意見徵集: 荒地點用好??

有個朋友佢喺facebook見到我種緊嘢
佢話佢喺在元朗某個荒山野嶺(由元朗市揸車入去要差唔多半個鐘)有間荒屋(有水有電有門鎖)同有一大片地~
如果我有興趣可以用佢間屋同地玩happy farm..

佢話佢嗰喥附近杳無人煙, 我亦冇可能平日返工前/放工後去淋水

請問,
如果裝自動洒水種瓜瓜菜菜,個system會唔會好貴??啲菜菜一星期先探佢哋一次行嗎??
如果唔種菜,種果樹,只靠天然雨水又得唔得??

各位大大,你哋仲有冇其他建議??

你發達啦！
種果樹！  不需經常淋水
木瓜啦、佢啲瓜可以自我保護.
只要不是太細嘅小苗,種地嘅木瓜不需打理、只要間中比啲肥料已OK.

種蘆薈都得.

自動洒水,只要買個時間制大約4XX-仟幾都有,水喉方面体你用鐵還是膠淋.我知旺角新填地街有得買..

菜園 發表於 2012-3-15 10:43
自動洒水,只要買個時間制大約4XX-仟幾都有,水喉方面体你用鐵還是膠淋.我知旺角新填地街有得買..
...

個時間制要4xx,咁個花洒頭呢?
個洒水係由上面噴落地面定係好似路旁政府嗰啲一路轉一路噴好??
我唸為節省成本會用膠喉~
除咗買時間制,買花洒同買喉外,唔知整個工程費用貴唔貴

組織一班同道中人，最好有些是元朗附近住，方便輪流打理。可以有多一落腳地 gathing 就更好。時間掣拉喉都不是大問題，最驚佢冇水冇電。不過，最好睇下實際環境先算。有水有電，一定有其他野在附近，最緊要唔好回收場、廢車場等…

唔會係祟山新村啩

種果樹好！種菜的話，拔野草都花好多好多時間……

種野菜，咪夠粗生唔洗擔心囉...(紅鳳菜、珍珠菜、韮菜、蕃薯葉等等都矛咁易死...)

又或者種樹仔類...(辣椒、紫蘇、蘿勒....等等)...樹仔D根深入泥下面，頂得耐好多架....

又或者種野草類...(香茅、艾草等等)....粗生都爆，本來就野生....而且係粗野...死左唔心痛。

我覺得種部份果樹啦....樹唔洗擔心淋水嘛....大左之後，又可以為其他植物遮陰，夏天係樹底下可以種D要遮陰既植物幾好呀...

你唔駛特登吃木瓜，我有好多木瓜種子，可以寄給你。