8掛食蟲植物數問...XD

請問有咩植物食到蚜蟲同蚊ga? (即係捉晒佢身上ge蚜蟲再餵)
同埋, 電死左ge蚊又食唔食ga? d昆蟲要大成點先叫做太大, 食唔落呀?

如果有, 又易唔易養呢?
除左Drosera之外, 有d咩係香港野生品種呢?

PS: Ping同Sarracenia好靚呀~~~易唔易養ga? 貴唔貴ga?

你意思係你人手捉蟲比佢地食？
係無問題既～
不過已經死左既昆蟲只可以餵比除捕蠅草之外既食蟲植物，
因為捕蠅草必須昆蟲在其夾子中掙扎，才會將佢消化，如果死蟲就唔識掙扎啦，咁樣捕蠅草會自己打開夾子，唔會消化佢。

點樣先叫太大呢？
毛毡苔之類，用黎”痴”既，如果隻蟲”痴”到ｄ膠水之後，夠力走得甩，就係太大，
夾子之類，用黎夾既，如果隻蟲有一部份突左出夾子之外，就係太大，
豬籠草之類，用黎浸既，如果隻蟲走得返出黎，或者直頭塞唔入，就太太ｌａｗ。

你想維持ｐｉｎｇ既生命係好容易，不過你想種得靚就一ｄ都唔易。
最簡單都係毛毡苔同捕蠅草。

[ 本帖最後由 nick 於 2008-4-18 08:54 編輯 ]

呀，你話蚜蟲？
果ｄ蚜蟲一大堆一大堆咁生架播，你話”捉晒”黎餵食蟲植物？
其實ｄ食蟲植物唔可以食得太多架．．．一棵食蟲同時消化兩三隻就好夠營養架啦，ｄ蚜蟲又唔係細．．．
除非你買棵大大棵既豬籠草或瓶子草之類，要黎浸既，就一次過食曬大堆既蚜蟲都無問題～
蚜蟲對捕蠅草黎講太細粒，有機會成功逃走返出黎

哇, 多謝晒咁寶貴ge資料! 真係獲益良多!

Ping 同 瓶子草係咪對水質& pH好敏感ga? 種得唔靚會點ga?
佢地ge肥料係咪唔可以有nitrogen? (N/ 硝)

係呢, 咁生蚊又有冇植物食呢?
瓶子草或者豬豬D水會唔會attract到D蚊走入去生eggs?

原帖由 nick 於 2008-4-18 08:53 發表
呀，你話蚜蟲？
果ｄ蚜蟲一大堆一大堆咁生架播，你話”捉晒”黎餵食蟲植物？
其實ｄ食蟲植物唔可以食得太多架．．．一棵食蟲同時消化兩三隻就好夠營養架啦，ｄ蚜蟲又唔係細．．．
除非你買棵大大棵既豬籠草或瓶子草之類，要黎浸既，就一次過食曬大堆 ...

餵太多會唔會有害架?

我棵蝎子毛, 細細棵, 但每棵都黏住7-10隻蚊芝仔呀, 會唔會太飽?

請問呢, Ping 或者 毛 痴唔痴到蚜蟲?

蚜蟲不建議

香港野生品種有豬籠草、狸藻同毛氈苔