本帖最後由 fianfumy 於 2009-9-2 10:42 編輯
本來是簡簡單單去焗雞翼的 , 但知道雪櫃有幾個檸檬喎 , 靈機一動不如焗好雞翼後 , 做個檸蜜汁將雞翼放入去兜一兜 , 一碟無咩特別的雞翼 , 突然成一碟好香口又野味的雞翼 。
雞翼 10隻 , 用薑、蒜 、鹽 、燒酒和豉油醃2小時 , 放入焗爐以 180度焗20分鐘 。
檸蜜汁材料和做法 :
蜜糖 2湯匙
檸檬汁 1個 , 檸檬皮磨碎 , 約 1茶匙 , 可切少量檸檬皮作裝飾
滾水半碗
鷹粟粉 1茶匙埋獻
燒紅個鑊 , 落少少油 , 先加檸汁 , 然後加入蜜糖拌勻 , 加入半碗滾水 煮滾 , 試味 ( 唔夠甜自行加砂糖 ) , 加入雞翼炒幾下 , 然後埋獻 , 想個汁夠光滑 ,可加少少鑊尾油 。
*** 以上我做的檸蜜汁是稍為多一點 , 因我知囡囡一定喜愛這汁送飯的 。 |