乜都種吓嘅花園仔

正常嘅茄子花梗係唔使人工授粉啦!
正常即係花中間綠色條雌蕊長過圍住佢嘅雄蕊囉!

唔正常嘅茄子花中間綠色條雌蕊係短過圍住佢嘅雄蕊!
所以咪要幫吓佢囉!(人工授粉)

咁正常梗係唔使人工授粉啦!

<刺芫荽>有花囉!

<益母草>都開花啦!

爸爸聲大緊嘅<海南糯米粟>棒棒!

<木瓜>最怕漬水唔去浸爛根, 所以要小心!

地上及花槽上嘅<木瓜>

<洛神花>嘅現況



順便睇埋火龍果啦!(右上角嗰盤呀!)



花槽嗰棵都郁緊囉!

又到咗講晚安嘅時候嘞,
睇埋<火球花>織網嘅情況啦!

啲茄子續漸開花結果嘞, 疏落咗啲囉 -- 唔夠陽光吖馬!
=============================

老師,我想問呢,依家先落茄子種子種,會唔會太遲呢,因為見你用盆種都得,都好好想試下種!

老師~~ 我想問有花lum時落紅牛鉀, 需唔需要將d紅牛鉀事先發酵呢? 應該擺係泥入面定係邊度? 同埋今日買左包有機shell粉, 係咪可當石灰用? 用法係咪一樣呢? 謝謝

刺芫荽..食唔食得架? add3icon
火球..真係 超靚! add6icon

花老師

您好! 人人都叫你老師, 我又跟住咁叫

我下星期有塊地收...........1.5'x3' 基本上佢已經有泥, 我係咪可以照用?  新手有咩工具必買呢? 播種有冇話要埋幾深架? 可能你會覺得我d問題好白痴, 但我真係咩都唔知 睇嚟都要去圖書館摷吓書先得

回復 12148# Nancy
老師,我想問呢,依家先落茄子種子種,會唔會太遲呢,因為見你用盆種都得,都好好想試下種!
==================================================

Nancy及大家晚上好!

種茄子而家落種籽仲可以架!

用盤種嘅茄子而家情況:

回復 12149# vege
老師~~ 我想問有花lum時落紅牛鉀, 需唔需要將d紅牛鉀事先發酵呢? 應該擺係泥入面定係邊度?
同埋今日買左包有機shell粉, 係咪可當石灰用? 用法係咪一樣呢? 謝謝
=========================================

vege好!
紅牛鉀放體泥面或耙開泥面放入再冚翻泥都得!
我一般會溝啲雞屎肥及花生麩粉粒所以選擇後者.
甲殼素我就用過, 至於shell粉, 石灰, 好似係两樣唔同嘅嘢啵....唔識!

回復 12152# 花園仔
Nancy及大家晚上好!
種茄子而家落種籽仲可以架!
用盤種嘅茄子而家情況:
=========================
老師好!
盆種茄子好靚!!!好利害!

回復 12151# kittymama
花老師
您好! 人人都叫你老師, 我又跟住咁叫
我下星期有塊地收...........1.5'x3' 基本上佢已經有泥, 我係咪可以照用?  新手有咩工具必買呢? 播種有冇話要埋幾深架?
可能你會覺得我d問題好白痴, 但我真係咩都唔知 睇嚟都要去圖書館摷吓書先得
==============================================

你好!
你鍾意囉, 我真唔係老師黎嘅!
1.5'x3' 好細啵, 係咪 1.5MX3M 亞?
你嘅問題最好請教翻嗰啲租咗文康署啲地嘅網友嘞!(呢度好多架!)

回復 12154# 小寶
老師好!
盆種茄子好靚!!!好利害!
==================

小寶好!
嗰幾張圖想話俾大家知, 茄子枝葉茂盛會多果,
仲有健康嘅花果係點之馬, 嘻嘻!

吹波節瓜就黎食得囉!

回復 12150# 適少少
食得!

綠色茄子食咗囉 -- 又淋又滑!

開咗好多日都唔謝嘅<太陽菊>

講晚安前請睇吓逼逼夾夾嘅網室一角啦!