乜都種吓嘅花園仔

花園仔 · 發表於 2011-6-14 17:56:01

本帖最後由花園仔於 2011-6-14 18:04 編輯

WingWing 發表於 2011-6-14 16:36

花園仔老師, 你好,

之前我都買了紅牛鉀肥, 當時我係用响蘿蔔la, 紅菜頭la, 櫻桃蘿蔔等地底農作物的,
我想問吓鉀肥是否也可以用於開花結果的農作物上, 如茄子, 蕃茄, 士多啤梨等呢?
因為之前我是施磷肥於開花結果的農作物上.... 真係唔知自己有無攪錯tim! @@
======================================

WingWing 好!

肥料運用有好多種講法
我點運用敝帖一直有講架....
磷肥及鉀肥係可以用體各種花果植物上嘅!

其實我都好鍾意種花嘅, 以前體其他論壇主要係講花添....
谷花我都係用磷肥及鉀肥架, 唔會單用磷肥嘅!

花園仔 · 發表於 2011-6-14 18:44:38

本帖最後由花園仔於 2011-6-14 19:24 編輯

Gardening.baby 發表於 2011-6-14 15:56

多謝, 係唔係share 下種咗d咩呀? 我種咗好多果樹, 全部未有果.
除咗藍莓同士多啤梨開緊花外.但藍莓葉好唔健康. 估係夏天嗰陣曬傷.

睇老c花園, 發毛覺自己花園品種唔少, 量多, 但質素全部唔得, 好肉酸. 產量少.
於是決定開始重質少重量. 整靚佢. 昨日買了鉀 (跟老師學架)

燒傷葉的藍莓,但好多花lum

應該係肥傷機會大啲嘞! 睇你嘅士多啤梨及藍莓都有葉邊燶現像啵!

今日用電動牙刷授粉, 成日落大雨,未必得. 唔識花女,老師應有講過,但記性差

哈哈你棵係<蕃茄>吖馬, 冇分花仔花女嘅, <茄椒類>係自花授粉嘅, 唔使人工授粉架,
就算唔放心幫吓佢咪用雞毛類柔軟物品囉, 千祈唔好出動重型武器呀!

學老師用呎度住影. 棵黃牙白俾蝸牛吃到好多holes

棵<黃牙白>滅蟲後要用尼龍草紥起佢啦!

回復點評

Gardening.baby,
睇吓係邊種肥料令佢肥傷嘅就暫停嗰種肥料短時間先啦!

採用邊棵留種籽好簡單啫, 自己決定啦!
即係話如果我用呢棵留種籽, 首先自己要清楚點解會選擇呢棵吖!
好多嘢唔使問人嘅! 嘻嘻!

cartse · 發表於 2011-6-14 19:06:28

啲蕃茄等我搵人試下先！

另外，我見你種過啲節瓜種得好靚呀！我個棵最初只係得公花，咁我就比啲紅牛佢啦，呢排又只係得女花！我只係授到兩次仲唔知得唔得添呀？！？！我見佢一路標高緊，我見啲花都係女仔嚟嘅！我本來想發多兩棵做後備架，不過發極都發唔到！有咩辦法等佢出仔女花平均啲架？

唔該！

花園仔 · 發表於 2011-6-14 19:09:20

回復點評

小田園:
老師種植既收成就算睇都係一種樂事，有時自己種得靚會有唔舒得食既感覺！
另外想請教花老師種植瓜類通常個棚架會怎樣綁先致最理想呢？

===================================

小田園好!

通常我地所種嘅瓜類都適宜搭人字棚嘅!
搭棚嘅所用物料最好係竹枝嘞,
竹枝及綑帶粗幼咪按瓜瓜大細黎決定囉!

Y牌<壽司青瓜>開始爬架嘞!

花園仔 · 發表於 2011-6-14 19:46:00

本帖最後由花園仔於 2011-6-16 23:21 編輯

我想話俾花花聽:
苦瓜係果蠅嘅至愛, 两層尼龍網袋係無法阻隔佢地嘅!

嗰啲未夠大就開始變黃嘅瓜瓜最大可能係佢地嘅殖民地囉!
打開睇吓啦! 啲蟲蟲會彈跳架!

