乜都種吓嘅花園仔

花園仔 · 發表於 2010-6-8 14:08:55

本帖最後由花園仔於 2010-6-8 19:07 編輯

就黎<端午節>囉啵, 你包咗糭未亞?

摘咗啲<糭葉蘆> -- 開工囉!
有冇諗過體牆角種上一叢<糭葉蘆>呢....
閒時摘翻幾片都可以包啲黎自奉或招待好友格....
我覺得幾溫馨浪漫囉, 游閒嘅日子就係噉過架罅, 嘻嘻!

jojosxxx · 發表於 2010-6-8 15:07:43

好唔容易先至睇到180頁,希望可以快d睇晒然後學以致用

小小 · 發表於 2010-6-8 15:27:31

我追左好耐先追到102頁咋,
樓主好, 打個招呼先.
我在中山的屋都有種野架, 凡週未才返去渡假, 過下農村的生活,
通常見到人地種咩就跟住種, 但都係遲過人地ge
無所謂啦, 有得收已經好開心.

小牛 · 發表於 2010-6-8 16:28:14

就黎<端午節>囉啵, 你包咗糭未亞?
摘咗啲<箸葉> -- 開工囉!
有冇諗過體牆角種上一叢<箸葉>呢....
閒時摘翻幾片都可以包啲黎自奉或招待好友格....
我覺得幾溫馨浪漫囉, 游閒嘅日子就係噉過架罅, 嘻嘻!
====================================
嘩！！好羨慕呀！！add14icon
老師竟然連糭葉都有！？乜野係 "箸葉"，老師可否影下全株植物呀？
小牛一响以為係竹葉添！

bebe · 發表於 2010-6-8 18:23:20

嘩!! 花老師有新鮮棕葉, 勁啊!! 咁箸葉係咪即係蘆兜葉呀? 我平時聽d人話蘆兜棕蘆兜棕咁叫

我都好想睇全相啊, 大棵嗎? 去邊度先可以搵到苗苗種呀?add14icon還是....插枝就得?add6icon
p.s. 咁新鮮棕葉係咪唔駛處理直接就包得棕?

花園仔 · 發表於 2010-6-8 18:40:56

回復 12222# jojosxxx
好唔容易先至睇到180頁,希望可以快d睇晒然後學以致用

回復 12223# 小小
我追左好耐先追到102頁咋,
樓主好, 打個招呼先.
我在中山的屋都有種野架, 凡週未才返去渡假, 過下農村的生活,
通常見到人地種咩就跟住種, 但都係遲過人地ge
無所謂啦, 有得收已經好開心.
================================================

大家好!
慢慢睇囉!
我知你地好好心機格,
每晚都有好多隱形朋友捕住體度架啦!
唔緊要喎, 我都有朋友仔唔出聲跟咗兩年至講出黎呢!
總之大家鍾意咪OK囉! 嘻嘻!

花園仔 · 發表於 2010-6-8 18:52:29

本帖最後由花園仔於 2010-6-8 19:04 編輯

回復 12224# 小牛
嘩！！好羨慕呀！！
老師竟然連糭葉都有！？乜野係 "箸葉"，老師可否影下全株植物呀？
小牛一响以為係竹葉添！
============================

小牛好!
啲<糭葉>係體朋友度摘翻黎架咋! (準備種翻啲呢!)
<箸葉>少人知, 不如叫正啲<糭葉蘆>啦!
冇影相呀! 你用<糭葉蘆>圖片搜尋就見架罅!

花園仔 · 發表於 2010-6-8 19:31:16

回復 12225# bebe
嘩!! 花老師有新鮮棕葉, 勁啊!! 咁箸葉係咪即係蘆兜葉呀? 我平時聽d人話蘆兜棕蘆兜棕咁叫
我都好想睇全相啊, 大棵嗎? 去邊度先可以搵到苗苗種呀?還是....插枝就得?
p.s. 咁新鮮棕葉係咪唔駛處理直接就包得棕?
=================================

你好!
<箸葉>少人知, 叫正啲<糭葉蘆>好過嘞!
包蘆兜糭係唔係用呢種葉就唔係咁清楚嘞, 我諗都可以嘅塊葉咁大....
幾大棵? -- 高過人架!
苗苗! -- 冇喎! -- 好天到啲水坑邊揾吓啦, 挖頭種囉(好似種香茅噉).

