不知是什麼品種???

我係你地新貼睇到好多紫羅蘭品種，但都無我個D葉咁古怪，此花係花墟買架，10蚊盆。請各花友幫佢尋根，因我好怕佢係K型(因個次去無人買佢架)，謝謝你們，幫幫忙!!!

買回來後有沒有幫佢地清潔, 睇個樣都几dirty

會唔會係曾經晒傷, 將d爛葉搣左去, 消毒殺箘後養住睇吓遲d出新葉.

佢唔係k型, 係少女葉
不過就真係多塵左d
同埋有枯葉, 快d整理下啦

唔係好難快高長大嫁

仲有仲有，盡快換植料，從圖中所見，盆中現用的植料好似唔太夠疏水，太保水的植料有機會令堇兒根部呼吸不良，並且容易爛根。

個人認為，反正都換植料了，就順手同堇兒用洗潔精水沖個涼，一支350ml噴壺落一滴洗潔精就夠了，噴壺唔洗用打氣壓果種勁野，用一般的就可以了(<<唔太識表達)，之後用個桶仔盛些常溫的水(不是用來滅蟲就不用"熱"水了吧，怕一個不慎令樓主愛花有個萬一就唔太好… )，全株稍微輕輕浸佢落去過左d洗潔精佢，輕輕"King"下水，稍微修剪一下那些深啡色的根鬚，再用吉盆放好，放在通風地方或以風扇風乾，待株身的水乾了再用新植料上盆，有Hi-fresh就撒些於植株根部更好，為了令堇兒舒服D，之後的2-3個星期入溫箱住一陣更~更好。

===花友路過若見以上有錯的話，請務必通知我更正===

(樓主若想知道那個"熱"水滅蟲方法就建議你再出聲問了，一般是不需用這方法的，亦怕處理不當變成"打邊爐"就唔好啦… )

[ 本帖最後由 JenniferC 於 2008-3-27 11:07 編輯 ]

原帖由 JenniferC 於 27/3/2008 11:04 發表
仲有仲有，盡快換植料，從圖中所見，盆中現用的植料好似唔太夠疏水，太保水的植料有機會令堇兒根部呼吸不良，並且容易爛根。

個人認為，反正都換植料了，就順手同堇兒用洗潔精水沖個涼，一支350ml噴壺落一滴洗潔精就夠了，噴壺唔洗用 ...

好詳細, 表達快夾妥

JenniferC 真係講得好詳細，講到棵花花真係好似好舒服咁，好似去咗 sauna 或者做 spa 咁...

我只係將自己覺得樓主有可能需要知的講一講，能詳細講就盡我記憶講清楚D，因為好似我初接觸非洲堇的時候，好多野唔知，所以有多野唔知要去問人，見人講起才知道有步驟要做但又擔心好多野唔敢動手…
為免心慌慌估估下，講得清楚些少盡量嘗試比人有個大概可以令試做的個心定DD。
(而且我個人認為，襯從較平宜的非洲堇入手先練練手，到中堇毒深時買那些特別的品種後都較容易/懂得怎樣去處理了 )

唔該曬你地，now我立刻剪葉同換植料先

換左植料(係花展發叔到買的泥)啦，D植料=泥?
仲有你講Hi-fresh係咩?唔太知道???
溫箱又係咩，咩樣架，有無得買花墟???
仲有可用溫水搣虫，係咪將植物放於溫水中即可???
呀>___<唔記得左風扇風乾添，仲落左水同花肥，唔知驚唔驚呢，望佢唔好死啦謂有。
剪左好多葉，剪上癮，佢D葉係咪好左好多???


[ 本帖最後由 traceyto 於 2008-3-28 01:24 編輯 ]

換左植料(係花展發叔到買的泥)啦，D植料=泥?

植料有好多種，珠石、珍珠岩、科學泥、金泥、蘭石等等係植料，塘泥、河沙之類的都是植料，但可以留意下，塘泥才是真正的泥土(我是這樣認為的)，出面亦有唔少已混好了不同成份植料作不同用途的園藝土出售(就如你在發叔處買的)，所以我個人習慣稱這些為植料、介質或者盆土。(怕講左做泥，萬一唔知的就走去買塘泥就麻煩了… )

仲有你講Hi-fresh係咩?唔太知道???

