我的番杏幼苗

其實我唔係好明點為之半蔭晒 我依兩盆野係放响"槍"台架 姐係普通陽光唔係好殘眼好熱果啲

如果要好殘眼果啲又只可以放去房嘅"槍"台 不過我又怕DIRTY

總括黎講 其實我屋企係咪唔係好適合種多肉呢?

放响向東嘅"槍"台 係咪起碼要咁光??

thx paulpaul

想問下佢地變左高腳7 之後係咪一路生都只會好似宜家咁離晒地??? 請我洗唔洗加返啲蛭石响面頂實佢地呢?

由8月2播種到宜家都無淋過水 宜家早上打開保鮮紙晒太陽 夜晚瞓教時間又涼冷氣 泥睇落已乾 我响個透明兜底加左2mm加左剎菌精嘅水 跟住成盒幫返保鮮紙 加水夠唔夠？ 定唔好加水尤得啲泥乾呢？ 如果加 我個方法啱唔啱 定係應該用水壺係咁2噴下個面就得？

唔識控水 請指教 唔該唔該

多謝paulpaul指導 搬左入房晒左幾日 即刻見紅


有粒仲出野添


終於忍唔住將佢地撩返晒起身


宜家咁樣 其實我洗唔洗加返啲蛭石响面撐一撐佢地


今日開始要每日影相mark住有幾多粒 因為撩果陣我見啲泥乾左 所以加左小小水 唔知今次會唔會唔係俾我撩死就沒死呢!

同埋想問各位 番杏係咪定時要噴下防虫劑? 如果係想問下大約幾耐要噴一次? 唔該

發得好靚...

多謝ming

@ming 想問下洗唔洗每星期响面噴小小水？ 或者加小小水响底保濕？ 同埋洗唔洗舖啲蛭石响面頂實啲笌仔

紅色小心係囇過龍
如你種室內，幼苗可以多水少少都得
有時間冇野做就用侄石傍住跌低既幼苗

透明膜可以慢慢揭走
先掀起一角，幾日後再掀一半，最後成塊拎走
你全日開冷氣？咁每日早晚噴少量水霧
約10日浸盤10秒

已播種26日
尋日我再研究過 我間房個窗台每朝大約七點左右就見到太陽伯伯 直頭係望到個太陽 唔知咁算問算直射
大約九點開窗開風扇保鮮紙全開晒太陽
大約黃昏七點左右開始開冷氣
大約夜晚九點左右封返保鮮紙

正常每日都重覆咁做 除非出左街

我宜家係每朝留意保鮮紙有無水氣 無水氣就夜晚加大約2mm水浸盆 水中加微量抗菌精

見到泥面乾咁我就會用牙簽試下泥濕 如果差不多乾晒 咁我就會用個尖咀嘅樽响盆角插入揼小小水入泥嘅中下層
如果啲泥唔係太乾咁就會傍晚時份噴小小水响泥面 (每次水都會加微量抗菌劑)

除左夜晚會有冷氣 其實同種响露台差不多 咁我都可以照你方法做
定係keep住我自己咁做比較好呢？

paulpaul 發表於 2012-8-28 11:38
紅色小心係囇過龍
如你種室內，幼苗可以多水少少都得
有時間冇野做就用侄石傍住跌低既幼苗 ...

唔好意思 想請教一下點分辨係唔係晒過龍呢？

要等到幼苗燶死先知 定係有咩表面特徵顯示啲幼苗係晒過龍？

同埋係咪直至成左型先算過左幼苗期？ 定係種到一定時間就已經過左幼苗期？

咁多問題真係打搞晒 嘻嘻

kayan_l 發表於 2012-8-28 16:11
已播種26日
尋日我再研究過 我間房個窗台每朝大約七點左右就見到太陽伯伯 直頭係望到個太陽 唔知咁算問算 ...

由七時起, 晒到幾點?

宜家夏天 5點幾我感覺開始光 6點左右就好似一般窗口入屋果啲白光咁 如果係見到太陽伯伯果種爛眼橙黄色光 大約由7點左右去到10-11點(要星期六放假先求證到) 打後就窗口入屋果啲白光 直至6點左右太陽落山就開始暗

*盆栽就放响我床頭則邊嘅窗台 所以我地嘅光照應該係一樣 我今朝7:15瞓响床度打開窗簾 一望出窗就見到成個太陽伯伯响我嘅東南面 我係人就覺得好晒 好燦眼 但我唔知植物又點睇

有好幾粒宜家晒到好似啡啡地色 係咪姐係燶左 要摭一摭蔭？

個光照實在太難捉摸 完全捉摸唔到佢地要幾光

補充小小 太陽伯伯個座响：
以我對腳為東面 頭為西面計 咁七點左右太陽就响我嘅東南面

我表達能力比較差 希望你地明我講咩 估到個日光浴位大約有幾光

因為實在都唔知點形容

其實各位師兄有無啲相係你地種緊嘅現場環境 等我可以比較下？又或者憑各位經驗點可以從外觀分辨到個環境有問題？例如 唔夠光會徒長 過光又會點樣？ 因為網上搵唔到有關資料 希望各位分亨一下心得

其實我一直都有睇你地嘅post 不過都唔係好明點先為之合適嘅光度

有太陽照已ok, 只是控制日照時間, 過長就恐怕會晒傷, 因為它還是幼苗

哦 咁尤得佢地繼續做試驗品 晒死先算 地方淺窄都顧唔到咁多 搵到個位黎晒已經好好彩 哈哈

如你只在晚上開冷氣就不用keep得太濕
在第一次蛻皮前都算幼苗

我的一月苗