我是這樣幫植物施肥的

      之前睇到有花友分享施肥嘅經驗，覺得施肥亦都係種花者需要面對嘅一個問題，所以總結自己睇過嘅資料，加埋自己呢幾年種草花時施肥嘅心得，希望與花友做一個交流、分享，如有錯漏，煩請指出。






[ 本帖最後由 呵呵笑 於 2008-3-29 10:31 編輯 ]

       植物生長過程所需嘅元素大致有15種之多，除一啲可自行從空氣同水分化學合成（如碳、氫、氧），剩下嘅部分需由介質吸收獲得，其中主元素氮、磷、鉀為植物發育生長過程主要需求，也是土壤中相對較缺乏嘅元素
        所以我哋施肥最主要亦都係要補充呢啲元素。次類元素如鈣、硫、鎂，相對需要份量較少，可相應植物嘅需要而予以添加。其它微量要素因為需求極少可從土壤中得到滿足。

       由於植物生長過程所需要嘅主要素唔同，所以最好因係植物唔同時期施唔同肥料。
1、氮：“氮”係構成植物葉片嘅主要成分，可以促進葉片茂密常綠，幼苗時期到開花之前就需要施含“氮”肥比例高些嘅肥料。
   “氮”肥不足會導致莖枝細弱，葉片淡黃細小，容易落葉。過多亦會引起莖枝徒長，葉片過分壯大濃密而影響開花時間。

2、磷：主要以磷酸方式讓植物吸收，為構成植物花、果主要元素。開花前育蕾期開始用量需逐步增加，“磷”肥不足會令花朵細小、顏色暗淡，花期短並且花蕾容易脫落。“磷”肥施用過量亦會導致花朵過盛，令植物元氣大傷。


[ 本帖最後由 呵呵笑 於 2008-3-29 10:13 編輯 ]

3、鉀：主要以氧化鉀形式讓植物吸收，構成植物莖枝主要成，分元素。故“鉀”肥應平均使用於植物各個階段。

施肥方式：
       基肥；稱之為底肥，即係將肥料直接混合於土壤當中，讓養分逐步釋放至植物根部，當幼苗假植到苗盆或者植物定植到大嘅花盆、多年生植物換盆或者移植、季節性施肥都可以用呢種方式。
       基肥多以“緩效型”嘅肥料為主，如堆肥、雞屎肥、魚骨粉、豆餅（近年仲出現蚯蚓肥），以一層土一層肥料方式施肥，要小心唔好將肥料與根部有直接接觸，以免燒傷佐根系。
        對於多年生植物或者木本植物，如簕杜鵑、龍吐珠等花卉，可於春、秋兩季或者開完一輪花休養之後再次標花芽時，施以基肥補充下一個花期所需嘅養分，達到花密、開花持久，施肥時以樹冠投影為範圍，挖開泥面埋入肥料。

       追肥：即係於植物生長過程追施養分。以含有三要素之無機速效型化學肥料為主，用少量多餐方式稀釋後以根外施肥形式，直接噴灑於植物葉片。
       無論邊個階段，施肥都應該把握一個要訣：勤施薄肥，寧淡勿濃，以免引起肥傷。植物處於休眠期時唔可以施肥。
       市面會有一啲已分別針對唔同時期嘅稀釋形肥料（苗期、生長期、花果期），有水劑或者粉狀，以適當比較開水噴淋即可，且一舉兩得施肥兼淋水，通常7-10日施一次。施肥適宜於清晨、傍晚或者蔭天，切忌於太陽猛烈照射植物時使用。

自家小貼士：我用嘅另一種肥料磷酸二氫鉀”：
佢係肥料，亦係重要的生長調節劑，資料顯示佢有幾個好處：
1、 無氯，鹽指數低，能溶於水，富含磷鉀養分
2、 能緩沖土壤酸堿變化，穩定土壤中嘅PH值，可促進花卉根系微生物菌群生長系列，可改良土壤，使植物根系發達，葉片肥厚濃綠，增強抗病性。
3、用量少，效果明顯。磷酸二氫鉀中嘅鉀離子和磷酸根離子能直接被植物吸收利用

Thanks! 非常合用.

