乜都種吓嘅花園仔

晚安!

得個講字有鬼用咩! 有得食至實際架馬!
缸種嘅<無花果>又食得囉!

花老師早上好. 各位早上好.

老師請你救救我的合掌瓜.....
我每天都有灑水. 應該不會唔夠水.
而且佢地位置近陽光的....
我唔知道什麼地方出錯. 請賜教

花園仔 發表於 2011-6-20 00:26
晚安!

得個講字有鬼用咩! 有得食至實際架馬!

花園仔老師，多謝你幾年來既分享啊！我用左兩星期先讀左400頁，已經都得益不少，真的謝謝你的分享！

回復點評  關於<無花果>

huen923  老師: 我今天收了第一個果果, 好甜.....阿囡都話好味呢^0^

===================================

huen923及大家好!

我今年分枝種體吉吉12吋盤嘅無花果收咗十幾個後而家又新出果果囉!








種體缸嗰棵種得冇你嗰棵咁靚仔呢,
不過都長滿果囉, 而且進入膨大期添,
就黎輪住摘得嘞! 嘻嘻!

giveupaguy 發表於 2011-6-22 09:01
花老師早上好. 各位早上好.

老師請你救救我的合掌瓜.....
我每天都有灑水. 應該不會唔夠水.
而且佢地位置近陽光的....
我唔知道什麼地方出錯. 請賜教

============================

giveupaguy好!

你棵合掌瓜好似感染咗<灰黴病>啵,
我一般用<依天得>黎噴架咋!

瓜瓜植株膨大時係需要充足水份嘅, 一般人對淋水多少存在誤解,
以為每天淋水就OK嘞, 其實好多人採用咗過細嘅盤黎種瓜瓜, 當植株濃密嘅鬚根纏滿泥土後鎖唔到水或水份容易流失....當太陽一曬眾多葉子得唔到即時嘅水份補充供應, 結果咪頭耷耷囉, 就算睇到即時補充水份起得翻身, 整多幾次都元氣大傷啦!
最危險就係連續落咗幾日雨, 啲鬚根浸爛咗, 突然陽光普照, 好多人都以為啲泥好濕, 點不知盤仔太細泥少鎖唔到水, 加上鬚根浸爛咗, 太陽一曬葉子得唔到水份供應立即軟曬, 起唔翻身就咁玩完....
所以栽種瓜瓜要用合適尺寸嘅盤, 水份要充足, 發現植株枝葉有唔正常現像要即時採取行動噴灑藥物....


向上爬嘅Y牌<壽司青瓜>

karman 發表於 2011-6-24 10:23
花園仔老師，多謝你幾年來既分享啊！我用左兩星期先讀左400頁，已經都得益不少，真的謝謝你的分享！:love ...

karman好!

唔使客氣! 希望有啲嘢啱你睇啦!
種植你話係簡單又得, 複雜又得....都係睇你有冇心機嘅啫!

好似你地咁好心機睇帖, 種嘢一定掂架!


嘩! 茄子大豐收真係食到眼矇呀!










嗱! 呢個樣咪靚仔囉!

花園仔 發表於 2011-6-19 23:53
呢段時間係瓜瓜大收嘅日子呀!

苦瓜變黃是太熟了嗎?

花園仔 發表於 2011-6-25 19:30
============================

giveupaguy好!

老師晚安. 各位晚安
老師一言驚醒, 瓜瓜位置近牆邊. 而且它的棚係固定左. 所以連場大雨及大雨後既陽光都一一直曬; 我會把現時的翠x土(因比較疏水) 混合黑土形種多次. 謝謝你.

花園仔 發表於 2011-6-25 19:56
karman好!

唔使客氣! 希望有啲嘢啱你睇啦!

