乜都種吓嘅花園仔

花老师，上次按你的方法插左臭草，几时先知道生唔生架？我插左枝之后就放左响墙脚阴凉既地方啦，我剪左一支出来分2份，唔知道有无错？

仲有花老师之前教我的生菜，剩翻2棵，尽下力啦，唔得都无办法啦
上次野葛菜的种子，出左几棵芽仔呀~~~如果我用放虫网，会唔会无甘多虫呢？

回復 11541# vicky
花老師，上次按你的方法插左臭草，幾時先知道生唔生架？
我插左枝之後就放左響牆腳陰涼既地方啦，我剪左一支出來分2份，唔知道有無錯？

回復 11542# vicky
仲有花老師之前教我的生菜，剩翻2棵，盡下力啦，唔得都無辦法啦
上次野葛菜的種子，出左幾棵芽仔呀~~~如果我用放蟲網，會唔會無甘多蟲呢？
===============================================

大家好!

vicky,
臭草好易插生, 前時插嘅100%成功啵!
點插都得架, 有新芽新葉長出黎咪OK囉!

嗱, 上面靚嗰段俾人攞走曬嘞,
剩翻下面最肉酸嗰段挖出黎俾你睇啦:



生菜類睇黎外國品種可以試吓外,
本地嘅多數唔啱造嘞, 種得到都唔靚仔架,
呢棑日照咁少啲葉自然長了了啦!




都話防蟲網洛, 梗係冇咁多蟲啦,
菌就防唔到架罅, 總之有做好過冇做囉!

花園仔老師:
請教你,關於白蘭花的插枝方法?

我在12月/2月/3月/4月時插左枝,每次插4-5枝,現在只有一枝.是3月份插的,是一小段青綠色.最年青的好像插生存了,這2.3天見有新芽出來,

回復 11545# 下午茶
你好!
你兩個帖都係講同一樣嘢啫, 點解唔放埋一齊亞?

白蘭花插枝嘅咩? 我真係未試過喎!
你到<花草樹木>度問至啱架!

一年到晚都幾乎有花開嘅白蘭又開花囉!

謝謝老師提醒,下次留意了,我去<花草樹木>度睇吓先,

我唔怕麻煩架! 又唔使一日包曬嘅!
想啲瓜瓜又甜又好食又靚仔....做多少少嘢啫!

剛剛....

回復 11539# mono
噚晚我都係返到屋企收拾天台。兩盆蕃茄瞓低。好彩啲泥仲向個盆內。
見到老師啲靚椒，掛住向田個盆七彩靚椒。唔知到開田時佢仲精唔精神呢。
=======================================

Mill 好!
牆邊啲植物都東倒西歪架, 點知發覺有棵<益母草>添!
先棑積媽好似問過我啵, 我話....唉! 真係唔好意思嘞!

回復 11540# alilovebyj

好彩兄弟多啊啊…拍住拍住都唔算好嚴重
==========================

Alison 好!
呢班兄弟咁疏離靠唔住架!

老師放心。上次去小寶田都見有幾棵益母草。積媽應該....

回復 11551# mono
老師放心。上次去小寶田都見有幾棵益母草。積媽應該....
=================================

哦, 唔緊要啦, 大家都唔會咁小氣嘅, 嘻嘻!

剛到積媽度跟咗條帖之馬:

積媽好!
所以我整咁多車仔囉!
前時為咗呢個問題曾同政府農場嘅主任傾過,
佢提出農民體作業中引致健康出問題嘅最多病例就係條腰嘞!
仲提出檯面種植方式嘅好處及基本方法, 當然只係啱我地啲玩玩吓人士啦!
但, 睇電視裡面外國啲大型網室種植場我都見佢地用檯面(或水栽)種植方式黎生產架!   

講晚安前請睇吓<士多啤梨>現時情況先啦!
同場加影: 雀仔都算有良心留翻半粒俾人食! 呵呵!

回復 11549# 花園仔


老師, 我在深圳酒樓食過益母草葉, 就咁白灼當油菜, 你那棵是否這樣食用呢?

噫…呢班兄弟真係靠唔住喎

對了…老師，我的豬乸菜有花，是否可試留種呢？老師是否有試過替豬乸菜留種呢？

回復 11456# 花園仔
huen923 及大家晚上好!
哈哈, 你棵無花果同我棵同出一源喎!
轉盤先决定將會最終用幾大嘅尺寸黎種佢, 費事唔使幾耐又要再轉過!
木瓜冇乜嘢講嘞, 轉盤後棵嘢精神爽利就可以施肥(磷氮肥),
施放體離植株遠啲嘅地方先引誘新根生長追肥!
無花果先預備盤泥, 手揸托主莖然後用硬物沿盤仔邊位輕打,
盤仔脫出後睇吓是否根纏滿泥外, 如果係就用較剪將外圍U形剪開十字,
將根纏滿入邊嘅鬆泥整緊啲走, 呢個動作隨你做唔做囉, 我就做咗嘞!
跟住咪種好佢囉, 又係嗰句, 轉咗盤如郁過啲根最初幾日就只可俾光, 唔好俾佢曬!
到棵嘢精神爽利就可以施肥(磷氮肥), 施放體離植株遠啲嘅地方先引誘新根生長追肥!
======================================================
老師: 今早將無花果換盤, 修剪咗d根同整走咗d根入面既泥, 再喺植株遠既地方圍圏放咗d花生夫&骨粉
棵木瓜因吾夠泥所以未轉盤, 不過佢非常頭dum dum, 彎底身.....要盡快買泥轉盤....希望到時佢精神爽利

回復 11555# huen923
老師: 今早將無花果換盤, 修剪咗d根同整走咗d根入面既泥, 再喺植株遠既地方圍圏放咗d花生夫&骨粉
棵木瓜因吾夠泥所以未轉盤, 不過佢非常頭dum dum, 彎底身.....要盡快買泥轉盤....希望到時佢精神爽利
===========================================================

大家好!

無花果換咗盤後泥濕潤就OK嘞, 千祈唔好曬住呀!

棵木瓜啲泥咁少體大熱天時跟本供唔夠水俾啲枝葉架, 咪頭耷耷囉!
耷得緊要分分鐘抬唔起頭做樹架! 小心!

木瓜啲根好深伸展好遠架, 噉先可以吸夠水份同養料俾棵樹嘅!
請睇吓先棑移種嘅木瓜苗苗體陽光照射下挻起胸膛做樹嘅現況:

回復 11554# alilovebyj
對了…老師，我的豬乸菜有花，是否可試留種呢？老師是否有試過替豬乸菜留種呢？
========================================

我今季冇為<縐紋豬乸菜>留種籽嘞, 你試吓留啦!

留緊種籽嘅<火箭菜>

回復 11553# laugenroll

老師, 我在深圳酒樓食過益母草葉, 就咁白灼當油菜, 你那棵是否這樣食用呢?
================================

好唔好味亞? 第日種多啲試吓先!  

雨後嘅南瓜苗苗

同樣係剛移種就遇上大雨及陽光嘅水瓜, 睇黎安全度過咗危險期囉!