本帖最後由 kelvinkou 於 2009-1-14 19:13 編輯
班比
我都大個女左叻左架喇,
之前見幾隻一齊既話,
我都夠膽帶左手套卒死佢,(一路卒一路吹眠自己係塵黎啫,一塵黎啫)
但今次唔同呀~~
每一片葉底都有超多,好嚇人呀,
隻隻仲要肥騰騰,
一手禁落去我估一定拍拍聲好恐怖,
...
sammyzoe 發表於 2009-1-14 12:12 PM
催眠自己, 好好笑!!!! x'D!!!
但係我完全明白你嘅感受, 你睇我棵櫻桃蘿蔔, 唔理幾日, 生咗咁多蚜蟲!!! 真係百密一疏, 因為有其他植物有蚜蟲入侵, 反而無理到蘿蔔!!!
少都仲可以, 但係當佢繁殖到成塊葉都係蟲嘅時候, 你仲點用手beet呢?
昨天我收蘿蔔哥時, 心情當然是超愉快的~ 但係反轉一睇d 葉底, 我打咗個冷震, 個蘿蔔跌咗落地, 定一定神, 望到自己成身都係蚜蟲... 再俾佢嚇多次, 立即除外套, dun晒d蟲落地... eee....
我再近一點觀察, 有紅有綠有米白色, 全部脹卜卜, 我仲想試吓食蘿蔔葉的, 真係好嬲! 一氣之下, 心想係咪都殺不盡, 最後一定會俾佢地食晒, 我不如今日自己食咗佢, 唔好益佢班衰蟲...
所以就用個膠袋一次過dull晒d 蘿蔔走人, 我仲當入面係shake shake 薯條咁shake, fing 晒d 蟲落個底... 但係我唔敢望... 我真係唔想知有幾多粒...
所以呢... 最後... 我都有食d 蘿蔔, 種咗咁耐, 唔食佢地, 我對唔住佢地, 我唔會俾佢地枉死!
好多好多.... 嘔呀....
蚜蟲大軍, 都可以好恐怖
好彩根部不受影響
可憐的櫻桃蘿蔔噢...
|