回復點評

marie2008及miffymary,
唔使氣憤又沮喪架, 比多啲心機笠袋咪OK啦!

花花,
又唔係百份百嘅, 先天不良都會未大先黃架!
不過小心好啲!

Lingling64 · 發表於 2011-6-14 20:05:21

Hi！花園仔老師！我已將你的帖全部睇嗮啦！曰睇夜睇，都要用上3星期才追上，亦學了很多種植上的知識，真係唔間單呀！

花園仔 · 發表於 2011-6-14 20:18:31

本帖最後由花園仔於 2011-6-15 23:36 編輯

cartse 發表於 2011-6-14 19:06
啲蕃茄等我搵人試下先！

另外，我見你種過啲節瓜種得好靚呀！我個棵最初只係得公花，咁我就比啲紅牛佢啦 ...

啲蕃茄等我搵人試下先！

另外，我見你種過啲節瓜種得好靚呀！我個棵最初只係得公花，咁我就比啲紅牛佢啦，呢排又只係得女花！
我只係授到兩次仲唔知得唔得添呀？！？！我見佢一路標高緊，我見啲花都係女仔嚟嘅！
我本來想發多兩棵做後備架，不過發極都發唔到！有咩辦法等佢出仔女花平均啲架？

唔該！
===========================

cartse,
大多數瓜瓜都係初初出公花先, 後來至出乸花....
當乸花連續出現時公花又唔配合, 時有時冇, 時多時少嘅!
只知道陽光普照嘅日子公花特別多! 我就唔識令公花乸花平均出現嘞,
但會體果期中保持薄肥多施(磷肥鉀肥為主, 氮肥為副),
只要花多咪公乸花都有機會啦!

回復點評

cartse 啱!
未出花苞時以花生麩水為主, 骨粉同紅牛為副!
出花苞開始就轉成骨粉同紅牛為主, 花生麩水為嘞!

Peggy · 發表於 2011-6-14 23:32:01

Peggy 發表於 2011-6-9 23:03
老師, 想請問點解我既百香果出好多花但一直無結果呢?

Thanks ar!

WingWing · 發表於 2011-6-15 16:13:31

花園仔發表於 2011-6-14 17:56
花園仔老師, 你好,

之前我都買了紅牛鉀肥, 當時我係用响蘿蔔la, 紅菜頭la, 櫻桃蘿蔔等地底農作物的,

明白了, 謝謝你呀!

花園仔 · 發表於 2011-6-15 23:45:11

大家好!

呢棑最收得係<茄子>嘞!

又易種又少蟲害, 開花結果成功率極高架!

黎睇吓龍缸呢棵先啦:

花園仔 · 發表於 2011-6-15 23:50:22

本帖最後由花園仔於 2011-6-16 00:25 編輯

真係日日都有<茄子>收架!

回復點評

miffymary,
係! 但唔會相差好遠!
有笠袋嘅茄子靚仔好多係事實!

花園仔 · 發表於 2011-6-15 23:54:09

繼續睇吓吉吉12吋盤種嘅<茄子>先啦!

花園仔 · 發表於 2011-6-15 23:57:52

重溫吓茄子嘅花邊啲係<有效花>邊啲係<無效花>

花園仔 · 發表於 2011-6-16 00:03:51

種體牆邊嘅南瓜, 茄子, 准山, 紫茉莉及掹唔切嘅雜草!

花園仔 · 發表於 2011-6-16 00:08:05

<四季桔>不斷開花結果時<大沙柑>就黎有網球咁大囉!

花園仔 · 發表於 2011-6-16 00:12:22

<紅棗>結果如何? 都係要睇吓果蠅俾唔俾面囉!

花園仔 · 發表於 2011-6-16 00:17:26

幾盤唔同品種嘅<蔥>現時情況:

花園仔 · 發表於 2011-6-16 00:30:35

晚安!

種體吉吉12吋盤嘅<無花果>食完冇耐啫又有果果生出黎嘞!

Gardening.baby · 發表於 2011-6-16 19:32:58

花老師:

這是馬齒莧嗎? 可吃嗎?

見習農夫4 · 發表於 2011-6-16 19:37:09

Gardening.baby 發表於 2011-6-16 19:32
花老師:

這是馬齒莧嗎? 可吃嗎?

你未開飯呀?好餓咩!