乜都種吓嘅花園仔

琴晚問大家荷蘭豆亞, 香芹亞, 蘿蔔呀點整好都冇人答!

嗱.....
花園仔 發表於 2009-1-14 12:52

嘻 嘻.弟一眼重以為係鹹魚tim~~

蘿蔔糕,浸蘿蔔
貓后 發表於 2009-1-14 12:53

你都冇睇帖嘅!

自製臘肉梗係荷芹炒臘肉啦! 蘿蔔就點整都咁好食啦!

嘻 嘻.弟一眼重以為係鹹魚tim~~http://shiehcho22.myweb.hinet.net/msn/cutemonkey/monkey%20(48).gif
may.sun 發表於 2009-1-14 13:02

一眼望落去條繩就係臘味繩啦!

種咗好多沙律生菜後重剩翻好多苗苗啵!

老師,
係呀~生菜咁凍都生得好靚.
但係生菜容易有蟲蟲嗎?
我宜家咩都無噴咩都無加到,我怕佢會生蟲呀.
佢越來越大棵,我第一次種到咁大咋,好開心
油麥菜又怕唔怕凍架?
宜家種仲啱唔啱時候?
太凍嚕,我既菜苗大得好慢呀

大家好!

好熱閙啵! 芽蟲又唔咬人嘅! 用勞工梘或梘粉開水噴完遲D用手撥走佢咪OK囉!


唔使咁激瓦! 剝咗豆豆穀咪種籽囉! 一棵夠種幾個球場咁大面積呀! ...
花園仔 發表於 2009-1-14 12:43 PM

吓?原來係出豆莢架!

自製臘肉

好勁 R !!!

花園仔, 好厲害, 超多果菜豆魚花再加埋自制臘腸...
我由第一頁睇下睇下...睇左三十幾頁掛... 係一次過咁多野一齊種的嗎???
請問青瓜係咪老得滯就無瓜出要拔呢? 我種d 矮瓜同青椒都只識生長, 唔識肥...
d 青椒似 尖椒, 但我明明是食青椒時用d 椒核種...唔通變了種?!
同已種了就來4個月了, 呢邊很熱的, 有幾棵青椒本來有花仔, 但無啦啦未開花就無晒...
種了約6棵青椒但得3棵有椒和一共得3粒長又尖的椒椒...d 5棵哈蜜瓜一共生了5粒瓜後就再無瓜bb識得大了... 請問你可以指教我一下嗎...?
另你影d 相都好靚...好專業啊!! 但要我一次過睇160頁有d 難度... 呢邊load 相好慢的! 我會得閒再上黎睇返d 舊 post 架! 多謝你的分享和指教.
香港現在咁凍, 你d 魚魚還好嗎??

唸唸下越唸越驚,
中午趕左番屋企,
叫埋男友一齊返,
成功氹到佢幫我卒死哂d芽蟲,
趕得切返黎,真係安樂哂.

佢一路卒一路講,
種野實有架啦,
由得佢地囉人地都係搵餐食啫,
如果你咁驚不如用農藥啦殺蟲水啦.

佢係咁講講講,
但我個心就飛走左,
走左去邊?咪幻想緊無蟲蟲既花園,好靚花花既花園,好多收成既花園囉~~
望住個天望住飛緊既雀仔,個心早已去左二度空間囉.

有D蘿蔔都掹得罅, 除咗蘿蔔糕點整好呢!
花園仔 發表於 2009-1-14 00:03

天氣咁凍，用黎打邊爐啦！

仲係食唔晒的話，整酸蘿蔔就可以慢慢食啦

自製臘肉

好勁 R !!!
sifenamok 發表於 2009-1-14 13:37

自製個d好味好多架, 又冇咁肥呢!我向大陸食過d自家製o既真係香口好多,
但個老闆死都唔肯賣比我地, 話自家製個d堂食都唔夠賣, 每日8:00晒, 天黑就要收架喇,
製作過程都幾複雜~

一眼望落去條繩就係臘味繩啦!
花園仔 發表於 2009-1-14 13:13

插生rosemary?