新鮮糭葉修剪靚後洗乾淨用水烚吓佢(滾幾分鐘)就用得啦!

又: 切記唔好買啲<返青糭葉>黎包糭呀!
<原色糭葉>水煮後會呈現淡黃色, 而<返青糭葉>加熱後, 煮出嘅水會呈淡淡綠色架!

花園仔 · 發表於 2010-6-8 21:48:00

本帖最後由花園仔於 2010-6-8 22:43 編輯

種嘢最怕遇上啲專家, 理論多多, 不切實際....
嗰啲新手上路俾佢搞到暈酡酡....
好似香草噉, 有乜咁神秘啵!

有啲壇友買咗盤現成嘅<迷迭香>, 種種吓發覺佢耷頭耷腦先發出SOS....
好簡單盤嘢買翻黎首先係揀幾條靚枝插咗新盤先,
跟住(削唔削根睇實際情況)換泥, 換盤....
然後放體太陽曬唔到但夠光嘅地方三兩日
泥土濕潤就得, 過得十日八日咪施的薄肥佢嘆吓囉!
有乜咁難種亞!!

嗱! 我時時都鍾意用<迷迭香>整嘢食,
所以咪當正常嗰啲蓬勃生長嘅同時都要未雨綢繆架,
插定幾枝先囉!

琴日插嘅, 放體太陽曬唔到但夠光嘅地方, 等佢生根先至....

花園仔 · 發表於 2010-6-8 22:01:36

仲未紅嘅紅棗

花園仔 · 發表於 2010-6-8 22:04:35

<火龍果>尖頭將會變成手臂架!

花園仔 · 發表於 2010-6-8 22:07:49

小寶,
你種唔種<合掌瓜>亞? 有種籽啵!

花園仔 · 發表於 2010-6-8 22:38:56

晚安!

小寶 · 發表於 2010-6-8 22:51:37

回復 12232# 花園仔

小寶,
你種唔種<合掌瓜>亞? 有種籽啵!

===================
嘩! 要呀! 我唔客氣架~

ILoveFlower · 發表於 2010-6-8 23:16:27

回復 12227# 花園仔

網上搵到糭葉蘆, 原來行山都成日可以見到

小昭 · 發表於 2010-6-9 02:57:42

好溫馨自家椶一定好味，原來新鮮的椶葉是糭葉蘆
花老師，我棵南瓜有花蕾，但花未開，已掉下來，葉子不知為什麼開始有一點點黃點，是否有病與唔夠肥，煩請指教，謝謝!

花園仔 · 發表於 2010-6-9 10:32:52

回復 12236# 小昭
好溫馨自家椶一定好味，原來新鮮的椶葉是糭葉蘆
花老師，我棵南瓜有花蕾，但花未開，已掉下來，葉子不知為什麼開始有一點點黃點，是否有病與唔夠肥，煩請指教，謝謝!
============================================

你好!
葉面起黄點好複雜架!
作病前, 塊葉老, 唔夠肥....都有可能, 我會剪咗佢!

掉葉掉果, 葉有黄斑及有少少果就由綠變了帶黃的綠....
呢種情況與肥多肥少都有關架, 我體結果前會谷肥(尤其是鉀肥),
見花就收手架罅!(肥重一樣會甩花跌果架!)

花園仔 · 發表於 2010-6-9 10:40:57

本帖最後由花園仔於 2010-6-9 10:54 編輯

落大雨前搬好曬嘞!
點解咁醒目? -- 睇咗積媽嘅私家天文臺天氣預報吖馬!

猛咁開花結果嘅茄子
嗱, 啲葉子顏色係咪好靚亞, 原色黎架! 嘻嘻!

小寶 · 發表於 2010-6-9 11:16:41

回復 12238# 花園仔

d葉咁靚,我真係有d頂唔住喇~~~~add7icon

JicJicmom · 發表於 2010-6-9 11:20:26

本帖最後由 JicJicmom 於 2010-6-9 11:23 編輯

回復 12239# 小寶
老師好~~~
頂住呀小寶~~~ 你快D用盤種多幾盤喇~~ 老師用盤種都咁靚 ~~~ 你都一定可以架~
我天台D "職員" 咁勤力, 要加人工比佢地先..... XDDDDDDDD
老師我都想八一八, 用呢種新鮮糭葉蘆包0既稯, 會係乜野味道? 草香 ?

返青稯葉又係點解? 加左人工色素?
唔該哂阿老師~