乜都種吓嘅花園仔

挖咗幾個迷你嘅<沙葛>

<苦瓜>真係食唔切架!

<木瓜>ABC











回復點評


ahc, 除咗用蛋殼做肥外仲有好多唔用嘅垃圾(廚餘之類)添!

如果種籽質素好就算無心跌落地都出芽架!

你睇, 左邊嗰幾棵咪<印度鬼椒>苗苗啦!

你種d瓜好店ar,苦瓜好靚,合掌瓜仲買到d出咗芽又食得既,佩服

晚安!

另一棵由種籽種起嘅<火龍果>

花園仔老師, 請問你的大大小小瓜果袋子在那裏買?

壇友aazz1234嘅<重台蓮>消苞開唔到花, 真係有啲失望呢!

我已两年冇種此花囉, 攞翻2008年嘅舊照頂吓癮啦:

回復點評 15796#

小Con子: 唔知要種幾耐先有得食呢?
============================

用種籽發苗種咗三年幾嘅<火龍果>好以有啲進展啵!

花園仔 發表於 2011-7-15 18:26
壇友aazz1234嘅消苞開唔到花, 真係有啲失望呢!

我已两年冇種此花囉, 攞翻2008年嘅舊照頂吓癮啦:

花園仔老師 你好!!!
老師上兩年種得D蓮花真靚.頂吓癮先!!!!
好在有多兩個花苞,希望天氣好D,陽光多D.開到啦!!!

花園仔 發表於 2011-7-15 18:33
回復點評 15796#

小Con子: 唔知要種幾耐先有得食呢?

聽說火龍果晚上開花, 要用毛筆授粉. 咁咪好似曇花咁.

老師晚安，呢期我地 107 區有好多人種咗洛神花。但有啲啲葉尖啲，有啲啲尖圓啲。唔知會有咩分別呢？

kwanyeehui 發表於 2011-7-15 19:43
聽說火龍果晚上開花, 要用毛筆授粉. 咁咪好似曇花咁.

鈞哥及大家好!

你睇吓<火龍果>朵花啲雄蕊咁密集且花粉咁多,
雌蕊嘅柱頭咁豐碩自然容易自作自受啦使乜你地咁擔心啵!
就算佢自己無能為力都仲有好多夜蟲幫手架馬! 嘻嘻!

mono 發表於 2011-7-17 00:05
老師晚安，呢期我地 107 區有好多人種咗洛神花。但有啲啲葉尖啲，有啲啲尖圓啲。唔知會有咩分別呢？ ...

Mill好!

講起107區我好耐都冇去過個度囉!

<洛神花>種類好多架, 好似芒果咁都有好多唔同種類啦!
當然唔同種類結果嘅形狀數量等等自然各有差別嘅!
等吓咪知囉! 如心急想知亦可以體本壇摷吓格, 我見過幾種架罅!

<蕃薯葉>嘅形狀夠多啦!
就算我種緊呢隻<鷹爪>咁都有唔知幾多種唔同啦!
(好多人以為係咁上下相似就以為係我嗰隻, 嘻嘻!)

有朋友問如果地方唔多種乜嘢好喎, 我都唔知點答佢.
不過, 一家两三口想身體健康咪種翻啲蔬菜食吓囉,
唔使咁倚賴或減少從外邊買埋曬啲高危嘢, 都係明智之舉架!

我常年栽種嘅有:
<韭菜> -- 長割長有
<藤三七><夜香花><紅潺菜><各種椒類><各種蕃薯葉> -- 長摘長有

合時菜蔬種緊嘅有:
<各種莧菜><通菜><茄子><各種蕃茄><青瓜><苦瓜>.... -- 隨時可選摘

各種香草及調味菜蔬:
<各種香蔥及蒜頭><羅勒><百里香><迷迭香><臭草>.... -- 隨時可選摘

各種保健草藥:
<車前草><龍脷葉><崩大碗><白花蛇舌草><半邊蓮><紫茉莉>.... -- 間中煲吓

各種保健野菜:
<簕莧菜><各種馬齒莧><野葛菜><珍珠菜>.... -- 間中食吓

仲有種緊嘅瓜果菜蔬:
<南瓜><芋頭><心薯><准山><竹芋><秋葵><洛神花><各種柑橘類>
仲有.........仲有....

種幾棵<紅潺菜>啦, 俾佢爬爬爬就食唔切嘞!













  

<尖葉通菜>食極都仲咁旺盛! 梗係啦, 呢棑雨水多吖馬!

笠咗袋嘅瓜瓜要時時睇吓嘅, 一唔留意熟咗都唔知架!

扁圓盤種嘅<燈籠椒>大得好快啵!

回復點評 15805#

zoeyuhk  老師又放料, 收到晒~~~多謝老師^o^~

===========================

zoeyuhk及大家好!

唔使客氣! 有乜料放吖!

講翻<放料>, 專科種植都幾多大户放料架, 我就覺得文哥仔體種瓜瓜方面比較用心嘞(種籽及培苗方面), 成積亦有目共睹吖!
其他就唔想講咁多洛, 我唔會亂咁種嘅, 更加唔會見到特別嘅, 價值高嘅或有乜療效嘅, 就諗唔都唔諗吓嗰種植物係唔係適時適地種得嘅, 及自己有冇條件種嘅, 就一窩蜂跟住種....
唉! 真係咁易, 啲冬蟲草及人參就唔會咁貴啦, 樣樣都啱本地種就唔使魚農處咁好心推介啲適合本地嘅品種俾大家啦!

唔講咁多囉, 睇吓棵<心薯>爬上龍眼樹度先啦:

老師,
想問下得個窗台
種唔種到菜??