有d唔係好開心,,,

呢幾日，唔知做咩，好似唔係好開心，冇咩心情，可能係及天氣影響，又或者．．．唔知牙 ！！令屋企人好唔開心？我諗真係ｌａ，讀書不成，屋企人好辛苦幫我爭取學位，但我就唔去努力讀書，而＋中３，冇得升，又冇學校入到，好唔孝順，佢地呁辛苦供書教學，我就唔讀書，周圍玩，真係好唔孝順．．．我都唔知．．．我係唔係好冇用？其實我都１７ｌａ，我ｄ朋友都中五畢業，而我仲係中３，中３有３年ｌａ．．．仲係咁．．．浪費時間同金錢．．．我好衰，我唔想，我都已經好努力，我有讀＋，但我讀唔到之ｍａ！人地可以１、２日讀熟一篇文章，我至少１個星期．．．我記得唔好，唔係我唔想讀，佢地根本唔明，我已經好努力，但唔合格，佢地就話我唔比心機讀．．．我真係好冇用．．．佢地根本就唔明，一講就話係我唔努力．．，算ｌａ，我係咁ｌａ， 雖然我唔中２讀，但我都有比心機＋．．． 唉，算ｌａ

每個家長心態都係望子成龍,
即使你真係讀唔入腦,
佢地都一定覺得你係聰明既,
只係你付出唔夠多~
又或者係你讀書方法真係出咗問題,
讀極都唔入腦,
不如你去請教d朋友,
採用唔同既讀書方法,
睇下有冇改善啦~

唔好怪責自己，知道自己有錯咪改囉！但講到讀極都唔入腦，你就真係要搵人幫下你！但你有冇好專心咁讀架？定係一邊讀一邊 msn or sms?? 又或者未考試已經諗緊去邊到玩呢？如果係你就真係要學一心一用，唔係一心二用囉！有D人得架，對住個電話都可以溫書，但有d人唔得！

搵唔到學校... 咁點算呀？有冇其他辦法？係咪要比貴學費讀私校？暑假會唔會搵份暑期工幫補一頭半個月學費？如果唔係，成個暑假你會做乜呢？

如果真係讀唔到咪早d出黎做野啦,唔好浪費時間,可以搵d有前景,如西餅/廚房學徒或者機械維修,前途仍然一片光明

我唔係成日開電腦，而我都冇手機，我又唔係成日傾電話，之不過我讀書時都會有少少想訓，但我會聽唔入姐，我都唔想＋！

原帖由 prodorothyhkg 於 2008-7-7 16:07 發表
如果真係讀唔到咪早d出黎做野啦,唔好浪費時間,可以搵d有前景,如西餅/廚房學徒或者機械維修,前途仍然一片光明

我屋企人又唔比我出想做牙，怕我學到唔３唔４ｗｏ！！
何況我最差係英文！！

原帖由 虛宿寶瓶 於 2008-7-7 15:58 發表
唔好怪責自己，知道自己有錯咪改囉！但講到讀極都唔入腦，你就真係要搵人幫下你！但你有冇好專心咁讀架？定係一邊讀一邊 msn or sms?? 又或者未考試已經諗緊去邊到玩呢？如果係你就真係要學一心一用，唔係一心二用囉！有D人得架，對住 ...

搵唔到學校．．．都唔知點算，我希望學校比多次機會我，但我諗唔會有ｌａ！！

不過都好多謝你地！！

咁你有乜打算？不如番D暑期補習班？我覺得最緊要知道自己點解讀唔入腦囉！如果一般人讀書嘅方法唔o岩你，咁你點努力都係事倍功半！

行行出狀元, 搵返樣自已喜歡的專長啦~

ｐｉａｎｏ！？
我未學過就彈到！！神奇！！

好多謝你地！！

如果你自己真係想讀書就請敎下老師有咩方法易入腦
但係為左屋企人想你讀書而去讀書,咁就要同屋企人傾下
試諗下自己除左讀書之外仲有咩係鍾意,0係日後工作上又可以用到,可以講出黎傾下喎,冇所謂架,可能傾傾下你會諗到d野

我從來都唔會同人講我想點，同埋關於我ｄ嘢＋ｂｏ！！！同埋對住佢地，好難開口姐！！

好ｓｏｒｒｙ牙！！

香港係一個知識型社會,中三畢業出來社會做事,競爭力唔夠~
試o下尋找一d有效既讀書方法~
我細個讀書都唔叻,但父母話唔讀好書,第二日既路好難行,唔想我步佢地後塵~
知道父母好辛苦供我讀書,唔想辜負佢地,所以就算花多其他同學一倍時間溫書,都要死撐~
既然你自覺不孝,起碼證明你仲關心你父母既感受,有冇試過同佢地好好地傾?
17歲要為自己諗將來,今日既付出,係將來既收成~
若然真係冇辦法繼續升學,咁都要學番一門手藝,化妝又好,廚藝又好,唔好虛度光陰~

原帖由 alexand52028 於 2008-7-7 16:26 發表
我唔係成日開電腦，而我都冇手機，我又唔係成日傾電話，之不過我讀書時都會有少少想訓，但我會聽唔入姐，我都唔想＋！

你平常有沒有做運動，沒有的話，就嘗試每個星期做三到四日運動，每次做最少30分鐘左右。相信過了一個月以後，你便不會常想睡覺了。但這個情況也可能是你的心理因素所致。如其他花友所說，找人幫忙吧（學校老師或社工）！

係講你既想法
對住屋企人都難講野,咁第時點同老細講野!?

我知，我係唔知我而＋應該．．．做咩好？我好驚．．．我牙媽已經好傷心，我老豆都係，見到我咁．．．唉．．．讀書？定係出來做？但我試過搵工，但冇人請，我經驗又冇，又５夠膽，又．．．唉，我好煩牙！！

我好想，讀好ｄ書！！