耕種阿叔“我有壓力”

“我有壓力”未解決，毎季到作物收成時便開始頭痕，直至季尾才結束，如此周而複始，季季“我都有壓力”未解決！

今日落田睇吓個瓜柵、釣著三個黃咁咁嘅老黃瓜，再睇吓老農婦左右手各拿著一大扎青豆角及白豆角，襯衣袋裏更插滿辣椒和秋葵，還有一條青瓜躺在地上呼吸。

“開始”這衹是個開始，我一家五口每天只煮一餐飯，最近己經是甚麽白苦瓜炒蛋、香花菜煎蛋湯、清炒番薯苗、豆角煮豬肉、老黃瓜排骨湯、青豆角炒牛肉及艾草瘦肉湯等等，今早已感覺到有小小壓力。

“未解決”頭痕未處理剩餘的物資。諗落都係怪我當初太過貪心，唔理三七廿一，毎季都種稙各類品種之瓜菜多項，冇諗過需求量來種稙。現在還有紫豆角、四季豆、翼豆、白皮冬、青皮冬、南瓜、彿手瓜、通菜、韭菜、潺菜、白茄子、超甜粟米、絲瓜及水瓜等未收，而家重想落埋彩虹豆潻，我真係又大食又冇力個隻。

我都有壓力, 有時係唔夠食, 夠食又唔夠多種類, 夠多種類又唔夠好味, 夠好味時又唔夠派街坊

可以和我們交換些手工皂囉～～　

買醋做泡菜，所有豆類可以做酸辣泡菜。
買糖做糖冬瓜，或煮冬瓜露濃縮放雪櫃。
南瓜不用即刻食，放在陰涼地方，可以存幾個月。
佛手瓜可以放一個月。
茄子可以做茄鲞，參考紅樓夢食譜。
絲瓜水瓜同所有菜類就無計，即食為妙。

水瓜係咪可以自製絲瓜酪架？　好玩喎～　吊起佢唔理半年就有得用?

玩交換，好啊

jellyfishy  你玩野～　哈哈哈～  發表於 2 分鐘前

唔係玩嘢架, 真係有壓力

我都想有呢種壓力呀

唔似壓力，似晒命多啲啵~

jellyfishy 發表於 2012-5-25 17:44
水瓜係咪可以自製絲瓜酪架？　好玩喎～　吊起佢唔理半年就有得用?

!!!!!!
I have a dream.......
i want to make a good-looking 葫蘆瓜瓤by myself.....but i didn't succeed

唔似有壓力？唔係晒命架！更加唔係玩嘢架，真正係有壓力架，你地唔好想有呢種壓力呀！我隔離左右個個都有種嘢，咁派街坊都冇人要啦。講到同人地交換、各人居住地點又不同，交收又有困難，最有建設性都係王爺。

買醋做泡菜，所有豆類可以做酸辣泡菜。
買糖做糖冬瓜，或煮冬瓜露濃縮放雪櫃。
南瓜不用即刻食，放在陰涼地方，可以存幾個月。
佛手瓜可以放一個月。
茄子可以做茄鲞，參考紅樓夢食譜。
絲瓜水瓜同所有菜類就無計，即食為妙。

你住邊區呀~大把花友排隊噃，我地好樂意替你減壓

北區！！! 正呀~咁就發達啦~

樓主幾時有壓力，我同孖吉樂意為你減壓

近e個幾月, 個個星期食四季豆, e兩星期食長豆角, 有點悶~仲要加埋苦瓜~生厭

有個星期六收咗 6 條青瓜，鬼死咁開心，點知嗰晚外母大人又買咗青瓜，老婆同個女見到即刻面色都變埋...
結果食咗 3 餐。下次再收唯有送D比同事。

老師, 建議如下:
1. 多餘的拿去給老人院, 益下人.
2. 搞個小聚, 送給朋友, 我地一定鼓掌歡迎.
3. 在網頁公布, 等人認領, 或交換.
4. 拿去賣掉, 幫補肥料支出費用...
5. ........ 哈哈!

錢可以浪費食物唔可以浪費，屋企乜都多（包括蛇、蟲、鼠、蟻及蚊螆仔）剩係錢唔多。同類作物食多餐可以接受，去年急凍之無花果上星期才食完，而家又打僅幾佰個lar，有六個雪櫃都唔夠用，老農婦更建議去深圳買多個冰櫃（士多用嚟擺雪條個的）。

最閉剩餘的物資數量又唔係大，拿去給老人院俾人笑。拿去賣掉幫補吓，又唔能夠底消交通費，俾一管事務拉咗重要罰兩舊水。交換就唔需要lar（屋企乜都多“搞笑”），有興趣的網友若行經舍下，請伸出你的援手幫忙吓好嗎（唔係叫你捐錢、只係幫手食嘢啫）？

我在此

孔嶺村隔離知道

大家都好興奮啵~

孖吉 發表於 2012-5-26 21:09
大家都好興奮啵~

wellcome