本帖最後由 花園仔 於 2010-10-7 09:51 編輯
回復 13284# 糖不甩
糖不甩,
繼續答埋你啲問題:
老師:我追你的帖追得很辛苦,所以有時會麻煩D,請你原諒!
你在9月24種了60日菜心,我跟住在9月27日也種了一盆60日菜心和一盆意大利生菜,
菜心就OK,都發芽長苗了,但生菜就只發了幾粒系勿野原因呢?我都系三兄度買的種子.
都係嗰隻種籽啫, 有時都睇吓你用乜嘢泥, 淋得水多或水少, 仲有種籽盤擺放位置都會有分別架!
不過嗰隻<意大利生菜>種籽質素唔係咁好囉, 我嗰啲出芽時間都相差好遠架, 而家有啲仲好細棵嘅,
至于移咗苗嗰啲發育都唔係咁正常, 而家在觀察中咋....暫定再買過新牌子嘅種籽試吓!
另外我早前也是在三兄度買的泰國抗熱莞茜,從9月6日起一直試到現在,一粒芽都未發過,我有D沮喪,
所以我特別緊張D菜心,我想問下點樣淋水呢,D苗甘弱,用噴壶都怕摧毁佢?另外,要等到幾時才施肥呢?吾該晒!
啲60日菜心出咗真葉會黃黃地架, 唔使担心, 佢有別名叫黃菜心架, 大啲就唔黃架罅!
啲苗奀之之長了了就係唔夠養份及陽光囉, 見佢地大多東倒西歪咪細心啲加吓泥傍吓佢啦!
苗苗淋水我多用噴霧器嘅, 致於施肥我會體出咗四塊真葉起就會俾啲薄薄嘅肥仔水佢飲架罅!
60日菜心出咗真葉就爸爸聲大嘞!
|