本帖最後由 ahhung68 於 2012-9-12 23:55 編輯
今朝同班老死whatsapp group chat, 突然好正經咁講到退休後想喺邊度定居, 雖然我好想喺大陸、泰國或台灣住, 但最後我都係想返番唻香港~~~
小野貓 你走左...我地點算~
你搵 "ask rice old woman" call 我返唻咪得囉, 佢知我喺邊架啦
土豆貓 幫主, 你淨係可以走去上到網既地方.....
但係到時冇錢買電腦喎
土豆貓 依家好多地方有免費電腦架咪扮吳知丫...你去到天腳底都要上黎呢度丫
我做X都上唻搵你
jeffreyngcm 我都有想過喺泰國住^^不過有小小擔心醫療問題~~
係吖, 大陸同泰國都擔心醫療問題, 但泰國仲有樣擔心就係溝通, 真係唔知泰國醫生的英文程度係點樣, 我已經唔好架啦, 佢都唔好既話真係大鑊, 普通話就易搞得多! 曾經去過張家界或海螺溝一些較偏地區, 很喜歡那些寧靜生活, 但可能長時間又會唔適應
或者南丫島會啱我養老, 又近城市, 又有田原生活
saolan 我就會系番度,原因只有一個就系我好多朋友都系度今日见老友A明天见老友B,人老左要求吾高生活得開新最紧要。
所以我最後覺得南丫島適合我多啲 朝頭早落田, 下晝見朋友, 爽爆
saolan 打错字添,我想講人老左要求吾高生活得開心最紧要。
同意吖 X10000000000
土豆貓 我要去泰國丫.....
泰國咪仲驚, 嗰邊好多鬼故事架
DORA 你有責任揹起成個幫咖!
貓幫已經成熟, 可以上市集資, 係時候交番俾會長啦
saolan 南丫島?吾错啵!
我真係覺唔錯架, 或者大嶼山都幾好, 不過我好怕蛇架, 最近好多好恐怖吖
土豆貓 貓幫已經成熟, 可以上市集資, 係時候交番俾會長啦又燒過黎....
呢度你最德高望重架啦
sandylam 我知啦!搵個有米老女人,就可以安享晚年:-Þ
sandylam "ask rice old woman"係唔係有米老女人呀?
蓮藕好燥架, 老藕更燥, 我已經好火架啦, 老藕湯唔啱我喔
Sergio 我會去馬來西亞!
我都想去吓馬來西亞, 突然想請教, 馬來西亞係咪有一個地方叫"五重森林"架?
Louky 我就好想在北海道退休!
有邊個唔想吖
waiting 我會留係香港. 我去旅行幾日就好掛住香港...............................................................的美食!
我反而相反, 次次去旅行都掛住當地美食, 成日諗方法打包返香港
keung 我會留喺香港
去長長旅行就會, 最終我都係會返香港
Louky Sandy,我估佢意思係當佢走咗,就要去搵問米婆招佢返來!
十個叻
|