乜都種吓嘅花園仔

花園仔 發表於 2011-6-28 21:33
今日摘咗幾個

要熟透, 果果表面紫紅內裡糖化先至甜過蜜糖架!

我上網時間不多所以沒有跟足老師全部內容。謝謝回覆！有時間會去花墟找找，唔該晒！

花老師, 您好,  昨天我在bun bun 買了荷蘭無花果 樹苗, 昰否每日灑1次水? 它的葉好多? 是否要修剪? 現在, 是否放它在暗處, 等它習慣壞境後, 才曬太陽?

回復點評  15704#

CACACA  花園仔老師：你的茄子生得好靚ah! 請問你的茄子好冇摘側芽的？我的茄子開始生側芽！唔知要唔摘。

===================================

CACACA 及大家好!

我嘅茄子除咗體最初時有摘側芽外就冇再控制佢洛!

體15373#帖度有講過架:
關於剪除植株腳底部份側芽原因好多嘅,
主要係將養份集中供應俾選取培養嘅精英,
茄子亦係要選枝培養架, 三幹株型或四幹株型隨你嘅啫,
我就見佢主莖手指公咁粗就暫定預留三側芽先啦!
即係體第一朵花正下方留翻三側芽, 稍後可能再選一側芽淘汰架!

嗱! 再請你睇吓呢棵由吉吉12吋盤種嘅茄子現時情況啦,
呢棵茄子除咗初期修成三幹株型後就由佢自由發展嘞,
摘完第一波最後嗰個茄子後佢又生長咗好多側芽出黎,
梗係唔使摘啦, 啲側芽會生出好多花花架! 嘻嘻!





回復點評

zoeyuhk, 係架! 側芽會有花苞跟住架!
嗱! 你放大張圖就可以睇到架罅!

謝謝你的回答!

noel_tt 發表於 2011-7-2 09:50
花老師, 您好,  昨天我在bun bun 買了荷蘭無花果 樹苗, 昰否每日灑1次水? 它的葉好多? 是否要修剪? 現在, 是否放它在暗處, 等它習慣壞境後, 才曬太陽?

================================

noel_tt好!

恭喜你以後就時時可以食到又大又靚又甜嘅<無花果>囉!
你買到嘅<無花果>樹苗雖然貴過我地少少, 但粗壯好多啵! 值得呀!

我買樹苗翻黎第一件事就係同佢換泥轉盤,
可能我嗰棵冇你嗰棵咁多葉所以冇修到葉, 由得佢自由發展架咋!
呢度有啲壇友係種<無花果>嘅大户, 我相信佢地會幫到你嘅!

轉盤時如果冇傷到啲根佢嘅生長會好快正常嘅,
初初淋水咪小心啲囉, 保持泥土濕潤好緊要架, 因為棵嘢多葉吖馬!

唔使咁刻意放體暗處嘅, 如果轉盤時有傷到啲根咪揾塊遮光網隔吓啲陽光囉!

仲有你換嘅盤好似細咗啲啵, 你棵嘢咁粗壯, 你又有地方, 有條件用個大缸種啵!

花園仔 發表於 2011-7-2 13:27
花老師, 您好,  昨天我在bun bun 買了荷蘭無花果 樹苗, 昰否每日灑1次水? 它的葉好多? 是否要修剪? 現在, ...

多謝花老師分享經驗, 如果現在轉盤, 會不會落果. 我都知道個盤太細.

現在沒有轉盤,否是食埋呢批果再換?

noel_tt 發表於 2011-7-2 23:08
現在沒有轉盤,否是食埋呢批果再換?

THANKS 花老師

老師好.. 晚安唷!!
老師... 有個問題想請教你... 我個冬瓜有 22" (長) x 26 1/2" (腰)... 個瓜面開始有少少黃... 但瓜皮未有白色粉... 瓜蒂都未有枯/收水跡象... 但今日屋企人摸過果瓜有少少 "林".. 咁究竟個瓜熟未呢? 收得未呢? 如果已經熟.. 點解無白色粉呢? 我好驚佢爛呀~~~~ <擔心>

花老師, 有事想請教一下
我有棵南瓜, 枝枼茂盛, 仔花都開得好靚, 囡花都有好多粒
但係淨係得囡花會黃同燶,未開就死左
肥我都有定時落足, 陽光同水都足
有無咩其他原因會引致花囡死亡架??
請指教一下, 謝謝

花老師, 我上星期開始咗種嘢生活, 種緊莧菜同秋葵, 啱啱出晒芽. 用咗幾日時間睇咗你215頁,忍唔住要留個言, 你好勁, 係到學到好多嘢!.我會努力追POST.

JodieC 發表於 2011-7-4 22:26
老師好.. 晚安唷!!
老師... 有個問題想請教你... 我個冬瓜有 22" (長) x 26 1/2" (腰)... 個瓜面開始有少少黃... 但瓜皮未有白色粉... 瓜蒂都未有枯/收水跡象... 但今日屋企人摸過果瓜有少少 "林".. 咁究竟個瓜熟未呢? 收得未呢? 如果已經熟.. 點解無白色粉呢? 我好驚佢爛呀~~~~ <擔心>

==================================

JodieC及大家好!

