乜都種吓嘅花園仔

9837# 小牛
老師好！
棵木薯就咁蒸就食得？我都有時見到人地種，但係就唔知可以點食。
老師 d 花花菜菜真係好靚！得閒上黎真係好似遊花園咁~~


9840# 小寶
老師好! 小寶明白哂! 謝謝詳細解釋!
老師什麼都有, 木薯點食好呢?

====================================

小牛及小寶大家好!

講吓古仔先:
自從N年前同朋友體海南島興隆華僑農場做大爺,
遇上中旅社班團友體飯堂食宵夜,
原來係食木薯糖水, 我地冇得食咪去嚇吓團中嘅幾個老人,
話: 木薯好涼架, 老人家唔受得千祈唔好食亞,
醒牙, 嗰幾個老人家鬼死禁錫身,
即刻話: 我地唔食罅, 你地後生唔怕喎, 你地食啦!
我地都係敢想之馬, 第一次食幾得意吖, 煙煙靱靱敢囉!
仲有下聞架, 其中有個老人家, 好壯碩架, 唔信斜要認叻, 整咗两碗....
唔知點解宵完夜返房凉都未冲就又痾又嘔仲話暈喎....
個個人都冇事剩係佢有, 邊關木薯糖水事吖, 梗係日間體街邊亂食嘢啦!
好彩食咗藥又冇乜事啵, 我叫佢地領隊體飯堂煲咗碗薑茶佢飲,
第二朝精神翻曬, 連同其他幾個老人家猛禁多謝, 拉住請食又送禮物....
真係笑到而家呀!

木薯點樣食真係冇乜研究架!
蒸熟黎食或煲糖水囉!
人地話唔好食中間條芯喎! 嘻嘻!

係咪好悶亞, 補幾朵花花相睇吓啦!

9841# 花園仔

吖,故事又幾好笑
但係我的眼睛早就俾朶花的美麗吸引左去囉~

9839# kerorozIL
小朋友好!
你話<綠油油>治唔到潛葉蠅牙!
我又得喎! 嘻嘻!

噴咗<綠油油>潛葉蠅冇擴散囉!

9838# banyangdn
花園仔老師, 你好呀, 我由兩個星期前開始, 放工返到屋企,
一有時間就睇你d帖, 到依家先睇到 168頁咋, 睇到
不過唔睇都唔知原來自己對種嘢真係一知半解, 我會一路睇花園仔老師嘅帖,
咁我就可以知多好多嘢啦
====================

你好!
你咁好心機, 我上帖慢少少就吓你囉! 嘻嘻!

翠玉瓜好大個囉!

木薯點樣食真係冇乜研究架!
蒸熟黎食或煲糖水囉!
人地話唔好食中間條芯喎! 嘻嘻!
=========================
老師好！
小牛記得阿媽成日話木薯要徹底煮熟先好食，如果唔係會有毒，
見老師提及o個位老團友既事，提起心肝上網查一查，
原來唔只要煮熟，仲要去皮並放入沸水中煮。
http://www.cfs.gov.hk/tc_chi/mul ... _pub_fsf_19_01.html

係咪好悶亞, 補幾朵花花相睇吓啦!

好靚啊…個樣好似跳舞蘭，不過，我猜一定唔係啦！

親愛的花老師
下图是什麼植物?

9845# 小牛
老師好！
小牛記得阿媽成日話木薯要徹底煮熟先好食，如果唔係會有毒，
見老師提及o個位老團友既事，提起心肝上網查一查，
原來唔只要煮熟，仲要去皮並放入沸水中煮。
============================================

小牛及大家好!

多謝你嘅資料啵!

呢棑天氣寒冷D菜菜嘅生長速度都慢咗嘞!
<泰國蕃茄>就算正常啦!

