認識 胡蜂與馬蜂 （附加百足）

進入九月，是蜂巢成熟之時，在郊外活動時遇上蜂巢的機會也較高，人們被蜂螫的事件也明顯增多；對蜂有多一點認識，則較能避免被蜂所傷，也可消除過份憂慮擔心。

首先要知道，蜂是一個很大昆蟲類別，品種非常多樣化，當中大部份的蜂不具毒針，不能傷害人類。身體結構有毒針的蜂，大部份也從不攻擊人類，真正會攻擊人類的大概就只有胡蜂科、蟻蜂科、蟻科和蜜蜂科的一部份成員。

而且，在一般情況下，蜂不會主動攻擊人類，大多數被蜂螫傷事件都是誤觸蜂巢導致，因為蜂有很強的意欲要保衛家園，只要對蜂巢有輕微的剌激就會引起群蜂追擊螫刺，有時可直追百米以上。

只要我們在郊遊活動時注意蜂巢，不要主動觸及或亂闖草叢和灌叢而誤觸，就可大大減低被蜂攻擊的機會。蜂巢一般建於植物的枝葉上，有時也會建於人造物品上，例如圍網、屋簷、舊屋天花、樓梯底。從外形區分，常見的蜂巢有兩類，一類是外露，從外可見巢室中的卵和幼蟲，這類多是馬蜂巢，馬蜂體型通常較小，傷害性也相對較小。

另一類蜂巢為密封式，由胡蜂建造，巢室有一近球形外殼包裹，這類球形蜂巢成熟時可大如一個籃球，胡蜂巢有時築於樹上，有時築於草叢中近地面處、甚至在地穴中，較容易誤觸；胡蜂體型通常較大，放毒量也大，部份品種攻擊性亦比較強，所以傷害性可以很大，時有蜂螫致命過案，大多由胡蜂引起。

萬一遇上群蜂追擊，不要直奔迅跑，或用物品拍打蜂群，可蹲伏地上不動，使胡蜂失去追擊的活動目標，可以外衣覆蓋身體，等待蜂群離去。

可觀生物科教師
饒戈

胡蜂與馬蜂

http://www.hk-green.com/news/insect/hymenoptera/

虫及昆蟲圖鑑

我頭兩次在開田時被針,不知道被針的是甚麼蜂,上圖是第三次我被牠針的蜂,針到手臂只是少許敏感痕癢,
其後被黑蟻咬到大腿,情況全身發疹,打抗敏針之後,吃了二/三日藥無事

下圖是最近一次在郊外我被牠針到的蜂


二十分鐘內的敏感情況


===================

回覆點評

happyjoyjoy  都好嚇人!

我聽朋友講,佢之前被蜂針到,會第一時間摘海芋(有毒植物)葉的汁液搽在被針的地方,如果有下一次我會試吓~~

==================================

回覆點評

esmonhk  海芋有毒，不如試下蘆薈

我問過朋友,佢讀中藥學,同佢討論過~~用海芋汁是一般農友處理被蜂針過的方法,而蘆薈在傷口或有膿的情况會難以埋口~~

還有海芋汁要被針後第一時間用才有效~~雖然我喜歡做室驗,但真係唔想再被佢哋針了!!

malike  不要用海芋吧! 我常被海芋汁引至敏感, 每次要十天才可痊愈。
看情況~~

我都係住新界鄉村, 有種下野, 打理d花草樹木時間中都會俾不明毒蟲咬到, 偶然會似上圖出風疹. 第一次出風疹又係即去睇醫生, 家庭醫生教我下次買定呢隻抗敏藥看門口. 第二次俾野咬出風疹即刻按說明書食適當份量, 試左好有效, 食左藥半小時d風疹就開始退. 呢隻藥唔係處方藥物, 唔需要醫生紙都買到, 但係食左會好眼訓.

我曾被一條大百足又叫蜈蚣（約十吋長手指公咁粗）咬過，嗰時着對拖鞋冇着襪，黑mun mun踩到佢，被佢咬了只腳指一啖，但佢亦被我踩死咗（用膠袋包著），我立即查的药油卒吓嗰傷口，過咗半粒鐘開始頂唔順（越嚟越痛），馬上入急症室求醫，但打咗支止痛針都止唔到痛，坐喺輪椅到痛到飛起，過咗幾粒鐘慢慢冇咁痛（走人）。

我帶埋用膠袋包著嗰條大百足俾醫生睇，佢睇都唔睇叫我掉咗佢，佢話百足冇毒嘅，被佢咬到千期唔好用药油卒嗰傷口，否則越嚟越痛，應該用番皂清水洗傷囗就冇咁痛架lar。事後重要打埋破傷風針（十年有效），因禍得福tim！

百足通常喺的木板呢埋最多，其次喺的泥土入邊亦都有，各位農友要小心留意至好。最衰而家唔準養鷄，否則查的鷄口水馬上止痛（我朋友真人試過好使得架）。

百足（蜈蚣）

Touch wood, 蜈蚣就無見過, 老公就見過兩次"蛇", 一條打死了, 昨天見到另一條在前園, 入屋拿硫磺後唔見了, 找也找不到, 不知是走了還是藏在某個角落.

Sorry, 令大家誤會啦, 打少了一個字 - "蛇".

回覆：Cora

Cora "否則查的鷄口水馬上止痛" - 正在想像點囉鷄口水?用條百足引佢流口水? ha..ha...

唔係咁架！嗰鎮時我見到個客家婆、左手捉住只雞，右手手指插入個鷄口嗰到隙幾吓，然後查落個傷口嗰到，就馬上消種止痛，我地兩個人抬佢入去，佢自己行番出嚟。

呢個係吾係胡蜂巣?

jeffreyngcm 發表於 2012-7-17 23:26
呢個係吾係胡蜂巣?

在田邊,點算?

經常有馬蜂向天台起巢，有無方法防？

mono 發表於 2012-7-18 09:11
經常有馬蜂向天台起巢，有無方法防？

上天台嗰鎮時、千期唔好查咁多香水有幫助，金剛就因為查得多香水太多、比蜜蜂針了四次。

馬蜂同胡蜂都係肉食性 0既﹐佢 0地會幫除蟲﹐只要你 0吾搞佢或太接近佢﹐大家可以和平共處

佢向正我天台出入口起巢.....

查香水對起巢有幫助?