乜都種吓嘅花園仔

回復 14163# 小寶
老師好!
係呀, 少左好多雜草, 無舖果度就好多雜草.

唔知夏天用唔用得呢? 用得就好囉, 唔洗除草除得咁辛苦嘛. 張布兩面都係黑色架.

小寶好!
<衫兄>嗰度有防雜草嘅墊布賣格, 你問清楚佢啦!

回復 14164# BTG_CARMEN
哈哈...咁都得??唔知呢個方法對松鼠得唔得...我呢度最近有松鼠走上尼攪破壞....

試吓都好吖! 唔得咪攞走佢囉, 咁易做!

回復 14165# mono
老師晚安！
我盆蕃茄清咗嘑。
不過啲泥仲好新同有啲鉀肥向樹，我可唔可以晒乾之後，燒下佢再用返呢？
因為今次係有腐根病。啲花盆洗唔洗特別清理再用反？
我發覺原來我之前都無乜打理就用反。

Mill好!
我係唔會燒泥嘅, 啲泥倒出黎唔好用住, 有太陽咪反覆狂曬吓佢囉!
花盤洗乾淨後用稀釋嘅漂白水浸洗吓咪用得啦!

成果率好高嘅<旭紅蕃茄>

露地上嘅<菠菜>就黎可以掹食囉!

好食嘅<芥蘭>第二梯次,
棵嘢都未夠大就急不及待割食囉!

<油麥菜>好快就有得食嘞, 蟲害又少種得過架!

<木瓜>仔不停開花結果, 希望佢頂得住寒冬啦!

晚安!

兄日又有朋友仔黎嘞, 可惜都係望樹興嘆呢!
因為掛滿枝頭嘅<楊桃>暫時只有好少完熟咋!

想問老師,我既細香蔥發左芽啦 , 定植幾多日要開始施肥呢?

威威,
你嗰間"興記"賣啲嘢其實係"三兄"批比佢嫁! 梗係有晒"三兄"啲貨啦! 不過價錢就比"三兄"起碼貴一半, "三兄"賣$25嘅, 佢就要賣成$40, 冇法啦! 住响九龍區住嘅農友, 就係花墟最近。

老師好+早晨呀~~~
積媽終於忙完了~  忙左成個月, 又去學做阿茂 , 而家得閒番又可以UPDATE番D農作物上黎.
我今季貪新鮮種左D好睇唔好食0既野, XDDDDD 真係SIDE鬼氣~以後都係種番D本地野著數D~

威~ 發表於 2010-12-12 19:49
老師：今日行左成3個幾鐘旺角花墟 , 最後呢3個幾鐘都無白廢既,最後終於俾我搵到間 "旺角板三兄"
佢個名 ...

威, 請問興記在那裡? 我都想行花墟搵豐收1號.

回復 花園仔 的帖子

小寶好!
<衫兄>嗰度有防雜草嘅墊布賣格, 你問清楚佢啦!

=================================
我有買呀, 不過我覺得放响無種植的田路會好D, 唔知咁做岩唔岩呢?

回復 JicJicmom 的帖子

老師好+早晨呀~~~
積媽終於忙完了~  忙左成個月, 又去學做阿茂 , 而家得閒番又可以UPDATE番D農作物上黎.
我今季貪新鮮種左D好睇唔好食0既野, XDDDDD 真係SIDE鬼氣~以後都係種番D本地野著數D~
=============================================================

積媽好!

冇所謂啦! 試過先知架馬!
我認為種靚花及好食嘅嘢一齊做都冇乜衝突嘅!
種埋曬啲好睇唔好食嘅嘢就嘥地方囉!
千祈唔好一窩蜂, 有啲物種真係唔適宜本地種架! 嘻嘻!

回復 小寶 的帖子

我有買呀, 不過我覺得放响無種植的田路會好D, 唔知咁做岩唔岩呢?
============================================

小寶好!

哈哈, 呢樣真係冇研究過啵, 只係行過佢間舖見到咋!
效果係點仲諗住問你添!

回復 威~ 的帖子

想問老師,我既細香蔥發左芽啦 , 定植幾多日要開始施肥呢?
=======================================

小朋友,
<細香蔥>定植後穩定生長就可施肥啦!
大約一星期左右啦, 磷氮肥, 初初薄啲,
見棵蔥夠堅挺後施肥可以重啲手!

又, 刪咗個帖先啦!
我用咗<點評>唔識點删除呀!

最好係<雞屎肥>, <豐收一號>都得嘅, 蔥頭冇咁大囉!

泰國蕃茄苗苗好快大, 但唔知頂唔頂得順10度以下氣溫啫!

<沙律生菜>大得好快, 幾乎食唔切呢!

琴日朋友仔黎玩, 好開心呀! 人人滿載而歸!
又整咗好多嘢食及飲品.... 嘻嘻!

掹咗啲<櫻桃蘿蔔>大家都話又靚又好食!

自種<西洋菜>梗係好食啦!

摘咗底葉食嘅<火箭菜>

<結球生菜>包緊心未食得住!