老師，你的文章對我來講非常有用啊！謝謝你！
我近來一個月開始在天台種野，先發覺種瓜種菜原來大有學問，單是泥土、蟲蟲...已經令我很煩惱
我開始懷疑我買的有機泥根本嚴重養份不足（包裝寫明100天不用施肥的），新泥落地種莧菜、生菜就葉色好淡，腳位既葉仲會發黃，收成後淥一淥黎食仲慘，近乎無咩綠色的。連粟米既腳都開始有黃葉，上星期拿拿林去左衫兄買有機骨粉、甲殼素同埋海藻水等等，老師，請問你覺得我的推斷正確嗎？

另外，你的花園好大好靚啊！又多收成！相信你花了很多心血呢！

花園仔老師,

真係好羨慕你棵無花果成日都有得食~~
我上年分享返黎棵無花果已經有成個人咁高啦, 依然果仔都未有一隻食....

上年用過你教既方法種苦瓜仔, 都有幾隻食下, 好鬼開心

每年我們總有某種瓜菜收成特別好
今年有大大個蒲瓜, 你有冇種?

karman 發表於 2011-6-26 02:18
老師，你的文章對我來講非常有用啊！謝謝你！
我近來一個月開始在天台種野，先發覺種瓜種菜原來大有學問，單是泥土、蟲蟲...已經令我很煩惱
我開始懷疑我買的有機泥根本嚴重養份不足（包裝寫明100天不用施肥的），新泥落地種莧菜、生菜就葉色好淡，腳位既葉仲會發黃，收成後淥一淥黎食仲慘，近乎無咩綠色的。連粟米既腳都開始有黃葉，上星期拿拿林去左衫兄買有機骨粉、甲殼素同埋海藻水等等，老師，請問你覺得我的推斷正確嗎？

另外，你的花園好大好靚啊！又多收成！相信你花了很多心血呢！

=================================

karman及大家好!

如果買翻黎嘅有機泥話已經落夠肥料及成三個月都唔使施肥,
但種落去嘅各種植物都係葉色淡及快速有黃葉, 噉即係唔夠氮肥啦,
連最基本嘅肥份都欠缺, 你話點值得信賴喎!
都係當佢係普通泥而睇住植物生長進度及表現去施以合理肥份好嘞!

泥土方便我近期曾提議我嘅朋友選用<普通黃花泥溝普通名牌培養土及沙>
佢話好得喎, 仲種得好開心添!

irishuen 發表於 2011-6-26 13:31
花園仔老師,

真係好羨慕你棵無花果成日都有得食~~
我上年分享返黎棵無花果已經有成個人咁高啦, 依然果仔都未有一隻食....

上年用過你教既方法種苦瓜仔, 都有幾隻食下, 好鬼開心

每年我們總有某種瓜菜收成特別好
今年有大大個蒲瓜, 你有冇種?

===================================

irishuen好!

哦! 唔使心急嘅!
<無花果>假如係插枝繁殖嘅當年就有果出啦!
如果係由種籽發苗嘅起碼幾年至有果出架! 與植株大細無關嘅!

我今年冇種蒲瓜及水瓜, 睇吓你地啲靚嘢都好開心格! 你個瓜瓜好正啵!

琴日摘嘅<無花果>

用種籽發苗嘅大樹菠蘿 - <菠蘿蜜> 經過三年後結咗7個果果!

<菠蘿蜜>嘅果果今年會結體樹枝度, 明年主要會結體樹幹度,  
再下年連樹腳都會結果果架! 嘻嘻!

中秋左右就可以摘食囉!










回復點評

Alison, 啱吖! 好似走馬燈噉重複又重複啫! 注意係<主要>!
第三圖嗰孖都生體樹幹啦!

同樣係用種籽發苗嘅<黃皮果>亦係體三年後結果囉!

聽講<黃皮果>千祈唔好熟一粒摘一粒!
要摘就要等成揪熟曬至摘, 否則明年會粒熟粒唔熟咁話喎!

想<茄子>高產最緊要足水夠肥多陽光....

<苦瓜>體呢段時間會好多乸花架!

今朝睇到:



好奇嘅係體7:38am左右邊位朋友點擊敝帖呢?
1111111啵, 報上名來啦! 嘻嘻!

咁得閒, 傳上我呢張4:3嘅桌面大家睇吓,
請問你點解讀呢張圖呢? 嘻嘻!

棵毬蘭琴晚開咗花囉!

燈籠椒及靚椒(美國)


燈籠椒




靚椒(美國)