Rosemary的莖變白,有冇得救?

去完旅行回來(放室內窗邊,有人幫我每朝淋水),發現佢哋全部面目全非, 請問佢哋有冇得救?

Rosemary:
莖變了白色
部份葉(連住莖的位置)都變埋白色
另外, 有部份葉葉尖甚至半塊葉變黑

薄荷:
部份葉出現黑色點點

蒜:
全部葉軟弱無力瞓晒落地

會否之前淋太多水呀？

影張想嚟睇吓會清楚d

我有一盆迷迭香也是這樣

蒜的話, 會唔會係太乾或者濕太緊要, D根有事

薄荷我以前都試過黑點, 但那次係因為有小昆蟲滋生

silicon 發表於 2012-1-30 16:38
會否之前淋太多水呀？

影張想嚟睇吓會清楚d

大部份白色莖已經剪咗...在左邊嗰棵仲可以見到小小
泥面仲有啲跌咗落泥的半黑葉

泥太濕...似發毛爛葉喎

enemy 發表於 2012-1-30 22:13
大部份白色莖已經剪咗...在左邊嗰棵仲可以見到小小
泥面仲有啲跌咗落泥的半黑葉 ...

應該澆水太頻爛根了，嘗試剪下還完整的頂部枝條，
扦插進疏水的介質，看看是否有生機

收到~
同盆其中有一棵冇事,
咁係咪都係掘佢出來插進疏水的介質?定係唔好攪佢?

enemy 發表於 2012-1-30 22:26
收到~
同盆其中有一棵冇事,
咁係咪都係掘佢出來插進疏水的介質?定係唔好攪佢? ...

可以用靚土+黃花沙 (1:1)。扦插要用新或者消毒過的盆

妳可試掘出看看根部有否黑爛，如有，要將黑爛地方切走，切至健康組織處
(枝條最好用殺菌劑作消毒或1:99浸3~5分鐘，之後用清水沖洗)，
枝條底部葉片要摘走，然後將枝條插在泥裡，周圍泥土略為輕壓，
使枝條與泥土緊貼，澆水至盆底孔有水流出，多餘水倒掉；
找一個透明膠袋整盆套著，袋口綁著袋身吉些小孔，其間不用再澆水直至出根。

silicon 發表於 2012-1-30 22:53
可以用靚土+黃花沙 (1:1)。扦插要用新或者消毒過的盆

妳可試掘出看看根部有否黑爛，如有，要將黑爛地方 ...

掘了出來,
莖已變黑
大部份根都唔見咗,淨返啲根都變了黑色~
已經根位換盆, 希望救得返~

插枝其間同silicon講既一樣，大約一星期發根，發根後可以攞走膠袋。

建議用深D既盆種，之後既處理係摸到D泥乾晒先淋水，水由泥上入，盆底出咁就淋透。
淋透水之後，就要再等泥面全乾先再淋水透水。

因為用深盆，所以就算泥面乾，盆入面既泥其實仲係濕潤既，咁唔洗怕佢會乾死，就唔會太愛佢淋太多水喇...

我之前種既迷迭香就係成日怕佢乾，淋死晒...後來用左深花盆，知道中間會有水，唔夠水佢既根自己會去搵水飲，就放心無淋咁多水喇...(就算泥面乾左我冬天一星期唔淋水佢都生得好靚)

cklife 發表於 2012-1-31 09:05
插枝其間同silicon講既一樣，大約一星期發根，發根後可以攞走膠袋。

建議用深D既盆種，之後既處理係摸到D ...

其實我想用思樂冰杯嗰種方法俾佢吸水,
但係如果用深啲嘅盆(我棵嘢得返好矮)
在泥面插....
咁佢啲根咪有排都生唔到去盆底孔落去吸水囉??

enemy 發表於 2012-1-31 09:44
其實我想用思樂冰杯嗰種方法俾佢吸水,
但係如果用深啲嘅盆(我棵嘢得返好矮)
在泥面插....

插枝時可以用較為細d嘅盆，種到佢生出幾條新枝條時再移至較大的盆都未遲。

enemy 發表於 2012-1-31 09:44
其實我想用思樂冰杯嗰種方法俾佢吸水,
但係如果用深啲嘅盆(我棵嘢得返好矮)
在泥面插....

祝早日康復, 我種有百里香一堆, 同是怕水多的
於是改用有盆底碟的大盆種, (不是一個盆連埋隔水層的那種) 因為碟裝水不多, 一次過淋多了水都唔太怕
只是怕淋太密, 樓下可以試下能否係盆著手

你在泥面落水, 盆中層底層的泥還是濕的, 其實等於迷迭香一直都有水,
佢自己會慢慢生長到底層, 即係都要慢慢等佢生長一段時間

enemy 發表於 2012-1-31 09:44
其實我想用思樂冰杯嗰種方法俾佢吸水,
但係如果用深啲嘅盆(我棵嘢得返好矮)
在泥面插....

我講用深盆種...係話佢己經生左根，定植後既一般栽種.....換左深盆，泥深左...就算泥面乾，佢中間仲係濕既....
自己知道係咁....咪唔會成日淋水淋死佢囉...

唔係講思樂冰杯果種...之前思樂冰杯，個底放水黎吸果種...係未生根...插枝時候用...

佢入咗icu之後,
今朝發現又多咗啲黑葉
我唸佢命不久已~

Quote 小野貓  "係喎..提下你插枝要清走大約50%葉(下半截既)...黑葉係下半部都搣走佢啦~ "

我已經剪咗好多, 只係淨返頭嗰2層葉...
雖然浸過1:99, 發黑的莖都已經剪晒,
但係支莖仲好似有啲白毛


CK教主,
我明晚6:15左右可能經你嗰區,你方便嗎?pm你~

比你睇下你棵BB迷迭香啦...
剛才入盆，一星期之後先帶佢去晒太陽，盆中加左少少基肥，可以種住先。種到秋天先考慮換唔換盆，還是等出年春天先換盆。



D根咁長，唔怕吸唔到水啦.



佢係壓條法繁殖既...中間個四方格就係你個BB迷迭香喇...

我講深D既盆...意思係咁上下樣囉..
依個盆20CM直徑X25CM高


佢D根都去到盆底架...

多謝晒教主~

放工即刻去買個靚盆先~
..唔知IKEA或者吉吉島有冇類似嘅盆呢?
如果冇就飛出旺角買~

抄少少筆記比你睇下︰

迷迭香喜光照充足和乾燥的氣候條件，盆栽宜放置於室外陽台或陽光充足之處。由於生長迅速，每年需換盆一次。
種植它很容易，只要掌握通風、不悶熱、不過溼，有機肥份不用太多，因為迷迭香在國外，是像野草一樣生長的。

針對你之前太濕浸死既情況，建議每次想要澆水時，都用手按一下泥面，如果有濕氣就唔澆水住，到手按一D濕氣都無先澆水。
每次澆水時要水由泥面入，盆底流出，真係怕佢未吸夠水就再隔一個鐘照樣淋透水一次。之後就要手按泥面全乾先好再澆水。

迷迭香需要肥唔多，每季放一次肥。係邊盆挖細細個洞放入肥料，再用泥蓋住佢。最好用有機腐熟肥...可以買古早肥或黑雞肥等等。

注意唔通風會容易有害蟲。