好詳盡啊!
我習慣是在換盤時在盤底先加一層泥, 再在上面加一層粒肥, 再加泥和植物.
由於我種的暫時還是小盤植物

[ 本帖最後由 蛀米虫 於 2008-3-29 10:36 編輯 ]

原帖由 呵呵笑 於 2008-3-29 10:24 發表

       施肥適宜於清晨、傍晚或者蔭天，切忌於太陽猛烈照射植物時使用。

我有少少意見:
施肥適宜於清晨、傍晚,避免太陽猛烈照射植物時使用。
陽光普照(當天)的清晨、傍晚是最佳的施肥時間.
我會選擇清晨施肥,施了肥的植物在陽光下會加速生長.
雨天,陰天都不適合施肥,雨天雨水會沖走肥料,陰天植物生長慢,不需要太多肥料,肥料會停留在泥土內,時間如果太長,對部份植物根部不良.
如有錯,請大家多多指教.

[ 本帖最後由 HoneyBees 於 2008-3-29 10:55 編輯 ]

好詳盡,是給我重溫的好機會, 就我而言, 我喜歡在換泥的時候混入有機肥, 之後在植物生長其間施速效肥, 先是促進植物生長以氮為主的肥, 生到咁上下再施以磷為主的肥料以促進開花 另外我也有會做堆肥, 以一層泥一層枯葉,廚餘的方式放在底部已鑽吼的大膠桶裡, 每天淋水讓其腐化, 三個月後便能使用, 感覺這堆肥排水佳, 肥力足, 直接用來種花的話之後也無須特別施肥, 最好還是用來種食用植物呢

[ 本帖最後由 Aalon 於 2008-3-29 10:59 編輯 ]

磷酸二氫鉀，內地好多花友都是用這種，聽說效果顯著。
上次有開團…不過最少…一大麻包袋 ，當然團不得…
佢地間中會連同硫酸亞鐵與磷酸二氫鉀一同使用。
http://www.huatan.net/bbs/read-h ... E1%D1%C7%CC%FA.html

而我本身在準備混合植料時會混入長效魔肥做基肥，以用花寶2號(20-20-20)稀釋液噴葉，定期以0-10-10開水澆盆土(這個有點臭)

磷酸二氫鉀？硫酸亞鐵？
我要上化學堂保保先得啦。
要買一大麻包袋! 點搞啦。

呵呵笑:花墟有買磷酸二氫鉀嗎?
              在花墟見到有買大陸花肥的,下次買點回來試下

原帖由 蛀米虫 於 2008-3-29 10:34 發表
好詳盡啊!
我習慣是在換盤時在盤底先加一層泥, 再在上面加一層粒肥, 再加泥和植物.
由於我種的暫時還是小盤植物

粒肥係複合長效肥，對於細盆栽幾適合嘎，我以前都會用在草花上，但後期發現肥效比較慢，對於要開好多花嘅品種唔夠肥。

原帖由 HoneyBees 於 2008-3-29 10:54 發表

我有少少意見:
施肥適宜於清晨、傍晚,避免太陽猛烈照射植物時使用。
陽光普照(當天)的清晨、傍晚是最佳的施肥時間.
我會選擇清晨施肥,施了肥的植物在陽光下會加速生長.
雨天,陰天都不適合施肥,雨天雨水會沖走肥料, ...

我睇過資料，施完肥後都唔太適合即刻大曬太陽哦。好似人食完補品後最好唔好立即做劇烈運動差唔多道理啦

原帖由 Aalon 於 2008-3-29 10:57 發表
好詳盡,是給我重溫的好機會, 就我而言, 我喜歡在換泥的時候混入有機肥, 之後在植物生長其間施速效肥, 先是促進植物生長以氮為主的肥, 生到咁上下再施以磷為主的肥料以促進開花 另外我也有會做堆肥, 以一層泥一層 ...

Aalon你咁嘅方法做堆肥取肥水好環保啊！其實好多肥料都可以自制。
洗米水完全發酵後都係肥水
夏天食完西反嘅西瓜皮切細件加水，等佢完全發酵後又係一流肥水。不過有時懶，所以我都只是好似你咁一層腐葉一層泥做堆肥，然後用呢啲堆肥同園泥混合用嚟種花而以。

原帖由 jade_a 於 2008-3-29 23:33 發表
呵呵笑:花墟有買磷酸二氫鉀嗎?
              在花墟見到有買大陸花肥的,下次買點回來試下

我都係其它花友幫我買嘎。一包好平，半KG到啦好似可以用好耐，我用膠樽裝起佢，避免佢潮濕。平時淋花時溝少少（薄肥勤施）

原帖由 alextang 於 2008-3-29 21:23 發表
磷酸二氫鉀？硫酸亞鐵？
我要上化學堂保保先得啦。
要買一大麻包袋! 點搞啦。