 發表於 2011-7-11 19:26
謝謝你的經驗分享。我剪左側芽後真係個頂多左好多芽！但係我又有一個問題。底下主莖生出來的主葉有潛葉蟲，剪吾剪好？因為好大塊又已摘側芽，怕影響生長。定係我可以剪後留側芽生長？(我本來想用點評回覆您，但iphone唔support!)

=============================

CACACA好!

<茄子>底部主葉受到潛葉蠅入侵是否要剪除?
如果植株茂盛尤其是新長出黎嘅枝葉好多,
噉就有條件立即將受感染嘅底葉剪走啦!
相反如果植株奀瘦新長出黎嘅枝葉又唔多及細嫩,
可以將受感染嘅葉子噴住藥黎控制蟲蟲嘅蔓延先,
當然其他部份都要噴藥防止病蟲害繼續侵入架,
待植株整體壯碩後再剪除病葉都得嘅!
點樣做都係要睇實際情況而定架!

仲有, <茄子>植株嘅健康產量多少及靚唔靚, 除咗管理得好外種籽嘅質素都好重要架!
有啲壇友過份熱情, 自己收穫嘅瓜果質素唔係咁好仍將種籽分享俾其他壇友, 真係好心做壞事呢!

朋友鍾意食<煎饟三寶>
啱曬啦! 呢棑啲瓜瓜椒椒大豐收呀!

美味嘅<雷公鑿苦瓜>

梗係唔少得佢啦! 又香又脆嫩最正嘅佢係唔多辣架!

<英國長尖椒>用黎整煎饟三寶真係好正嘅選擇呢!

<紅棗>大緊啦!

<無花果>成熟緊, 內心糖化中!

老師好！我回歸嘑。
今日拾咗兩個有根嘅合掌瓜。我記得好似要涼少少先種。而家落種合唔合時呢？
我曾經見過老師有敎將個種子攞出嚟，唔使成個放落泥種。但我揾唔返啲帖....