3449# littlecuitegirl
老師仲未出關, 我代答hehe~
發苗係唔駛落基肥住架(除非你直接落大盆而唔打算換盆啦)
用一般泥就ok架喇, 到佢有3-4塊真葉, 壯壯地就可以轉盆喇~
轉盆時就係跟老師個成份圖黎落肥同落泥就ok架 ...
farfeifar 發表於 2009-1-19 11:12
大家好!
多謝你代我解答呢個問題啵!
不過我有少少補充, 大家注意吓嘞.
上述係一般正常做法啫, 不過如果種籽落得多, 即係話灑播嘅話每粒種籽佔地面積好少架, 因為實好密啫!
種籽一發芽初期係利用翻本身從母株帶黎嘅養份, 跟住就要體泥土中吸取營養架罅.
苗苗得到外界滋養後迅速生根長葉從而與陽光進行光合作用, 快高長大開花結果嘞.
咁你話D泥唔肥又點夠佢地搶呢?
咁樣苗床介質係唔係肥沃好D丫, 用普通科學泥質地鬆軟生根容易但唔夠肥架, 所以長出苗苗比較奀瘦高挑囉!
用普通泥發苗雖然土質會實D, 但你可以改變吓佢格, 加D沙呀, 加D科學泥呀....睇你創意嘅啫!
普通泥加肥又易, 我通常會溝好一D肥沃少少嘅泥放體度留俾發苗用架.
點解咁做又唔推介比大家呢? 原因係驚怕所落肥料份量過多會醃死苗苗架, 反正都慢少少啫....
如果小心D, 慢慢試都可以學吓我用肥泥發苗架!
剛發咗两盆苗苗 -- 意大利生菜同普通菜心 |