本帖最後由 花園仔 於 2010-10-8 22:26 編輯
回復 13302# 糖不甩
老師不愧為資深的園藝專家,有你的教導,慌慌失失的學生會變得鎮定.
我决定買過D芫茜種再試一次,因我對芫茜情有獨鐘,好好味!可惜浪費了一個月的時間!
另外,菜心系要幹D還系濕D?點樣控水份?點解分50,60,80日菜心,系品種吾同,還系要受時令的限制,
比如.....早D就種50日,遲D就種60日,再遲D種80日,????(因我去買60日菜心時,老細叫我遲D去買80日),吾該晒老師!吾該晒各位花友!
============================================
糖不甩好!
你地叫我老師我都唔好意思嘞, 仲<資深的園藝專家>添, 真係人地唔笑自己都笑啦!
跟本上我同大家一樣冇分別嘅, 只係每個人體種植方面有唔同嘅體驗咋! 以後唔好再講囉!
<芫荽>我都好鍾意嘅, 舊年除咗種芫荽外仲種咗洋芫荽嘅<大葉歐芹>及<縐葉歐芹>添, 講起都係時候種翻盤囉!
順便睇吓呢頁啦:
http://hkplants.com/viewthread.p ... extra=&page=540
菜心點控制水份, 其實都唔知點講好, 都係按一般種植葉菜噉, 水份要夠但唔好太濕吽爛根....
淋水睇吓棵菜啲葉多或少去調節, 例如初苗至發育時棵葉啲葉唔多唔大, 淋水唔好淋咁透,
當棵菜膨大時啲葉又多又大自然要多啲水份黎配合架啦, 嗰陣淋水咪要淋透啲囉,
尤其係體乾燥或陽光普照嘅時候更加要保持泥土濕潤, 啲菜先至好食架!
50日/60日或80日菜心係配合該種植時間嘅不同品種, 我前時已解析過50日/60日菜心係同一品種....
至於前時亦出過溫馨提示話重陽後三日落80日菜心種籽架啦!
生菜都係要控制水份架, 水多爛根, 水少耷葉爛葉, 制水啲菜苦澀....
<羅馬生菜>出真葉囉!
|
顯身卡
? 我都好想種到你咁, 塊塊葉都咁健康呀~