按你描述嗰個冬瓜狀況睇黎似係爛噉喎!

zoeyuhk 發表於 2011-7-4 22:30
花老師, 有事想請教一下
我有棵南瓜, 枝枼茂盛, 仔花都開得好靚, 囡花都有好多粒
但係淨係得囡花會黃同燶,未開就死左
肥我都有定時落足, 陽光同水都足
有無咩其他原因會引致花囡死亡架??
請指教一下, 謝謝

===========================

zoeyuhk好!
我用咗好多篇幅體敝帖講述南瓜從開花到結果嘅歷程, 你慢慢睇啦....
按你嘅描述你棵南瓜嘅乸花多係未開花就俾果蠅拮咗啵!

hempseed 發表於 2011-7-5 18:22
花老師, 我上星期開始咗種嘢生活, 種緊莧菜同秋葵, 啱啱出晒芽. 用咗幾日時間睇咗你215頁,忍唔住要留個言, 你好勁, 係到學到好多嘢!.我會努力追POST.

==================

hempseed好!

慢慢睇啦! 我同你冇乜分別架咋, 都係種吓學吓嘅啫!
我近棑亦落咗啲Y牌秋葵種籽, 因天氣太熱出唔齊呢! 到時大家分享吓啦!

有壇友問芒果成熟問題,
剛好今日黃昏採摘咗啲成熟嘅芒果, 再講幾句啦:
芒果成熟主要反應體條果訂度,
條果訂顏色變得深啡色及乾枯感覺, 即表示嗰個芒果成熟囉!
摘落黎放幾日佢就好易變林身, 表皮轉黃色(特別品種例外)咪熟曬啦!
如果仲唔摘等佢樹上完熟係不切實際嘅, 要冒蟲叮雀咬及爆裂跌落嘅風險呢!

呢隻唔係青皮橙肉嘅, 個個都手板咁大架, 請留意果訂嘅顏色啦:

回復點評 15704#

giveupaguy  花老師的茄子仲好肥美. 我的茄苗唔知咩事唔識大咁. d葉仲好多白點點....

===============================

giveupaguy好!

茄子好易種啫, 只要個盤夠大, 水肥充足陽光夠就食都食唔設啦!

啲葉嘅白點點係點架? 有冇相睇體亞?

咁都得! 有壇友話:

我諗我識分了,
十dur 花得一個女....個女既應接不暇..
但係我將女花既粉放落公到,公會唔會生個瓜出黎?

哈哈!

<苦瓜>都要水,肥夠及陽光足架!

體街市買翻黎嘅青色燈籠椒(成熟)取籽發芽,
種出黎嘅椒椒有可能會變成其他顏色(完熟)架!

點解會咁講呢!
好似我嘅黑色指天椒噉,
初初係以黑色椒椒挖出種籽黎發芽栽種嘅,
點知到黑色只不過係椒椒嘅初色咋....
種落去黑色(成熟)變綠色跟住變紅色(完熟)!

原來椒椒未完熟啲種籽都可以發芽架!
所以買翻黎嘅青色燈籠椒取籽發芽, 要耐心啲先至知實際可以種到乜嘢顏色嘅椒椒架!


<黑色指天椒>變變變....

花園仔老師~~
一口氣只能追100頁，仲有600幾頁要分一個星期先睇得晒~~
多謝老師，真係學到好多野呀！！！（尤其是我呢Ｄ新手）

有一個問題想請教老師，
因為地理關係唔理想，家中小露台向正北，全年都沒有日照
之前種櫻桃蘿蔔，佢係咁標高長奶奶，好似芽菜好易斷
追老師的帖就知道係日照不足........

於是我就每日帶佢（仲有芫荽）去樓下公園仔灑日光浴
由於時間關係每日都只可以曬１個鐘～

請問咁樣補唔補救得返呀？

我媽成日笑我傻, 如果咁樣做唔得, 我諗我要放棄種菜.....

花園仔 發表於 2011-7-5 21:15
回復點評 15704#

giveupaguy  花老師的茄子仲好肥美. 我的茄苗唔知咩事唔識大咁. d葉仲好多白點點....

花老師早晨, 各位早晨
老師, 我有十棵矮瓜苗, 個半月前開始種的
大雨果2個多星期, 我有移它們去避雨
晴天時有把它們移回去曬太陽
也有給它們豐收1號+翠均雞屎肥....

不知什麼原因, 它們就是唔識大似的
早2星期開始, 更發現全部(十棵) 的葉都有點點

用左2星期苦練油, 都係無改善
今早拍照, 見到白點之外仲有幾條黑絲
我都曾在泥上灑了點 "茶籽粉" (我懷疑泥內有昆蟲)...希望殺虫....

是要剪葉嗎? 佢地仲有無得救呀? 謝謝.