本帖最後由 dick168 於 2012-6-30 15:05 編輯
八王爺 發表於 2012-6-28 21:23
幾時有無花果收採?
好多花友約我一齊去。
無花果而家開始成熟期,但近期連續落咗數拾日雨,得幾日有陽光,天氣又潮濕又悶熱,攪到的無花果樹落晒葉,無花果發晒毛、唔見咗一大半,而家重有百零粒等成熟。不過唔使驚,天氣如果變好,佢會一路食一路生出來嘅,重可以再食多幾個月架。
無花果唔好似荔枝咁、會一次過全部成熟晒等你食,全樹果實每天約只有拾餘粒成熟,天天摘天天食,重要同的雀鳥鬥快至有得食。食到天時冷的葉落晒、再冇果實出生嚟為止。去年就食唔晒,放入冰箱急凍、一路食到今年年頭。
寒舍隨時歡迎各位農友光臨,星期一至星期七、早午晚幾時嚟都得,室外全部所有農產品(無料)任取。你地約好時間通知我便得、唔使同我客氣架。
小資料:由於近期天氣差,所以只有甜黃皮、南瓜及小量瓜菜可收,其他農作物有的已到水尾,有的又未到成熟期。寒舍種咗瓜豆菜拾多種、果樹數拾種,你地自己睇吓幾時嚟收喇。
無花果樹的葉落晒
msfion 請問係咪成粒無花果放入泥就咁種就得?
吾係成粒無花果放入泥種,一粒無花果入邊有好多粒種子架。你看圖之左上角、是農友教我代他截枝的。
通常用以下圖方法快好多
|