鬧市中的一角淨土

tclau 發表於 2014-6-13 22:57
多謝你的提點。而家俾雀啄嘅係啲桃，啲無花果己經整咗一個網籠罩住，暫時未有事（可能因為啲果未熟）。我 ...

可以試吓養隻貓, 不過係12蚊店黑色嗰隻, 好似幾有用

試下用大既裝袋啦

candylpy 發表於 2014-6-14 08:42
試下用大既裝袋啦

啲雀真係又惡又聰明，亦有試過用大袋裝住，結果都係搞成咁。

而家試下用大嘅尼龍網成棵樹縷住，睇下有冇效。
改良過嘅網好似有效，不過要隻隻果都咁搞法應該唔可能。

tclau 發表於 2014-3-22 21:36
啲魚肥擺左三個月，而家唔係好難睇，有啲似腐乳同酒味。

lola－－－－我的魚肥太臭，已經全部棄置了！(>﹏<)  發表於 10 分鐘前

－－－－唔知係唔係你冇加糖？我嗰啲臭一两個禮拜左右，之後就好似腐乳咁味，或者話茅台酒味。

tclau 發表於 2014-6-13 22:57
多謝你的提點。而家俾雀啄嘅係啲桃，啲無花果己經整咗一個網籠罩住，暫時未有事（可能因為啲果未熟）。我 ...

芝士寶寶 －－－試試掛風車，我用新年嗰D!或用竹支扎十字掛件舊衫加頂帽整稻草人

－－－掛風車都係好主意噃。
           世事有時都幾矛盾，一邊品茶一邊聰雀仔唱歌，都係一件樂事，佢哋食我啲四季桔、蕃茄、枇杷、洛神花冇問題，我淨係唔想佢地偷食我啲桃同無花果。

tclau 發表於 2014-5-17 09:36
唔難整。在桶下最低位開一個插得入水喉閘嘅孔，插個開關閘入去，用金剛泥塗實就搞掂（要四週塗勻，確保唔 ...

劉伯， 我都有膠同瓦盆想補。你提到既金剛泥係點用？

yukyo 發表於 2014-6-16 02:57
劉伯， 我都有膠同瓦盆想補。你提到既金剛泥係點用？

金剛泥一盒有AB两瓶，因住所需份量，每瓶取大約相同份量，搓勻塗補在須要處，待三两小時乾透即可。有時可沾些少水，令混合泥軟些，至適度塗抹，或要令表面光滑點，亦可用水輕抹。金剛泥喺五金鋪或鸭寮街有售，價錢大約三十五至三十八左右。

我係內地有人請我吃一隻生果，有鵝蛋咁大，果肉黄色，好似黃心熟蕃薯咁味，仲帶有芒果香，當地人都唔知佢叫乜。粒核有一蚊銀咁大，我攞番嚟種，有冇人知佢係乜？

tclau 發表於 2014-6-27 18:47
我係內地有人請我吃一隻生果，有鵝蛋咁大，果肉黄色，好似黃心熟蕃薯咁味，仲帶有芒果香，當地人都唔知佢叫 ...

應該係雞蛋果

tclau 發表於 2014-6-15 06:58
芝士寶寶 －－－試試掛風車，我用新年嗰D!或用竹支扎十字掛件舊衫加頂帽整稻草人

－－－掛風車都係好主 ...

ahfour99--可以試吓將CD放在泥面,即反光向天, 試過仲可以驅虫

Good idea. 第二樣野需要成本，CD就真係大把。多謝！

花友送一棵瑪斯義陶芬俾我，種得好地地，點知旱排發覺落哂葉同啲芽都燶哂。即刻換盆換泥，隔咗幾日，見有新芽冒出，安樂哂。
其實我都唔知舊嗰個盆啲泥有乜問題。

隔咗幾日，啲芽變成新葉。----2-7-2014

今年的熱情果結得四隻，一熟就唔見咗三隻，呢隻係碩果僅存。無花果嘅波姬紅有一隻鷄疍咁大嘅就嚟食得，有尼龍網保護，希望唔會俾雀仔食咗。



芝士寶寶---種得好好

---謝謝。

羨慕！在鬧市中有這片樂土,玫瑰花很漂亮!

又有两粒波姬紅熟了，個網果然有用。呢两隻完好無缺。上日個粒雖然冇俾雀食，但係都俾不知名嘅嘢（可能係蝸牛或蟲）咬咗幾啖。


芝士寶寶---正呀!好大粒喎
多謝，以前逐粒包並唔可行，現在總算揾到一個方法防雀。

劉伯, 呢期我玩到咁樣包果

要咁D果先完整D

candylpy 發表於 2014-7-11 21:45
要咁D果先完整D

睇嚟你啲保護網仲有效啲，除咗防雀，仲防埋蟲添。啲果真係又大又靚。

其實咁圍住都唔錯, 日日有得收

我就咁搵蚊紗圍住算架嘞, 勁懶
你去買布既地方都有, 再唔係去吉吉12蚊店買蚊網圍住都得.

去五金舗買沙網仲平$1.5碼