花老師早晨+午安呀~~ ^^ 積媽叉完電返來家下又要開工囉~~~
積媽曾見老師提及, 牆邊位對植物生長有影響, 因為會吸熱再散熱所以令植物容易熱壞/死. 咁..... 如果響西斜窗台 , 會唔會都有類似"效果"呢? 好多時我都會摸下一D 西斜位置0既窗台玻璃, 都真係幾鬼熱下架喎 ......
另外, 家下又開始凍喇~~ 係唔係所有多年生植物對於肥料0既吸收都會跟天氣暖和 / 熱時有分別? 因為我睇書教種菠蘿, 話要減少下肥次數. 薄肥多施係唔係對於樣樣植物都係咁0岩使呢?
又麻煩老師囉~~~ 唔該哂 ~~ ^^

9846# alilovebyj

係咪好悶亞, 補幾朵花花相睇吓啦!
=============================================
好靚啊…個樣好似跳舞蘭，不過，我猜一定唔係啦！
=============================================
早晨呀 花老師 & alison ~~ 我就話係文心蘭囉~ ( 即係跳舞蘭囉~~~ XD)

9849# JicJicmom
花老師早晨+午安呀~~ ^^ 積媽叉完電返來家下又要開工囉~~~
積媽曾見老師提及, 牆邊位對植物生長有影響, 因為會吸熱再散熱所以令植物容易熱壞/死. 咁..... 如果響西斜窗台 , 會唔會都有類似"效果"呢? 好多時我都會摸下一D 西斜位置0既窗台玻璃, 都真係幾鬼熱下架喎 ......
另外, 家下又開始凍喇~~ 係唔係所有多年生植物對於肥料0既吸收都會跟天氣暖和 / 熱時有分別? 因為我睇書教種菠蘿, 話要減少下肥次數. 薄肥多施係唔係對於樣樣植物都係咁0岩使呢?
又麻煩老師囉~~~ 唔該哂 ~~ ^^
====================================

積媽好!
窗台玻璃薄散熱快影响較少!
植物嘅肥料吸收與生長效應我地應從两方面去睇,
其一係當植物因天氣唔正常或該植物就季節性相應生長速度緩慢甚至停止長大時,
施多多肥都冇用啦, 應減少落肥量次!
薄肥多施係針對一般蔬果而言啫, 特殊植物又可遁另法對之, 但薄肥起碼安全性大D囉!
其次對多年生植物尤其是果木, 到咗秋冬季時大多會進入休養生息期,
好似人類及大部份動植物所遵循嘅 - 春生 - 夏長 - 秋收 - 冬藏 - 行為法則,
咁咪體秋天就要落定肥份(好似人類秋天進補感囉!) ,
我每年入冬前都會為多年生植物加D混合肥架, 呢D就係而家我嘅楊桃樹仲係碩果累累嘅原因之一嘞!

9850# JicJicmom
早晨呀 花老師 & alison ~~ 我就話係文心蘭囉~ ( 即係跳舞蘭囉~~~ XD)
=============================

直情係<跳舞蘭>啦! 你話似唔似小舞孃吖!

9847# kerorozIL
親愛的花老師
下图是什麼植物?
===============

親愛嘅小朋友!
我真係一頭霧水啵!

9846# alilovebyj

Alison好!
我介紹大家種<長條南瓜>係正確嘅!

敢都要注意吓細節嘅!
露地種嘅, 嗱, 我真係剪蔓尖架!

石板地嗰棵好多瓜瓜成熟緊罅,
但仲有乸花開啵, 順手帮佢授埋粉囉!

老師好呀, 早兩日買咗D栗子返黎, 今日發現有粒發咗芽喎,

請問如要種,  是否整粒放入泥呢? 還是切開底部才入泥呀?

9856# 新仔
老師好呀, 早兩日買咗D栗子返黎, 今日發現有粒發咗芽喎,

請問如要種,  是否整粒放入泥呢? 還是切開底部才入泥呀?
========================================

新仔及大家好!

栗子我未種過喎, 唔知點至正確呢!
不過植物種籽原本都係自然發芽嘅啫!
整粒放入泥又得, 帮吓佢鎅開個殼都可以令佢生長快D卦!

我D芫荽都係壓爆個殼出芽特快架!

<縐葉豬乸菜>種籽第三批出芽囉!

<本地生菜>種籽出芽都好順利呢!

<翠玉瓜>好大個食得囉!