花園仔老師
我想問下用洗衣粉開水殺芽蟲呢,
要幾耐到見效呀?
昨日我發現佢地入侵我棵蘋果呀,
我噴左佢地喇,
但今早見d芽蟲仲係度無少過,
一隻隻迫得密密麻麻咁吸我棵植物,
點算呀? ...
sammyzoe 發表於 2009-1-14 11:50

呢排我d士多啤梨都開始有芽蟲呀，同上次係蕃茄仔發現d白色1隻隻ge蟲蟲一樣（我唔知乜名 ）我又係用膠紙黐走佢地，希望今次都得啦！

咁用膠紙好d，1黐就黐到好多隻，有時用手整，可能唔小心只係將蟲蟲整跌去第2塊葉度，但膠紙就唔會，兼且無咁核突！

班比
我都大個女左叻左架喇,
之前見幾隻一齊既話,
我都夠膽帶左手套卒死佢,(一路卒一路吹眠自己係塵黎啫,一塵黎啫)
但今次唔同呀~~
每一片葉底都有超多,好嚇人呀,
隻隻仲要肥騰騰,
一手禁落去我估一定拍拍聲好恐怖,
...
sammyzoe 發表於 2009-1-14 12:12

花老師 ~~ 有野請教呀 ~
我見你之前0既文 , 提及響睡蓮缸度開孔 加 去水頭 , 你係用乜野開孔架呢 ? 事關我有一D盤係密底0既 , 我想響個底度開孔但又怕整爛個盤  , 想請問老師有無計仔呢 ? 我個盤係陶盤黎架 ~
先多謝老師解答呀 ~

[quote]

一眼望落去條繩就係臘味繩啦!

冇辨法,張白紙太搶眼la,睇5到條繩la

老師,
係呀~生菜咁凍都生得好靚.
但係生菜容易有蟲蟲嗎?
我宜家咩都無噴咩都無加到,我怕佢會生蟲呀.
佢越來越大棵,我第一次種到咁大咋,好開心http://a2233.myweb.hinet.net/msn/cactus/cactus%20(14).gif
油麥菜又怕 ...
sandylam 發表於 2009-1-14 13:25

生菜嘅優點係冇乜蟲害架!

我咁鍾意種生菜梗有原因嘅!

沙律生菜有幾種架!

插生rosemary?
farfeifar 發表於 2009-1-14 15:05

插生rosemary?

好易之馬點插都生, 得咗架罅, 未移苗啫!

花園仔, 好厲害, 超多果菜豆魚花再加埋自制臘腸...
我由第一頁睇下睇下...睇左三十幾頁掛... 係一次過咁多野一齊種的嗎???
請問青瓜係咪老得滯就無瓜出要拔呢? 我種d 矮瓜同青椒都只識生長, 唔識肥...
d 青椒似 尖椒 ...
happyssunny 發表於 2009-1-14 14:22

你好! 歡迎呀!
我帖內容都係好普通嘅嘢啫!

自制臘肉都好易咋冇乜神秘嘅, 有心整好食過榮華多多聲啦!
首先留意天氣報告, 好似冬節前及呢棑咁有7-8日係寒冷干燥濕度體40度上落就係自制臘肉最好嘅時間嘞!
我一向跟網詻上最多人用嘅配方黎做嘅啫:

材料:
五花腩—4½磅
沙糖—4安士
玫瑰露—3½湯匙
生抽—3½安士（7湯匙）
老抽—3½安士（7湯匙）
鹽—2安士

做法：
1. 半肥瘦腩肉洗淨抹乾水份。
2.依豬皮厚度約1.5CM-2CM，切開成條狀。
3.在豬皮上穿上棉繩，掛起封乾約5-8小時(視濕度而定)。
4.醃料混合好，放入腩肉，醃大約10小時，中間翻動數次，讓醃料均勻。
5.掛起腩肉，放通風處封乾，1-2天後包上紗紙防塵，繼續封乾。
6.直至臘肉泛出油光即可。

豬肉叫相熟肉擋切好, 佢會俾埋臘味繩架嘞.
味道按喜好將調味料加減.

俾係咪好易呢!


青瓜老得滯就無瓜出架罅, 就算有都古靈精怪, 拔咗佢再種過喇!

矮瓜冇咁怕熱但好食肥架, 氮磷鉀都不可少所以基肥好重要架.

椒類都怕熱(指天椒好D) 尤其是燈籠椒類, 熱D啫葉就又皺又縮,
結咗椒椒都係長到原大一半就停止洛, 買椒翻黎食完攞D種籽種尤甚添,
都係買靚種籽黎種化算洛!

如再種青椒最好試吓半陰曬嘞, 我試過都OK架!

哈蜜瓜最適宜氣候干燥白天陽光充沛晚上冷涼但地表下保温性强嘅環境,
香港就唔適合嘞, 澳洲我諗中西部合適D卦!

呢棑天氣好凍, 我D魚魚放埋體小池及睡蓮缸度, 都有暖管恆溫於攝氏25度嘅,
但保險D一到傍晚我會用膠片冚好魚池魚缸架!

呢排我d士多啤梨都開始有芽蟲呀，同上次係蕃茄仔發現d白色1隻隻ge蟲蟲一樣（我唔知乜名 ）我又係用膠紙黐走佢地，希望今次都得啦！
貝貝 發表於 2009-1-14 15:07

唉! 我都係噴完遲D用手撥走佢地架乍!