秀秀的[分fun]皂~月桂皂

爐甘石皂出模喇,但發生了撞擊意外,所以搞成咁.不過大家志在望下隻色啫.
係diy姐買左喜瑪拉雅山粉紅鹽,順便做埋鹽皂.我把鹽打得很幼細,沒有水母鹽皂那種顏色深淺分明噢.

"jellyfishy : 這爐甘石粉是diy 姐姐個隻？　粉紅嗎? "

單是看粉的顏色，是diy姐的最深，但做出來卻沒有我之前買的咁粉紅look。我覺得它偏蝦肉色，和入皂液時的顏色差不多。請看顏色比較在38#。

鹽皂有兩層是用了兩種鹽，分別是diy姐的喜瑪拉雅山粉紅鹽和幼食鹽。因為前者只得100g，我要拿後者搭夠。

" jellyfishy :  你隻鹽皂係幾多%椰子油?"
係70%。

" jellyfishy ：咁你粉紅靚靚個隻在那兒有售?"
pm告訴你。

sausau 發表於 2012-10-6 09:41
圖片說明：
那年我生熱痱，我的中醫給我用他製的爐甘石液，於是在此取了靈感做皂。圖左上
因為液體塗在身 ...

呢個液體~~ 啊~~　我想起了，小時候去睇西醫（即係自己老豆），佢都係有用呢隻搽我背部咋～　　涼涼地粉粉地，但又唔覺有乜用喎～不過隻色真係幾吸引~ heheheee~~~

cklife  好耐之前，仲做緊美容時，有一條line既暗瘡護理用品，佢地隻化妝水就係依隻咁既熱痱水....我果時按完暗瘡用少少化妝棉用黎敷係暗瘡位，幾止血= _=  發表於 21 秒前
-------------
又靚又有用的話, 咁真係要搵搵呢隻貨喇~  但但但.... 我想要粉紅色呀~~~ 粉紅色好靚~

朋友今早拿來兩[舊]各1kg的皂基叫我幫她搞。她要求大大件，不用玩花款(合我這不想傷腦筋的人)。因為我們這兩個[百無]沒有皂用染料，只能就地取材，見乜用乜。朋友給我玫瑰花粉，我落了少許就知撞板，最後還是用礦泥粉[補鑊]。但因為玫瑰花粉已形成一粒二粒東西，我倒皂液時一手拿煲，一手拿隔渣網，真是狼狽萬分。倒完又發覺一大堆氣泡，正想撥開雲霧見青天時，原來皂面已冷卻，成了一曾薄膜。最後，左搞右搞下，搞到個煲十分難看，皂屑實實的黐在煲內。幸好先前用來座溶皂基的熱水正好解決問題，浸了一會(很燙手)已可以順利洗淨。

總結做完的心得：我下次不想搞囉 ，還是cp皂好玩d。

"Springonions : 第一粒心形好靚, 第二粒點解會咁?"

因為第二粒係餘下的皂屑再番溶and入模時因最後輪到佢所以有d凝固。

以往做艾草皂是煲艾草水然後用來溶鈉。這裡看見花友是用艾草加奶打汁來代替溶鈉的水量。幾天前有機會一試，不過我沒有用奶而用水。果然汁液比煲水的更綠色。這皂還添加了艾草粉和艾草香精，總之夠晒[艾]。

今次係想玩不規則分層，所以皂液要杰才能給我製造[岩岩慚慚]的效果，唯一缺點是氣泡不易走出。深色那底好些，淺色那底的白點便是氣泡，不過這底出模時是完全無白粉。

上不到網的日子，當然不忘打皂...
上次做的鹽皂令我念念不忘，依花友FD113的報料，到[big昌]買岩鹽，價錢比diy姐平好多，差不多價錢(不知為何我比FD113買貴3蚊)，但係3倍重量，無論如何都抵買。
我極力推薦大家玩鹽皂，易做，易trace，脫模快又易。(用錯配方不成功另作他論，要跟足水母的鹽皂帖方法)

脫模令我十分滿意，再次多謝水母好介紹。

"jellyfishy :  big 昌即是大昌"  YES
" jellyfishy : 你用90%椰子油配方? 現在雖然天口乾燥d, 但我仍然隔天用它~ heheee" NO
我要冬天用，所以用了70%椰子油，15%乳油木果脂，15%米糠油。因為家裡物料有限，有乜就用乜，請不要見笑啊。

好鬼靚呀!!

攪搞鉀皂~~~保溫法
今次攪鉀皂...洗手用
椰子油    303g
棕櫚油    192g
可可脂     55g
氫氧化鉀  126g
水        378g        總油量    550g

製作時間 (由把油加熱至皂餬入保溫箱~20分鐘)



兩星期後再給大家看已成孰的皂餬

sausau 發表於 2012-11-2 16:30
今次攪鉀皂...洗手用
椰子油    303g
棕櫚油    192g

條方幾好喎, 我鍾意佢有少少可可脂做coating, 令雙手洗完後不會感覺太乾~  

sausau 發表於 2012-11-2 16:30
今次攪鉀皂...洗手用
椰子油    303g
棕櫚油    192g

用棕櫚油會唔會舊皂坨冇咁透明呢?

我的洗髲鉀皂成三個星期都未變透明

sausau 發表於 2012-11-2 16:30
今次攪鉀皂...洗手用
椰子油    303g
棕櫚油    192g

哇.. 好呀，加些尤加利 同茶樹精油就好好

sausau，這洗手鉀方真容易喎！ 但我是新手一定好多突如其來的事發生........

洗髮鉀皂你有打過邊款呢？

太陽鳥 發表於 2012-11-4 02:15
sausau，這洗手鉀方真容易喎！ 但我是新手一定好多突如其來的事發生........

洗髮鉀皂你有打過邊款呢 ...

洗髮鉀皂我打過三款；最簡單那款是100%橄欖油。另外有一款是椰子，山茶花和篦麻油組合。有一款是椰子，松香，篦麻和米糠油組合。個人喜歡洗髮用鉀皂多於鈉皂。

sausau 發表於 2012-11-4 06:37
洗髮鉀皂我打過三款；最簡單那款是100%橄欖油。另外有一款是椰子，山茶花和篦麻油組合。有一款是椰子，松 ...

我以前試過用馬賽皂洗頭, 但比較笠. 咁你鍾意用那種配方?

jellyfishy 發表於 2012-11-4 08:38
我以前試過用馬賽皂洗頭, 但比較笠. 咁你鍾意用那種配方?

100%橄欖鉀皂係做給一頭髮超乾並有損壞的朋友。
有松香那隻係給有頭油的朋友。
自己比較喜歡用有山茶花油那隻，我的頭髮本身很軟，是中性髮質，所以無乜問題。
另外亦有做過一款用紫草根浸泡油，橄欖，椰子和jojoba油的洗髮鉀皂，不錯的。

你們喜歡甚麼配方？我可給大家抄上來。