Hi-fresh(高鮮)、Million(美能安)、Million A(美能安A)…
你慚慚會發現這版版都幾經常見到這些物品名稱，這個我唔太識用我自己文字答，所以看看以下的post吧(要用些時間"洗樓"了 )：
>>什麼是 Hi-Fresh?
>>hi-fresh, million, million A, ....
>>Hi-Fresh + Million-A
>>有關Hi-fresh一問
>>買唔到 hi-fresh, 點算呀 ??

溫箱又係咩，咩樣架，有無得買花墟???

溫箱，花墟應該有得賣，不過唔太清楚邊間店有售，因為我冇實際找尋過，而且唔平就是了。
因為非洲堇喜歡較高的空氣濕度，提供一個較高空氣濕度的環保比堇兒可以令堇兒長得更漂亮，尢其在傷到植株根部的時候較高空氣濕度對堇兒的回復較好。
你可以用一些東西整一個類似的環境去補濕，例如少少地可以用大個d的透明蛋糕盒盒上要開些小孔、可以在家品店10蚊店之類買個透明膠箱(亦要開些小孔)、可以用架子架起個穩固的空間用透明/磨沙透明膠袋/膠布蓋住佢、大地方的可以用個大架如法炮製，甚至比間房開放濕器…
(不過要記住入溫箱類，係要間中打大開個蓋比堇兒吸吸新鮮空氣，否則變"俺"菜焗死佢了(唔記得個"俺"字點寫…)。

仲有可用溫水搣虫，係咪將植物放於溫水中即可???

這個好多時用在中蟎時用(中左唔救就死得了，而且有傳播性，一個唔覺受害的不是一盆，是一個範圍的n盆)，這個是內地的花友教的，好似上面提到的洗澡方法，不過洗澡前先"砍頭"，之後過清洗潔精後再加個用近40度熱水浸30分鐘的步驟，這方法唔入溫箱的話…，好易死的。
我所講的"砍頭">>>http://hkplants.com/viewthread.php?tid=99&extra=page%3D3
(所以我上面提過，處理不當就變成"打邊爐了)

===花友路過若見以上有錯的話，請務必通知我更正===

[ 本帖最後由 JenniferC 於 2008-3-28 11:25 編輯 ]

噢，明白曬，謝謝。偽自己試下整一個溫箱先

多口提提你
個溫箱內可以用杯裝水增濕，或者直接倒d水在溫箱再以底碟隔開唔好比盆底直接接觸d水又得，甚至夠位的話可以放個下面照片中的隔水盆隔水亦得。


[ 本帖最後由 JenniferC 於 2008-3-28 21:06 編輯 ]

嘩，你D紫羅蘭好健康好靚呀，哈哈，真係好感謝你，教左好多野。係啦，係個盆粉紅色斑葉最型好特別，係邊到買架。

果盆在一般有非洲堇苗賣(對number花表果d)的植物店唔難找到($10苗)，佢係[287 Elizabeth]，苗唔似大株葉個樣，不過大果就變靚女啦~
佢苗時係咁樣o既

下，估佢唔到佢細個會係咁，真係女大十八變。
係啦，仲有咩叫少女葉???

少女葉(Girl foliage)有標準型(<<這不太肯定是否叫標準…有見過一般SIZE的，但未見過大株到Std.老株咁大棵)
有mini的，少女們愛高濕度少光，住得唔舒服就變樣，濕度唔夠d葉個"曲曲"邊幅度會細左，太光會黃葉。

這是我手頭上唯一一株少女，mini的396


別人的美少女
Silly Girl
可愛小花
Fay's Rachel
你可再用"Girl foliage"四周搜一搜，留意一下葉型及葉脈，不難分別。

[ 本帖最後由 JenniferC 於 2008-3-29 12:26 編輯 ]

少女葉好得意, 我都係花展買左396同A41, 希望佢地快高長大.

換左盆3日，D葉黑左，唔知點解，你地知唔知咩原因呀

我之前同堇兒砍頭後都有這情況，不過我…有在根部傷口上hi-fresh，入了溫箱一個星期都有葉變黑變軟…(我見成片葉變黑軟就cut掉)，因傷到根的關係，有些葉有些情況，我的情況是入了溫箱後2個星期左右，軟掉沒變黑的舉返手就冇事了。
不用常澆水，盆土乾了再澆透，但要留意空氣濕度。

===若上面有錯的，請路過我花友通知更正啊!!===